17.27C Vancouver 17.27C VancouverJul 5, 2022 8:10 PM - The Canadian Press
ਸਰੀ 'ਚ ਗੋਲੀ ਚੱਲਣ ਦੀ ਜਾਨਲੇਵਾ ਵਾਰਦਾਤ ਵਾਪਰੀ ਹੈ।
ਘਟਨਾ ਇੱਕ ਹੋਟਲ ਦੇ ਬਾਹਰ ਵਾਪਰੀ ਅਤੇ ਹਮਲੇ 'ਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਹੈ।
ਵਾਰਦਾਤ ਨੂੰ ਵੌਲੀ ਇਲਾਕੇ 'ਚ ਸਥਿਤ ਡੇਜ਼ ਇਨ ਹੋਟਲ ਦੇ ਪਾਰਕਿੰਗ ਲੌਟ 'ਚ ਅੰਜਾਮ ਦਿੱਤਾ ਗਿਆ।
ਸੋਮਵਾਰ ਸ਼ਾਮ ਕਰੀਬ 5 ਵਜੇ, ਦਿਨ-ਦਿਹਾੜੇ ਵੌਲੀ ਦਾ ਇਲਾਕਾ ਗੋਲੀਆਂ ਦੀ ਆਵਾਜ਼ ਨਾਲ ਗੂੰਜ ਉੱਠਿਆ।
ਮੌਕੇ 'ਤੇ ਪਹੁੰਚੇ ਪੁਲਿਸ ਅਫਸਰਾਂ ਨੂੰ ਇੱਕ ਪੀੜਤ ਗੰਭੀਰ ਜਖਮੀ ਹਾਲਤ 'ਚ ਮਿਲਿਆ।
ਪੁਲਿਸ ਨੇ ਦੱਸਿਆ ਕਿ ਪੀੜਤ ਨੂੰ ਬਚਾਉਣ ਦੀਆਂ ਕੋਸ਼ਿਸ਼ਾਂ ਨਾਕਾਮ ਰਹੀਆਂ।
ਘਟਨਾ ਤੋਂ ਬਾਅਦ ਪੁਲਿਸ ਨੇ ਹੋਟਲ ਦੇ ਆਲੇ-ਦੁਆਲੇ ਦੇ ਇਲਾਕੇ ਦੀ ਘੇਰਾਬੰਦੀ ਕਰ ਲਈ ਸੀ।
ਪੁਲਿਸ ਵੱਲੋਂ ਮੌਕੇ 'ਤੇ ਇੱਕ ਨੀਲੇ ਰੰਗ ਦੀ ਗੱਡੀ 'ਤੇ ਧਿਆਨ ਕੇਂਦਰਿਤ ਕੀਤਾ ਜਾ ਰਿਹਾ ਸੀ।
ਪੁਲਿਸ ਅਨੁਸਾਰ ਮੌਕੇ ਤੋਂ ਇੱਕ ਚਾਂਦੀ ਰੰਗੀ ਇਨਫਿਨਿਟੀ ਗੱਡੀ ਨੂੰ ਨਿਕਲਦੇ ਵੇਖਿਆ ਗਿਆ ਸੀ ਜਿਸ 'ਤੇ ਸ਼ੱਕ ਜਾਹਿਰ ਕੀਤਾ ਗਿਆ ਹੈ।
ਘਟਨਾ ਤੋਂ ਬਾਅਦ 96 ਐਵੀਨਿਊ ਅਤੇ 124 ਸਟ੍ਰੀਟ ਦੇ ਕੋਲ ਇੱਕ ਵਾਹਨ ਅੱਗ ਦੇ ਹਵਾਲੇ ਕੀਤਾ ਮਿਲਿਆ ਸੀ।
ਪੁਲਿਸ ਜਾਂਚ ਕਰ ਰਹੀ ਹੈ ਕਿ ਇਸ ਵਾਹਨ ਦਾ ਵਾਰਦਾਤ ਨਾਲ ਕੋਈ ਸੰਬੰਧ ਹੈ ਜਾਂ ਨਹੀਂ।
ਪੁਲਿਸ ਵੱਲੋਂ ਲੋਕਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਕਿਸੇ ਕੋਲ ਘਟਨਾ ਦੀ ਜਾਣਕਾਰੀ ਜਾਂ ਕੋਈ ਫੁਟੇਜ ਹੋਵੇ ਤਾਂ ਦੱਸਿਆ ਜਾਵੇ।
ਗੋਲੀ ਚੱਲਣ ਦੀ ਵਾਰਦਾਤ ਅਤੇ ਫਿਰ ਇੱਕ ਗੱਡੀ ਨੂੰ ਅੱਗ ਲਗਾਉਣਾ ਇਸ ਘਟਨਾ ਨੂੰ ਗੈਂਗ ਸੰਬੰਧੀ ਵਾਰਦਾਤ ਹੋਣ ਦਾ ਇਸ਼ਾਰਾ ਕਰਦੇ ਹਨ ਪਰ ਇਸ ਬਾਰੇ ਫਿਲਹਾਲ ਪੁਲਿਸ ਵੱਲੋਂ ਪੁਸ਼ਟੀ ਨਹੀਂ ਕੀਤੀ ਗਈ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਸ਼ੁਰੂਆਤੀ ਜਾਂਚ 'ਚ ਘਟਨਾ ਟਾਰਗੈਟਿਡ ਹਮਲਾ ਜਾਪਦੀ ਹੈ।
ਘਟਨਾ ਦੀ ਜਾਂਚ ਹੁਣ ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਕੋਲ ਪਹੁੰਚ ਗਈ ਹੈ।
