16.49C Vancouver 16.49C VancouverJun 7, 2021 5:42 PM -
ਬੀ.ਸੀ. ਦੇ ਦੱਖਣੀ ਇੰਟੀਰੀਅਰ 'ਚ ਇੱਕ ਆਦਮੀ ਅਤੇ ਇੱਕ ਬੱਚੇ ਦੇ ਗੰਭੀਰ ਜ਼ਖਮੀ ਹੋਣ ਬਾਰੇ ਦੱਸਿਆ ਗਿਆ ਹੈ।
ਘਟਨਾ ਪੁਲਿਸ ਨਾਲ ਸੰਬੰਧਤ ਸ਼ੂਟਿੰਗ ਨਾਲ ਜੁੜੀ ਦੱਸੀ ਗਈ ਹੈ।
ਇੱਕ ਬਿਆਨ 'ਚ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਬੱਚੇ ਦੀ ਉਮਰ 12 ਸਾਲ ਤੋਂ ਘੱਟ ਮੰਨੀ ਜਾ ਰਹੀ ਹੈ।
ਦੱਸਿਆ ਗਿਆ ਕਿ ਆਦਮੀ ਅਤੇ ਬੱਚਾ ਇੱਕ ਕਥਿਤ ਚੋਰੀ ਦੇ ਟਰੱਕ 'ਚ ਸਵਾਰ ਸਨ ਜਦ ਇੱਕ ਅਫ਼ਸਰ ਨੇ ਇਹਨਾਂ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ।
ਕੈਮਲੂਪਸ ਦੇ ਦੱਖਣ ਵਾਲੇ ਪਾਸੇ ਟਰੱਕ ਨੂੰ ਰੋਕਣ ਦੇ ਇਸ਼ਾਰੇ ਦੇ ਬਾਵਜੂਦ ਟਰੱਕ ਨੂੰ ਦੌੜਾ ਲਿਆ ਗਿਆ।
ਇਸ ਟਰੱਕ ਨੂੰ ਕਰੀਬ 90 ਮਿੰਟ ਬਾਅਦ ਮੈਰਿਟ ਦੇ ਕੋਲ ਵੇਖਿਆ ਗਿਆ ਅਤੇ ਸਪਾਈਕ ਬੈਲਟ ਆਸਰੇ ਇਸ ਨੂੰ ਰੋਕਣ ਦੀ ਕੋਸ਼ਿਸ਼ ਵੀ ਨਾਕਾਮ ਰਹੀ।
ਪੁਲਿਸ ਨੇ ਦੱਸਿਆ ਕਿ ਉਨ੍ਹਾਂ ਗੋਲੀ ਚਲਾਈ ਅਤੇ ਜਵਾਬ 'ਚ ਟਰੱਕ ਵਿੱਚੋਂ ਵੀ ਗੋਲੀ ਚੱਲੀ।
ਕਰੀਬ 5km ਦੀ ਦੂਰੀ 'ਤੇ ਇਹ ਟਰੱਕ ਰੋਕਿਆ ਜਾ ਸਕਿਆ ਅਤੇ ਅੰਦਰ ਆਦਮੀ ਅਤੇ ਬੱਚਾ ਮਿਲੇ।
ਮਾਮਲੇ ਦੀ ਜਾਂਚ ਆਈ.ਆਈ.ਓ. ਵੱਲੋਂ ਕੀਤੀ ਜਾ ਰਹੀ ਹੈ।
