11.24C Vancouver 11.24C VancouverNov 29, 2022 1:21 AM - Connect News
ਚਿਲਿਵੈਕ 'ਚ ਵਾਪਰੀ ਕਤਲ ਦੀ ਵਾਰਦਾਤ 'ਚ ਐਲਬਰਟਾ ਦੇ ਇੱਕ ਵਿਅਕਤੀ 'ਤੇ ਦੋਸ਼ ਲੱਗੇ ਹਨ।
ਮਾਮਲਾ 27 ਸਾਲਾ ਕਾਇਲ ਕਰੋਮਾਰਟੀ ਦੀ ਮੌਤ ਨਾਲ ਸੰਬੰਧਤ ਹੈ।
ਸਾਲ 2018 'ਚ 4 ਅਕਤੂਬਰ ਨੂੰ ਚਿਲਿਵੈਕ 'ਚ ਯੇਲ ਰੋਡ ਦੇ 46600 ਬਲੌਕ 'ਚ ਇੱਕ ਆਦਮੀ ਦੇ ਮੈਡਿਕਲ ਪ੍ਰੇਸ਼ਾਨੀ 'ਚ ਹੋਣ ਦੀ ਜਾਣਕਾਰੀ ਮਿਲੀ ਸੀ।
ਮੌਕੇ 'ਤੇ ਅਫਸਰਾਂ ਨੇ ਇੱਕ ਆਦਮੀ ਵੇਖਿਆ ਜਿਸ ਨੂੰ ਗੋਲੀ ਲੱਗੀ ਸੀ।
ਕਰੋਮਾਰਟੀ ਨੂੰ ਚਿਲਿਵੈਕ ਰੀਜਨਲ ਹਸਪਤਾਲ ਪਹੁੰਚਾਇਆ ਗਿਆ ਸੀ ਪਰ ਉਸ ਨੇ ਦਮ ਤੋੜ ਦਿੱਤਾ।
ਮਾਮਲੇ ਦੀ ਜਾਂਚ ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ/ਆਈ.ਹਿਟ ਵੱਲੋਂ ਅਰੰਭੀ ਗਈ ਅਤੇ ਸਾਲ 2021 'ਚ ਮਾਮਲੇ ਨੂੰ ਆਈ.ਹਿਟ ਦੇ ਕੋਲਡ ਕੇਸ ਯੂਨਿਟ ਨੂੰ ਸੌਂਪ ਦਿੱਤਾ ਗਿਆ।
ਜਾਣਕਾਰੀ ਦਿੱਤੀ ਗਈ ਕਿ 25 ਨਵੰਬਰ ਨੂੰ ਇਸ ਮਾਮਲੇ 'ਚ ਹੈਰੀ ਕ੍ਰਿਸਟਨਸਨ ਨਾਮ ਦੇ ਵਿਅਕਤੀ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।
26 ਨਵੰਬਰ ਨੂੰ ਇਸ ਵਿਅਕਤੀ 'ਤੇ ਫਰਸਟ ਡਿਗਰੀ ਕਤਲ ਦਾ ਦੋਸ਼ ਤੈਅ ਕੀਤਾ ਗਿਆ।
ਸਾਰਜੈਂਟ ਟਿਮੋਥੀ ਪੈਰੋਟੀ ਨੇ ਕਿਹਾ ਕਿ ਇਹ ਮਾਮਲਾ ਆਈ.ਹਿਟ ਦੀ ਵਚਨਬੱਧਤਾ ਨੂੰ ਦਰਸ਼ਾਉਂਦਾ ਹੈ।
