16.64C Vancouver 16.64C VancouverFeb 11, 2021 9:23 PM -
ਪੁਲਿਸ ਨੇ ਬੁੱਧਵਾਰ ਨੂੰ ਹੋਪ 'ਚ ਵਾਪਰੇ ਕ੍ਰੈਸ਼ ਬਾਰੇ ਵਧੇਰੇ ਜਾਣਕਾਰੀਆਂ ਜਾਰੀ ਕੀਤੀਆਂ ਹਨ।
ਦੱਸਿਆ ਗਿਆ ਹੈ ਕਿ ਘਟਨਾ 'ਚ ਇੱਕ ਵਿਅਕਤੀ ਅਤੇ ਇੱਕ ਕੁੱਤੇ ਨੇ ਜਾਨ ਗਵਾ ਦਿੱਤੀ ਹੈ।
ਇਸ ਘਟਨਾ 'ਚ 5 ਲੋਕਾਂ ਦੇ ਗੰਭੀਰ ਜ਼ਖਮੀ ਹੋਣ ਅਤੇ ਕੁੱਲ 50 ਲੋਕਾਂ ਦੇ ਸੱਟਾਂ ਲੱਗਣ ਦੀ ਜਾਣਕਾਰੀ ਹੈ।
ਪੁਲਿਸ ਨੇ ਦੱਸਿਆ ਕਿ ਘਟਨਾ ਉਸ ਵੇਲੇ ਵਾਪਰੀ ਜਦ ਇੱਕ ਸੈਮੀ-ਟਰੱਕ, ਪਹਾੜੀ ਰਸਤੇ 'ਚ ਇੱਕ 'ਐਸ-ਕਰਵ' ਵਾਲੇ ਥਾਂ 'ਤੇ ਰੁਕ ਗਿਆ ਸੀ।
ਜਦ ਤਕ ਪੁਲਿਸ ਮੌਕੇ 'ਤੇ ਪਹੁੰਚੀ ਤਾਂ ਇੱਕ ਪਿਕਅਪ ਟਰੱਕ ਇਸ ਟਰੈਕਟਰ-ਟਰੇਲਰ ਨਾਲ ਟਕਰਾ ਗਿਆ ਸੀ।
ਇਸ ਤੋਂ ਬਾਅਦ ਕਈ ਵਾਹਨ ਇਹਨਾਂ ਵਾਹਨਾਂ ਨਾਲ ਟਕਰਾ ਗਏ।
ਘਟਨਾ 'ਚ ਘਟੋ-ਘੱਟ 2 ਦਰਜਨ ਵਾਹਨ ਅਤੇ ਇੱਕ ਬੱਸ ਸ਼ਾਮਿਲ ਸੀ।
ਪੁਲਿਸ ਨੇ ਦੱਸਿਆ ਕਿ ਸਾਊਥ ਓਕਾਨਾਗਨ ਇਲਾਕੇ ਦਾ ਪਿਕਅਪ ਟਰੱਕ ਦਾ ਚਾਲਕ ਅਤੇ ਉਸ ਦਾ ਕੁੱਤਾ ਇਸ ਘਟਨਾ 'ਚ ਜਾਨ ਗਵਾ ਬੈਠੇ।
ਯਾਦ ਰਹੇ ਘਟਨਾ ਤੋਂ ਕਰੀਬ 12 ਘੰਟੇ ਬਾਅਦ ਬੁੱਧਵਾਰ ਰਾਤ ਕਰੀਬ 10 ਵਜੇ ਤੋਂ ਕੋਕਾਹਾਲਾ ਹਾਈਵੇਅ 'ਤੇ ਆਵਾਜਾਈ ਸ਼ੁਰੂ ਹੋ ਗਈ ਸੀ।
