18.44C Vancouver 18.44C VancouverJan 7, 2021 4:19 PM -
ਬੁੱਧਵਾਰ ਸਵੇਰ ਸਰ੍ਹੀ ਵਿੱਚ ਇਸ ਸਾਲ ਦੀ ਵਾਪਰੀ ਗੋਲੀ ਚੱਲਣ ਦੀ ਪਹਿਲੀ ਵਾਰਦਾਤ ਦੀ ਪੜਤਾਲ ਲਈ ਇੰਟੈਗ੍ਰੇਟਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਵੱਲੋਂ ਗਵਾਹਾਂ ਅਤੇ ਡੈਸ਼ਕੈਮ ਫੁਟੇਜ ਦੀ ਭਾਲ ਕੀਤੀ ਜਾ ਰਹੀ ਹੈ।
ਜਾਂਚਕਰਤਾਵਾਂ ਮੁਤਾਬਕ 24 ਸਾਲਾ ਗੈਰੀ ਕੰਗ ਨੂੰ ਸਵੇਰ ਤਕਰੀਬਨ ਪੰਜ ਵਜੇ ਮੋਰਗਨ ਹਾਈਟਜ਼ ਇਲਾਕੇ ਵਿੱਚ 161 ਸਟ੍ਰੀਟ ਅਤੇ 30 ਐਵੇਨਿਊ ’ਤੇ ਸਥਿਤ ਘਰ ਵਿੱਚ ਕਈ ਗੋਲੀਆਂ ਮਾਰੀਆਂ ਗਈਆਂ ਸਨ।
ਕੰਗ ਨੂੰ ਜ਼ਖ਼ਮੀ ਹਾਲਤ ਵਿੱਚ ਹਸਪਤਾਲ ਲਿਜਾਂਦਾ ਗਿਆ ਜਿੱਥੇ ਉਹ ਆਪਣੇ ਜ਼ਖ਼ਮਾਂ ਦੀ ਤਾਬ ਨਾ ਝੱਲਦਾ ਦਮ ਤੋੜ ਗਿਆ। ਆਈ ਹਿੱਟ ਮੁਤਾਬਕ ਕੰਗ ਨਾਲ ਪੁਲੀਸ ਵਾਕਫ਼ ਸੀ ਅਤੇ ਇਹ ਵਾਰਦਾਤ ਲੋਅਰਮੇਨਲੈਂਡ ਦੀ ਗੈਂਗ ਹਿੰਸਾ ਦੇ ਨਾਲ ਸਬੰਧਤ ਦੱਸੀ ਗਈ ਹੈ।
ਪੁਲੀਸ ਦਾ ਮੰਨਣਾ ਹੈ ਕਿ ਗੋਲੀ ਚਲਾਉਣ ਪਿੱਛੇ ਇਕ ਤੋਂ ਵੱਧ ਸ਼ੱਕੀ ਸ਼ਾਮਲ ਸਨ।
ਬੁੱਧਵਾਰ ਸਵੇਰ ਨੂੰ ਪੁਲੀਸ ਨੂੰ ਲੈਂਗਲੀ ਵਿੱਚ 229 ਸਟ੍ਰੀਟ ਅਤੇ 78 A ਐਵੇਨਿਊ ’ਤੇ ਇੱਕ ਸਾੜ੍ਹੀ ਹੋਈ ਗੱਡੀ ਵੀ ਮਿਲੀ।
ਜਾਂਚਕਰਤਾਵਾਂ ਵੱਲੋਂ ਫਿਲਹਾਲ ਇਸ ਗੱਲ ਦੀ ਪੁਸ਼ਟੀ ਨਹੀਂ ਕੀਤੀ ਗਈ ਕਿ ਦੋਵਾਂ ਵਾਰਦਾਤਾਂ ਦਾ ਆਪਸ ਵਿੱਚ ਸਬੰਧ ਸੀ ਜਾਂ ਨਹੀਂ।
ਹੋਮਿਸਾਈਡ ਟੀਮ ਦੇ ਸਾਰਜੈਂਟ ਫਰੈਂਕ ਜੈਂਗ ਵਲੋਂ ਇਨ੍ਹਾਂ ਦੋਵਾਂ ਘਟਨਾਵਾਂ ਦੇ ਸੰਬੰਧ ਵਿੱਚ ਜਾਣਕਾਰੀ ਹੋਣ ਵਾਲੇ ਵਿਅਕਤੀਆਂ ਨੂੰ ਅੱਗੇ ਆਉਣ ਦੀ ਅਪੀਲ ਕੀਤੀ ਗਈ ਹੈ।
