12.83C Vancouver 12.83C VancouverAug 2, 2022 10:04 PM - Connect News
ਨਿਊ ਵੈਸਟਮਿਨਸਟਰ ਪੁਲਿਸ ਨੇ ਇੱਕ ਵਪਾਰ ਨੂੰ ਨੁਕਸਾਨ ਪਹੁੰਚਾਉਣ ਦੇ ਮਾਮਲੇ 'ਚ ਇੱਕ ਆਦਮੀ ਦੀ ਗ੍ਰਿਫਤਾਰੀ ਅਤੇ ਉਸ 'ਤੇ ਦੋਸ਼ ਤੈਅ ਕਰਨ ਸੰਬੰਧੀ ਜਾਣਕਾਰੀ ਦਿੱਤੀ ਹੈ।
ਪੁਲਿਸ ਨੇ ਦੱਸਿਆ ਕਿ 26 ਜੁਲਾਈ ਨੂੰ ਸ਼ਾਮ ਕਰੀਬ 7 ਵਜੇ ਇੱਕ ਵਿਅਕਤੀ ਨੇ ਪੁਲਿਸ ਨੂੰ ਸੰਪਰਕ ਕਰ ਦੱਸਿਆ ਸੀ ਕਿ ਇੱਕ ਵਪਾਰ 'ਚ ਇੱਕ ਹਮਲੇ ਨੂੰ ਅੰਜਾਮ ਦਿੱਤਾ ਜਾ ਰਿਹਾ ਹੈ।
ਪ੍ਰਤੱਖਦਰਸ਼ੀਆਂ ਅਨੁਸਾਰ ਇੱਕ ਆਦਮੀ ਨੇ ਵਪਾਰ 'ਤੇ ਕੰਮ ਕਰਦੇ ਲੋਕਾਂ ਨੂੰ ਧਮਕਾਇਆ ਸੀ ਅਤੇ ਇਸੇ ਦੌਰਾਨ ਕੁਝ ਟੁੱਟਣ ਦਾ ਖੜਕਾ ਸੁਣਾਈ ਦਿੱਤਾ ਸੀ।
ਅਫ਼ਸਰ ਮੌਕੇ 'ਤੇ ਪਹੁੰਚੇ ਅਤੇ ਜਾਂਚ ਦੌਰਾਨ ਲੋਕਾਂ ਦੇ ਦੱਸੇ ਹੁਲੀਏ ਅਨੁਸਾਰ ਕੋਲੰਬੀਆ ਸਟ੍ਰੀਟ ਦੇ 600 ਬਲੌਕ 'ਚ ਇੱਕ ਸ਼ੱਕੀ ਵਿਖਾਈ ਦਿੱਤਾ।
ਸ਼ੱਕੀ ਵਿਅਕਤੀ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।
ਮਾਮਲੇ 'ਚ 27 ਸਾਲਾ ਗਿਮਾ ਡੈਂਗ 'ਤੇ ਜਿਸਮਾਨੀ ਨੁਕਸਾਨ ਪਹੁੰਚਾਉਣ ਵਾਲੇ ਹਮਲੇ ਦਾ ਇੱਕ ਦੋਸ਼, ਧਮਕੀਆਂ ਦੇਣ ਦਾ ਇੱਕ ਦੋਸ਼, ਮਿਸਚੀਫ ਦਾ ਇੱਕ ਦੋਸ਼ ਅਤੇ ਡਿਸਟਰਬੈਂਸ ਦਾ ਇੱਕ ਦੋਸ਼ ਲੱਗਿਆ ਹੈ।
