11.3C Vancouver 11.3C VancouverApr 24, 2025 8:15 PM - Connect Newsroom
ਬ੍ਰਿਟਿਸ਼ ਕੋਲੰਬੀਆ ਤੋਂ ਗੈਰ-ਨਾਗਰਿਕ ਨੂੰ ਵਾਸ਼ਿੰਗਟਨ ਦਾ ਬਾਰਡਰ ਪਾਰ ਕਰਵਾਉਣ ਦੇ ਦੋਸ਼ ਵਿਚ ਇੱਕ ਭਾਰਤੀ ਨਾਗਰਿਕ ਨੂੰ ਅਮਰੀਕਾ ਵਿਚ ਪੰਜ ਮਹੀਨੇ ਜੇਲ੍ਹ ਦੀ ਸਜ਼ਾ ਸੁਣਾਈ ਗਈ ਹੈ। ਉਸ ਦੀ ਪਛਾਣ 27 ਸਾਲਾ ਰਜਤ ਵਜੋਂ ਸਾਹਮਣੇ ਆਈ ਹੈ, ਉਸ ਨੇ 8 ਭਾਰਤੀ ਨਾਗਰਿਕਾਂ ਨੂੰ ਗੈਰ-ਕਾਨੂੰਨੀ ਢੰਗ ਨਾਲ ਅਮਰੀਕਾ ਦਾ ਬਾਰਡਰ ਪਾਰ ਕਰਨ ਵਿਚ ਮਦਦ ਕੀਤੀ ਸੀ।
ਸਿਆਟਲ ਵਿਚ ਅਮਰੀਕੀ ਜ਼ਿਲ੍ਹਾ ਅਟਾਰਨੀ ਦੇ ਦਫ਼ਤਰ ਮੁਤਾਬਕ, ਰਜਤ 2023 ਦੇ ਅਖੀਰ ਵਿਚ ਪੀਸ ਆਰਚ ਬਾਰਡਰ ਕਰਾਸਿੰਗ ਤੋਂ ਹੋਈਆਂ ਦੋ ਤਸਕਰੀਆਂ ਦੀਆਂ ਘਟਨਾਵਾਂ ਵਿਚ ਸ਼ਾਮਲ ਸੀ। ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਰਜਤ ਨੇ ਪ੍ਰਵਾਸੀਆਂ ਤੋਂ ਮੋਟੀ ਰਕਮ ਲਈ ਸੀ ਅਤੇ ਅਮਰੀਕੀ ਪਾਸੇ ਇੱਕ ਮਿਨੀਵੈਨ ਡਰਾਈਵਰ ਨੂੰ ਉਨ੍ਹਾਂ ਨੂੰ ਸਰਹੱਦ ਤੋਂ ਲੈਣ ਲਈ ਪੈਸੇ ਦਿੱਤੇ ਸਨ। 27 ਨਵੰਬਰ 2023 ਨੂੰ ਉਸ ਨੇ ਪੰਜ ਭਾਰਤੀ ਨਾਗਰਿਕ ਪੀਸ ਆਰਚ ਬਾਰਡਰ ਕਰਾਸਿੰਗ ਤੋਂ ਵਾਸ਼ਿੰਗਟਨ ਵਿਚ ਦਾਖ਼ਲ ਕਰਵਾਏ ਸਨ, ਫਿਰ ਇਸ ਤੋਂ ਅਗਲੇ ਮਹੀਨੇ ਤਿੰਨ ਹੋਰਾਂ ਦੀ ਬਾਰਡਰ ਪਾਰ ਕਰਨ ਵਿਚ ਮਦਦ ਕੀਤੀ ਸੀ।
ਰਜਤ ਨੂੰ ਅਮਰੀਕੀ ਸਰਹੱਦੀ ਅਧਿਕਾਰੀਆਂ ਵਲੋਂ ਸਰਹੱਦ ਨੇੜੇ ਹੀ ਗ੍ਰਿਫਤਾਰ ਕਰ ਲਿਆ ਗਿਆ ਸੀ ਅਤੇ ਉਸ 'ਤੇ ਉਸ 'ਤੇ ਪੈਸੇ ਲਈ ਪ੍ਰਵਾਸੀਆਂ ਨੂੰ ਲਿਆਉਣ ਅਤੇ ਲਿਆਉਣ ਦੀ ਸਾਜ਼ਿਸ਼ ਰਚਣ ਦੇ ਦੋਸ਼ ਲਗਾਏ ਗਏ ਸਨ।
