18.59C Vancouver 18.59C VancouverApr 14, 2022 8:26 PM - The Canadian Press
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਕੈਨੇਡਾ ਭਰ 'ਚ ਭਾਲੇ ਜਾ ਰਹੇ ਇੱਕ 'ਹਾਈ ਰਿਸਕ ਸੈਕਸ ਔਫੈਂਡਰ' ਨੂੰ ਕਾਬੂ ਕਰ ਲਿਆ ਗਿਆ ਹੈ।
ਗ੍ਰਿਫਤਾਰ ਕੀਤੇ ਗਏ ਵਿਅਕਤੀ ਦੀ ਉਮਰ 55 ਸਾਲ ਅਤੇ ਉਸ ਦਾ ਨਾਮ ਕੈਨੇਥ ਕਰਟਨ ਦੱਸਿਆ ਗਿਆ ਹੈ।
ਵੈਨਕੂਵਰ ਪੁਲਿਸ ਡਿਪਾਰਟਮੈਂਟ ਨੇ ਇਸ ਵਿਅਕਤੀ ਦੇ ਲਾਪਤਾ ਹੋਣ ਬਾਰੇ ਦੱਸਿਆ ਸੀ ਕਿ ਉਸ ਨੂੰ ਸਾਲ 1987 'ਚ ਵਾਪਰੇ ਜਿਨਸੀ ਹਮਲੇ 'ਚ ਦੋਸ਼ੀ ਪਾਇਆ ਗਿਆ ਸੀ।
ਉਹ ਹਾਲ ਦੀ ਘੜੀ 10 ਸਾਲ ਦੇ ਸੁਪਰਵਿਜਨ ਔਰਡਰ ਹੇਠ ਸੀ।
ਇਸੇ ਹਫ਼ਤੇ ਇਹ ਆਦਮੀ ਆਪਣੇ ਹਾਫਵੇ ਹਾਊਸ 'ਚ ਨਹੀਂ ਪਰਤਿਆ ਸੀ ਅਤੇ ਉਸੇ ਵੇਲੇ ਤੋਂ ਉਸ ਦੀ ਭਾਲ ਕੀਤੀ ਜਾ ਰਹੀ ਸੀ।
ਹਾਲਾਂਕਿ ਪੁਲਿਸ ਨੇ ਗ੍ਰਿਫਤਾਰੀ ਦੀ ਜਾਣਕਾਰੀ ਦਿੰਦੇ ਹੋਏ ਇਹ ਨਹੀਂ ਦੱਸਿਆ ਕਿ ਵਿਅਕਤੀ ਨੂੰ ਕਿੱਥੇ ਗ੍ਰਿਫਤਾਰ ਕੀਤਾ ਗਿਆ।
