25.13C Vancouver 25.13C VancouverMar 3, 2021 4:33 PM -
ਟੋਰੌਂਟੋ ਦੀ ਇੱਕ ਸਾਈਡਵਾਕ ’ਤੇ ਜਾਣਬੁੱਝ ਕੇ ਵੈਨ ਚੜ੍ਹਾ ਕੇ 10 ਵਿਅਕਤੀਆਂ ਨੂੰ ਮਾਰਨ ਅਤੇ 16 ਨੂੰ ਜ਼ਖ਼ਮੀ ਕਰਨ ਵਾਲੇ ਆਦਮੀ ਨੂੰ ਅੱਜ ਅਦਾਲਤ ਵੱਲੋਂ ਦੋਸ਼ੀ ਕਰਾਰ ਦਿੱਤਾ ਗਿਆ ਹੈ।
ਐਲਿਕ ਮਿਨਾਸੀਅਨ ਨੂੰ ਕਤਲ ਦੇ 10 ਫਰਸਟ ਡਿਗਰੀ ਅਤੇ ਕਤਲ ਦੀ ਕੋਸ਼ਿਸ਼ ਦੇ 16 ਚਾਰਜਾਂ ਵਿੱਚ ਦੋਸ਼ੀ ਪਾਇਆ ਗਿਆ ਹੈ।
ਉਸ ਦੇ ਵਕੀਲਾਂ ਦੀ ਦਲੀਲ ਮੁਤਾਬਕ ਉਹ ‘ਆਟਿਜ਼ਮ ਸਪੈਕਟ੍ਰਮ ਡਿਸਆਰਡਰ’ ਤੋਂ ਪੀੜਤ ਹੈ ਅਤੇ 23 ਅਪ੍ਰੈਲ 2018 ਨੂੰ ਵਾਪਰੀ ਇਸ ਵਾਰਦਾਤ ਲਈ ਉਸ ਨੂੰ ਅਪਰਾਧਕ ਤੌਰ ਤੇ ਜ਼ਿੰਮੇਵਾਰ ਨਾ ਮੰਨਿਆ ਜਾਵੇ।
28 ਸਾਲ ਦੇ ਮਿਨਾਸੀਅਨ ਨੇ ਇਸ ਹਮਲੇ ਦੀ ਯੋਜਨਾ ਬਣਾਉਣ ਅਤੇ ਫਿਰ ਹਮਲਾ ਕਰਨ ਦਾ ਦੋਸ਼ ਸਵੀਕਾਰ ਕੀਤਾ ਸੀ।
ਅਦਾਲਤ ਨੇ ਅੱਜ ਦਾ ਫ਼ੈਸਲਾ ਸੁਣਾਉਂਦਿਆਂ ਕਿਹਾ ਕਿ ਉਹ ਹਮਲੇ ਦੀ ਯੋਜਨਾ ਬਣਾਉਣ ਵਿੱਚ ਪੂਰੀ ਤਰ੍ਹਾਂ ਸਮਰੱਥ ਸੀ ਅਤੇ ਉਸ ਨੇ ਸੋਚ ਸਮਝ ਕੇ ਇਹ ‘ਮਾਸ ਮਰਡਰ’ ਦਾ ਫ਼ੈਸਲਾ ਲਿਆ ਸੀ।
