ਵਿਕਟੋਰੀਆ 'ਚ ਦੋ ਔਰਤਾਂ 'ਤੇ ਬੇਵਜ੍ਹਾ ਕੀਤੇ ਕਥਿਤ ਹਮਲੇ ਤੋਂ ਬਾਅਦ ਇੱਕ ਵਿਅਕਤੀ 'ਤੇ ਲੱਗੇ ਦੋਸ਼

ਵਿਕਟੋਰੀਆ 'ਚ ਇੱਕ ਵਿਅਕਤੀ 'ਤੇ 'ਬਿਨਾ ਕਿਸੇ ਵਜ੍ਹਾ' ਔਰਤਾਂ 'ਤੇ ਹਮਲਾ ਕਰਨ ਅਤੇ ਇੱਕ ਪੁਲਿਸ ਅਫ਼ਸਰ ਨਾਲ ਉਲਝਣ ਦੇ ਇਲਜ਼ਾਮ ਲੱਗੇ ਹਨ।

ਵਿਕਟੋਰੀਆ ਪੁਲਿਸ ਨੇ ਇੱਕ ਬਿਆਨ ਜਾਰੀ ਕਰ ਦੱਸਿਆ ਕਿ ਸ਼ੁੱਕਰਵਾਰ ਨੂੰ ਇੱਕ ਵਿਅਕਤੀ ਨੇ ਡਾਊਨਟਾਊਨ ਇਲਾਕੇ 'ਚ ਇੱਕ ਔਰਤ 'ਤੇ ਮੁੱਕੇ ਨਾਲ ਹਮਲਾ ਕੀਤਾ।

ਪੁਲਿਸ ਅਨੁਸਾਰ ਇਸ ਵਿਅਕਤੀ ਨੂੰ ਲੋਕਾਂ ਨੇ ਮੌਕੇ ਤੋਂ ਨਿਕਲਣ ਨਹੀਂ ਦਿੱਤਾ ਅਤੇ ਉਸ ਨੂੰ ਮੌਕੇ 'ਤੇ ਹੀ ਰੋਕ ਕੇ ਰੱਖਿਆ।

ਪੁਲਿਸ ਦੇ ਦੱਸਿਆ ਕਿ ਬਾਅਦ 'ਚ ਹਮਲਾਵਰ ਨੇ ਹਿਰਾਸਤ 'ਚ ਰਹਿੰਦਿਆਂ ਇੱਕ ਪੁਲਿਸ ਅਫ਼ਸਰ 'ਤੇ ਵੀ ਹੱਥ ਚੁੱਕਿਆ।

ਪੁਲਿਸ ਨੂੰ ਪਤਾ ਲੱਗਿਆ ਕਿ ਇਸੇ ਵਿਅਕਤੀ ਨੇ ਇੱਕ ਗਰਭਵਤੀ ਔਰਤ 'ਤੇ ਵੀ ਹਮਲਾ ਕੀਤਾ ਸੀ ਜਿਸ ਨੂੰ ਹਸਪਤਾਲ ਪਹੁੰਚਣਾ ਪਿਆ ਸੀ।

ਕਿਸੇ ਦੇ ਵੀ ਗੰਭੀਰ ਸੱਟਾਂ ਲੱਗਣ ਤੋਂ ਬਚਾਅ ਰਿਹਾ।

ਪੁਲਿਸ ਅਨੁਸਾਰ ਇਸ ਵਿਅਕਤੀ 'ਤੇ ਸਾਲ 2019 'ਚ ਵੀ ਅਜਿਹੇ ਦੋਸ਼ ਲੱਗ ਚੁੱਕੇ ਹਨ।

ਵਿਕਟੋਰੀਆ ਪੁਲਿਸ ਦਾ ਟਵੀਟ:

Officers arrested a man on Friday afternoon after two separate, random attacks targeting women. The man was also breaching conditions from a previous assault causing bodily harm conviction, for randomly assaulting a woman downtown in 2019. #yyj