15.36C Vancouver 15.36C VancouverApr 15, 2021 8:21 PM -
ਸਰੀ ਆਰ.ਸੀ.ਐਮ.ਪੀ. ਵੱਲੋਂ ਇੱਕ ਵਿਅਕਤੀ ਦੀ ਭਾਲ ਕੀਤੀ ਜਾ ਰਹੀ ਹੈ।
ਇਸ ਵਿਅਕਤੀ ਨੂੰ ਕਈ ਫਰੌਡ ਦੇ ਮਾਮਲਿਆਂ 'ਚ ਲੋੜੀਂਦਾ ਦੱਸਿਆ ਗਿਆ ਹੈ।
ਇਸ ਮਾਮਲੇ 'ਚ ਜਾਂਚ ਉਸ ਵੇਲੇ ਸ਼ੁਰੂ ਹੋਈ ਸੀ ਜਦ ਸਰੀ ਆਰ.ਸੀ.ਐਮ.ਪੀ. ਨੂੰ ਬੀਤੇ ਸਾਲ 6 ਨਵੰਬਰ ਰੋ 24 ਦਿਸੰਬਰ ਵਿਚਾਲੇ ਧੋਖਾਧੜੀ ਦੇ ਮਾਮਲਿਆਂ ਦੀ ਜਾਣਕਾਰੀ ਮਿਲੀ ਸੀ।
ਪੀੜਤਾਂ ਵੱਲੋਂ ਗੁਆਏ ਪੈਸਿਆਂ ਦਾ ਕੁੱਲ ਅੰਕੜਾ $10,635 ਬਣਦਾ ਸੀ।
ਇਹ ਫਰੌਡ ਵੱਖੋ-ਵੱਖਰੇ ਫਾਈਨੈਂਸ਼ੀਅਲ ਅਦਾਰਿਆਂ 'ਚ ਵਾਪਰੇ ਸਨ।
ਹਰ ਮਾਮਲੇ 'ਚ ਇੱਕ ਵਿਅਕਤੀ ਨੇ ਖੁਦ ਨੂੰ ਲੋੜਵੰਦ ਦਸ ਕੇ ਲੋਕਾਂ ਤਕ ਪਹੁੰਚ ਕੀਤੀ ਸੀ ਅਤੇ ਉਨ੍ਹਾਂ ਨੂੰ ਕਿਹਾ ਸੀ ਕਿ ਤੁਸੀਂ ਇਹ ਚੈੱਕ ਰੱਖ ਲਓ ਤੇ ਮੈਨੂੰ ਕੈਸ਼ ਦੇ ਦਿਓ ਪਰ ਬਾਅਦ 'ਚ ਪਤਾ ਲੱਗਾ ਕਿ ਚੈੱਕ ਜਾਅਲੀ ਸਨ।
ਮਾਮਲੇ 'ਚ 23 ਸਾਲਾ ਕਲੇਟਨ ਬਰੂਕਸ ਹੇਡਨ ਨਾਮ ਦੇ ਵਿਅਕਤੀ 'ਤੇ $5,000 ਤੋਂ ਘਟ ਦੇ ਧੋਖੇ ਦੇ 13 ਦੋਸ਼ ਲੱਗੇ ਹਨ।
ਇਸ ਦੀ ਗ੍ਰਿਫਤਾਰੀ ਦੇ ਵਾਰੰਟ ਜਾਰੀ ਹੋ ਚੁੱਕੇ ਹਨ।
