15.25C Vancouver 15.25C VancouverAug 10, 2021 7:21 PM -
ਦੱਖਣਪੂਰਬੀ ਬੀ.ਸੀ. 'ਚ ਇੱਕ ਵਿਅਕਤੀ ਦੀ ਦਰਿਆ 'ਚ ਡਿੱਗਣ ਤੋਂ ਬਾਅਦ ਮੌਤ ਹੋ ਗਈ ਹੈ।
ਗੋਲਡਨ ਦੇ ਇਲਾਕੇ 'ਚ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਘਟਨਾ ਕੋਲੰਬੀਆ ਦਰਿਆ 'ਚ ਵਾਪਰੀ।
ਸ਼ੁੱਕਰਵਾਰ ਦੁਪਹਿਰ ਦੇ ਸਮੇਂ ਪੁਲਿਸ ਨੂੰ ਜਾਣਕਾਰੀ ਮਿਲੀ ਸੀ ਕਿ ਸਾਈਕਲ 'ਤੇ ਜਾਂਦਾ ਇੱਕ ਵਿਅਕਤੀ ਪੁਲ ਦੇ ਨਾਲ ਕ੍ਰੈਸ਼ ਕਰ ਗਿਆ ਸੀ ਅਤੇ ਦਰਿਆ 'ਚ ਜਾ ਡਿੱਗਿਆ ਸੀ।
ਸਾਰਜੈਂਟ ਬੈਟੀ ਵਾਟਸਨ ਨੇ ਦੱਸਿਆ ਕਿ ਭਾਲ ਅਤੇ ਬਚਾਅ ਟੀਮ ਨੇ ਵਿਅਕਤੀ ਨੂੰ ਭਾਲਿਆ ਸੀ ਅਤੇ ਉਸ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਸੀ।
ਹਸਪਤਾਲ 'ਚ ਵਿਅਕਤੀ ਨੂੰ ਮ੍ਰਿਤ ਐਲਾਨ ਦਿੱਤਾ ਗਿਆ।
ਪੀੜਤ ਦੀ ਉਮਰ 39 ਸਾਲ ਸੀ।
ਬੀ.ਸੀ. ਕੋਰੋਨਰਸ ਸਰਵਿਸ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਹਾਲਾਂਕਿ ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲਾ ਅਪਰਾਧਿਕ ਨਹੀਂ ਹੈ।
