15.24C Vancouver 15.24C VancouverJan 12, 2022 9:28 PM - The Canadian Press
ਵੈਨਕੂਵਰ ਦੇ ਵਿੱਚ ਕਾਮਾਗਾਟਾ ਮਾਰੂ ਮੈਮੋਰੀਅਲ ਦੀ ਤੋੜਭੰਨ ਦੀ ਘਟਨਾ ਤੋਂ ਕਰੀਬ 5 ਮਹੀਨੇ ਬਾਅਦ, ਹੁਣ ਇੱਕ 39 ਸਾਲਾ ਯੂਨੀਆਰ ਕੁਰਨੀਆਵਨ ਨਾਮ ਦੇ ਵਿਅਕਤੀ 'ਤੇ ਦੋਸ਼ ਲਗਾਏ ਗਏ ਹਨ ਅਤੇ ਉਸ ਦੀ ਗ੍ਰਿਫਤਾਰੀ ਦੇ ਵਾਰੰਟ ਜਾਰੀ ਕੀਤੇ ਗਏ ਹਨ।
ਘਟਨਾ ਬੀਤੇ ਸਾਲ ਅਗਸਤ ਮਹੀਨੇ 'ਚ ਵਾਪਰੀ ਸੀ, ਜਦ ਕੋਲ ਹਾਰਬਰ 'ਚ ਸੀਅ ਵਾਲ ਦੇ ਕੋਲ ਸਥਿਤ ਕਾਮਾਗਾਟਾ ਮਾਰੂ ਮੈਮੋਰੀਅਲ ਨੂੰ ਨੁਕਸਾਨ ਪਹੁੰਚਾਇਆ ਗਿਆ ਸੀ।
ਘਟਨਾ ਤੋਂ ਬਾਅਦ ਪੁਲਿਸ ਦਾ ਕਹਿਣਾ ਸੀ ਕਿ, ਮੈਮੋਰੀਅਲ 'ਤੇ ਕਈ ਥਾਵਾਂ 'ਤੇ ਚਿੱਟੇ ਹੈਂਡ-ਪ੍ਰਿੰਟ ਵੇਖੇ ਜਾ ਸਕਦੇ ਸਨ, ਜਿਸ ਨਾਲ ਕਈ ਅਜਿਹੇ ਲੋਕਾਂ ਦੇ ਨਾਮ ਢਕ ਦਿੱਤੇ ਗਏ ਜੋ ਕਿ ਇਸ ਸਮੁੰਦਰੀ ਜਹਾਜ਼ 'ਤੇ ਸਵਾਰ ਸਨ।
ਇਸ ਘਟਨਾ ਤੋਂ ਬਾਅਦ ਪ੍ਰੀਮਿਅਰ ਜੌਨ ਹੌਰਗਨ ਨੇ ਵੀ ਨਿਰਾਸ਼ਾ ਜਾਹਿਰ ਕੀਤੀ ਸੀ।
ਹੁਣ ਮਾਮਲੇ 'ਚ ਇੱਕ ਸ਼ੱਕੀ ਦੀ ਪਛਾਣ ਹੋ ਗਈ ਹੈ।
ਸਾਰਜੈਂਟ ਸਟੀਵ ਐਡੀਸਨ ਨੇ ਕਿਹਾ ਕਿ ਇਸ ਅਪਰਾਧ ਤੋਂ ਬਾਅਦ ਕਮਿਊਨਿਟੀ 'ਚ ਨਿਰਾਸ਼ਾ ਸੀ ਕਿਉਂਕਿ ਇਹ ਇਤਿਹਾਸ ਦੀ ਇੱਕ ਅਹਿਮ ਘਟਨਾ ਨਾਲ ਜੁੜਿਆ ਮੈਮੋਰੀਅਲ ਹੈ ਅਤੇ ਦਰਸ਼ਾਉਂਦਾ ਹੈ ਕਿ ਅਸੀਂ ਇੱਕ ਵਧੇਰੇ ਇੰਕਲੂਸਿਵ ਕਮਿਊਨਿਟੀ ਬਣਨ ਲਈ ਕੀ ਕੁਝ ਕਦਮ ਚੁੱਕੇ ਹਨ।
ਵੈਨਕੂਵਰ ਪੁਲਿਸ ਦਾ ਟਵੀਟ:
A four-month Vancouver Police investigation has resulted in charges against a man who allegedly defaced Vancouver’s Komagata Maru memorial in Coal Harbour last summer. https://vpd.ca/news/2022/01/12/vpd-investigation-leads-to-charges-after-treasured-memorial-defaced/
