10.96C Vancouver 10.96C VancouverSep 16, 2025 7:48 PM - The Canadian Press
ਕੈਨੇਡੀਅਨ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਮੈਨੀਟੋਬਾ ਵਿਚ ਅਮਰੀਕੀ ਸਰਹੱਦ ਪਾਰ ਕਰਨ ਦੀ ਕੋਸ਼ਿਸ਼ ਦੌਰਾਨ ਬਰਫੀਲੇ ਤੂਫਾਨ ਅਤੇ ਠੰਡ ਵਿਚ ਜੰਮ ਕੇ ਮਰਨ ਵਾਲੀ ਭਾਰਤੀ ਪ੍ਰਵਾਸੀ ਪਰਿਵਾਰ ਦੀ ਸਮੱਗਲਿੰਗ ਦੇ ਦੋਸ਼ ਵਿਚ ਫੈਨਿਲ ਪਟੇਲ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ, ਭਾਰਤੀ ਪੁਲਿਸ ਨੇ ਫੈਨਿਲ 'ਤੇ ਕੈਨੇਡਾ ਰਾਹੀਂ ਚਾਰ ਜੀਆਂ ਦੇ ਪਰਿਵਾਰ ਦੀ ਤਸਕਰੀ ਵਿਚ ਮਦਦ ਕਰਨ ਦਾ ਦੋਸ਼ ਲਗਾਇਆ ਗਿਆ ਸੀ।
ਤਿੰਨ ਸਾਲ ਤੋਂ ਵੱਧ ਸਮਾਂ ਪਹਿਲਾਂ ਹੋਈ ਇਸ ਘਟਨਾ ਦੇ ਸਬੰਧ ਵਿਚ ਕੈਨੇਡੀਅਨ ਜਸਟਿਸ ਡਿਪਾਰਟਮੈਂਟ ਦੇ ਇੱਕ ਬੁਲਾਰੇ ਕੈਟੇਲਿਨ ਮੂਰਸ ਮੁਤਾਬਕ, ਫੈਨਿਲ ਪਟੇਲ ਨੂੰ ਅਮਰੀਕਾ ਤੋਂ extradition request 'ਤੇ ਹਿਰਾਸਤ ਵਿਚ ਲਿਆ ਗਿਆ। ਮੂਰਸ ਨੇ ਕਿਹਾ ਕਿ ਡਿਪਾਰਟਮੈਂਟ ਇਸ ਸਬੰਧੀ ਹੋਰ ਵੇਰਵੇ ਨਹੀਂ ਦੇ ਸਕਦਾ ਕਿਉਂਕਿ ਹਵਾਲਗੀ ਸਬੰਧੀ ਡਿਟੇਲਸ ਸਟੇਟ-ਟੂ-ਸਟੇਟ ਗੁਪਤ ਹੁੰਦੀਆਂ ਹਨ।
ਜਗਦੀਸ਼ ਪਟੇਲ ਪਰਿਵਾਰ ਜਿਸ ਦਾ ਫੈਨਿਲ ਪਟੇਲ ਨਾਲ ਕੋਈ ਸਬੰਧ ਨਹੀਂ ਸੀ ਉਸ ਪਰਿਵਾਰ ਦੀ ਮੌਤ ਮੈਨੀਟੋਬਾ ਤੋਂ ਮਿਨੀਸੋਟਾ ਵਿਚ ਗੈਰ-ਕਾਨੂੰਨੀ ਤੌਰ 'ਤੇ ਦਾਖਲ ਹੋਣ ਦੀ ਕੋਸ਼ਿਸ਼ ਕਰਦੇ ਸਮੇਂ ਹਾਈਪੋਥਰਮੀਆ ਕਾਰਨ ਹੋ ਗਈ ਸੀ।
19 ਜਨਵਰੀ 2022 ਨੂੰ ਉਨ੍ਹਾਂ 4 ਜੀਆਂ ਦੀਆਂ ਲਾਸ਼ਾਂ ਅਮਰੀਕੀ ਸਰਹੱਦ ਤੋਂ ਲਗਭਗ 12 ਕਿਲੋਮੀਟਰ ਪਹਿਲਾਂ ਮੈਨੀਟੋਬਾ ਦੇ ਐਮਰਸਨ ਨੇੜੇ ਬਰਫ਼ ਵਿਚ ਜੰਮੀਆਂ ਮਿਲੀਆਂ ਸਨ, ਜਿਸ ਵਿਚ ਉਨ੍ਹਾਂ ਦੀ 11 ਸਾਲਾ ਧੀ ਅਤੇ ਤਿੰਨ ਸਾਲਾ ਪੁੱਤਰ ਸ਼ਾਮਲ ਸਨ।
