18.76C Vancouver 18.76C VancouverApr 8, 2022 11:12 PM - The Canadian Press
ਟੋਰੌਂਟੋ 'ਚ ਵੀਰਵਾਰ ਰਾਤ ਵਾਪਰੀ ਸਬਵੇ ਸ਼ੂਟਿੰਗ ਦੀ ਵਾਰਦਾਤ 'ਚ ਜਾਨ ਗਵਾਉਣ ਵਾਲੇ ਵਿਅਕਤੀ ਦੀ ਪਛਾਣ ਹੋ ਗਈ ਹੈ।
ਇਸ ਘਟਨਾ 'ਚ ਕਾਰਤਿਕ ਵਾਸੁਦੇਵ ਨਾਮ ਦੇ 21 ਸਾਲਾ ਨੌਜਵਾਨ ਦੀ ਮੌਤ ਹੋ ਗਈ ਹੈ।
ਕੌਂਸੂਲੇਟ ਜਨਰਲ ਆਫ ਇੰਡੀਆ ਨੇ ਦੱਸਿਆ ਕਿ ਵਾਸੁਦੇਵ ਇੱਕ ਭਾਰਤੀ ਵਿਦਿਆਰਥੀ ਸੀ।
ਕੌਂਸੂਲੇਟ ਨੇ ਸ਼ੁੱਕਰਵਾਰ ਨੂੰ ਇਸ ਸੰਬੰਧਤ ਇੱਕ ਟਵੀਟ ਕੀਤਾ।
ਜਦ ਘਟਨਾ ਵਾਪਰੀ ਤਾਂ ਕਾਰਤਿਕ ਵਾਸੁਦੇਵ ਸ਼ੇਰਬੋਰਨ ਸਟੇਸ਼ਨ 'ਤੇ ਮੌਜੂਦ ਸੀ ਅਤੇ ਇੱਕ ਮੈਕਸੀਕਨ ਰੈਸਟੂਰੈਂਟ 'ਤੇ ਕੰਮ ਕਰਨ ਲਈ ਜਾ ਰਿਹਾ ਸੀ।
ਵਾਰਦਾਤ ਵੀਰਵਾਰ ਸ਼ਾਮ ਕਰੀਬ 5 ਵਜੇ ਵਾਪਰੀ ਸੀ।
ਮੌਕੇ 'ਤੇ ਪਹੁੰਚੇ ਅਫਸਰਾਂ ਨੇ ਵੇਖਿਆ ਕਿ ਵਿਦਿਆਰਥੀ ਨੂੰ ਕਈ ਗੋਲੀਆਂ ਲੱਗੀਆਂ ਸਨ।
ਉਸ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਸੀ ਪਰ ਉਸ ਨੇ ਦਮ ਤੋੜ ਦਿੱਤਾ।
ਕਾਰਤਿਕ ਵਾਸੁਦੇਵ ਸੈਨੇਕਾ ਕਾਲਿਜ ਵਿੱਚ ਪਹਿਲੇ ਸਮੈਸਟਰ ਦਾ ਮਾਰਕੀਟਿੰਗ ਵਿਦਿਆਰਥੀ ਸੀ।
ਟੋਰੌਂਟੋ ਪੁਲਿਸ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਗਵਾਹਾਂ ਨੂੰ ਜਾਣਕਾਰੀ ਦੇਣ ਲਈ ਸਾਹਮਣੇ ਆਉਣ ਨੂੰ ਕਿਹਾ ਗਿਆ ਹੈ।
