18.93C Vancouver 18.93C VancouverJun 7, 2022 8:18 PM - The Canadian Press
ਮੈਟਰੋ ਵੈਨਕੂਵਰ 'ਚ ਵਾਪਰੇ ਇੱਕ ਹਾਈ ਸਪੀਡ ਕਰੈਸ਼ ਦੌਰਾਨ ਸਵਾਰੀ ਨੂੰ ਪਿੱਛੇ ਛੱਡ ਮੌਕੇ ਤੋਂ ਨਿਕਲ ਜਾਣ ਵਾਲੇ ਚਾਲਕ ਨੂੰ ਸਜਾ ਸੁਣਾਈ ਗਈ ਹੈ।
ਇਸ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਪੁਲਿਸ ਦਾ ਕਹਿਣਾ ਸੀ ਕਿ ਮੂਸਾ ਦਾਓਈ ਨਾਮ ਦੇ ਵਿਅਕਤੀ ਨੇ ਬੀਤੇ ਹਫ਼ਤੇ ਦੋਸ਼ ਕਬੂਲੇ ਸਨ ਅਤੇ ਉਸ ਨੂੰ 2 ਸਾਲ ਦੀ ਸਜਾ ਸੁਣਾਈ ਗਈ ਹੈ।
ਇਸ ਵਿਅਕਤੀ ਨੇ ਜਿਸਮਾਨੀ ਨੁਕਸਾਨ ਪਹੁੰਚਾਉਣ ਵਾਲੀ ਅਪਰਾਧਿਕ ਅਣਗਹਿਲੀ ਦੇ ਦੋਸ਼ ਕਬੂਲੇ ਸਨ।
ਇਹ ਘਟਨਾ 5 ਜੂਨ 2020 ਨੂੰ ਵਾਪਰੀ ਸੀ।
ਬਰਨਬੀ ਪੁਲਿਸ ਦਾ ਕਹਿਣਾ ਸੀ ਕਿ ਮੂਸਾ ਦਾਓਈ ਨਾਮ ਦਾ ਚਾਲਕ ਇੱਕ ਡੌਜ ਡੂਰੰਗੋ ਗੱਡੀ ਚਲਾ ਰਿਹਾ ਸੀ ਜਦ ਗੱਡੀ ਗਿਲਮੋਰ ਐਵੀਨਿਊ ਅਤੇ ਹੈਲੀਫੈਕਸ ਸਟ੍ਰੀਟ ਕੋਲ ਪਲਟ ਗਈ ਸੀ।
ਵਾਹਨ ਦੀ 2 ਹਾਈਡ੍ਰੋ ਪੋਲਸ, ਇੱਕ ਲੈਂਪ ਪੋਸਟ ਅਤੇ ਟਰੈਫਿਕ ਲਾਈਟ ਨਾਲ ਟੱਕਰ ਹੋਈ ਸੀ।
ਵਾਹਨ ਚਾਲਕ ਮੌਕੇ ਤੋਂ ਨਿਕਲ ਗਿਆ ਸੀ ਜਦਕਿ ਇੱਕ 18 ਸਾਲਾ ਮਹਿਲਾ ਸਵਾਰੀ ਨੂੰ ਗੱਡੀ 'ਚ ਛੱਡ ਦਿੱਤਾ ਗਿਆ ਸੀ।
ਉਸ ਨੂੰ ਮੌਕੇ ਤੋਂ ਕੁਝ ਦੂਰੀ 'ਤੇ ਗ੍ਰਿਫਤਾਰ ਕਰ ਲਿਆ ਗਿਆ ਸੀ।
ਰਿਹਾਈ ਤੋਂ ਬਾਅਦ ਇਹ ਵਿਅਕਤੀ ਬੀ.ਸੀ. ਛੱਡ ਕੇ ਕਿਊਬੈਕ ਚਲਾ ਗਿਆ ਸੀ।
ਮਈ 2021 'ਚ ਉਸ ਦੀ ਗ੍ਰਿਫਤਾਰੀ ਲਈ ਕੈਨੇਡਾ ਭਰ ਦਾ ਵਾਰੰਟ ਜਾਰੀ ਕੀਤਾ ਗਿਆ ਸੀ।
ਹੁਣ 33 ਸਾਲਾ ਵਿਅਕਤੀ ਨੂੰ 2 ਸਾਲ ਦੀ ਸਜਾ ਸੁਣਾਈ ਗਈ ਹੈ।
