ਵੈਨਕੂਵਰ ਚਾਈਨਾਟਾਊਨ ਫੈਸਟੀਵਲ 'ਚ ਤਿੰਨ ਲੋਕਾਂ 'ਤੇ ਹਮਲਾ ਕਰਨ ਵਾਲਾ ਦੋਸ਼ੀ ਅਪਰਾਧਿਕ ਤੌਰ 'ਤੇ ਜ਼ਿੰਮੇਵਾਰ ਨਹੀਂ: ਬੀ.ਸੀ. ਸੁਪਰੀਮ ਕੋਰਟ

ਵੈਨਕੂਵਰ ਚਾਈਨਾਟਾਊਨ ਫੈਸਟੀਵਲ ਵਿਚ ਸਤੰਬਰ 2023 ਵਿਚ ਤਿੰਨ ਲੋਕਾਂ ਨੂੰ ਚਾਕੂ ਨਾਲ ਹਮਲਾ ਕਰਕੇ ਜ਼ਖਮੀ ਕਰਨ ਦੇ ਦੋਸ਼ੀ ਨੂੰ ਬੀ.ਸੀ. ਸੁਪਰੀਮ ਕੋਰਟ ਨੇ ਅਪਰਾਧਿਕ ਤੌਰ 'ਤੇ ਜ਼ਿੰਮੇਵਾਰ ਨਹੀਂ ਪਾਇਆ ਹੈ। ਜਸਟਿਸ ਏਰਿਕ ਗੋਟਾਰਡੀ ਨੇ ਇਹ ਫੈਸਲਾ ਸੁਣਾਇਆ, ਜੱਜ ਨੇ ਕਿਹਾ ਕਿ 66 ਸਾਲਾ ਬਲੇਅਰ ਡੋਨੇਲੀ ਇੱਕ ਮਾਨਸਿਕ ਬੀਮਾਰੀ ਤੋਂ ਪੀੜਤ ਹੈ ਜਿਸ ਕਾਰਨ ਉਹ ਸਹੀ-ਗਲਤ ਦਾ ਫੈਸਲਾ ਕਰਨ ਦੇ ਯੋਗ ਨਹੀਂ ਸੀ।

ਡੋਨੇਲੀ ਇੱਕ ਸ਼ਾਈਜ਼ੋਫਰੀਨੀਆ ਨਾਂ ਦੀ ਬਿਮਾਰੀ ਤੋਂ ਪੀੜਤ ਹੈ। ਮੁਕੱਦਮੇ ਵਿਚ ਸੁਣਿਆ ਗਿਆ ਕਿ ਉਸ ਨੇ ਅਦਾਲਤ ਨੂੰ ਕਿਹਾ ਕਿ God ਨੇ ਉਸ ਨੂੰ ਹਮਲਾ ਕਰਨ ਲਈ ਕਿਹਾ ਸੀ ਤੇ ਉਸ ਨੇ Holy Spirit ਤੋਂ ਹਮਲਾ ਰੋਕਣ ਲਈ ਸੰਕੇਤ ਮੰਗਿਆ ਪਰ ਉਸ ਨੂੰ ਕੋਈ ਇਸ਼ਾਰਾ ਨਹੀਂ ਮਿਲਿਆ। ਇਸ ਫੈਸਲੇ ਤੋਂ ਬਾਅਦ ਡੋਨੇਲੀ ਦੇ ਕੇਸ ਨੂੰ ਬੀ.ਸੀ. ਸਮੀਖਿਆ ਬੋਰਡ ਕੋਲ ਭੇਜਿਆ ਜਾ ਰਿਹਾ ਹੈ ਜੋ 90 ਦਿਨਾਂ ਵਿਚ ਉਸ ਦੇ ਕੇਸ 'ਤੇ ਫੈਸਲਾ ਲਵੇਗਾ।

ਇਹ ਡੋਨੇਲੀ ਦਾ ਪਹਿਲਾ ਹਿੰਸਕ ਅਪਰਾਧ ਨਹੀਂ ਹੈ। 2006 ਵਿਚ ਉਸ ਨੂੰ ਆਪਣੀ ਧੀ ਨੂੰ ਚਾਕੂ ਮਾਰ ਕੇ ਮਾਰਨ ਅਤੇ 2017 ਵਿਚ ਇੱਕ ਮਾਨਸਿਕ ਰੋਗੀ 'ਤੇ ਮੱਖਣ ਵਾਲੇ ਚਾਕੂ ਨਾਲ ਹਮਲਾ ਕਰਨ ਦੇ ਮਾਮਲੇ ਵਿਚ ਵੀ ਅਪਰਾਧਿਕ ਤੌਰ 'ਤੇ ਜ਼ਿੰਮੇਵਾਰ ਨਹੀਂ ਠਹਿਰਾਇਆ ਗਿਆ ਸੀ। ਕੋਰਟ ਨੇ ਕਿਹਾ ਕਿ ਡੋਨੇਲੀ ਬੀ.ਸੀ. ਫੋਰੈਂਸਿਕ ਮਨੋਵਿਗਿਆਨਕ ਹਸਪਤਾਲ ਵਿਚ ਰਹੇਗਾ।