13.72C Vancouver 13.72C VancouverOct 8, 2021 2:16 AM -
ਬੀ.ਸੀ. ਦੇ ਪ੍ਰੀਮਿਅਰ ਜੌਨ ਹੌਰਗਨ ਨੇ ਅੱਜ ਦੁਪਹਿਰ ਪੱਤਰਕਾਰਾਂ ਨਾਲ ਗੱਲਬਾਤ ਕੀਤੀ ਹੈ।
ਪ੍ਰੀਮਿਅਰ ਜੌਨ ਹੌਰਗਨ ਨੇ ਕਿਹਾ ਹੈ ਕਿ ਬੀ.ਸੀ. ਦੇ ਸਕੂਲਾਂ 'ਚ ਵਰਕਰਾਂ ਲਈ ਵੈਕਸੀਨ ਨੂੰ ਮੈਂਡੇਟੋਰੀ ਬਣਾਉਣਾ ਸਕੂਲ ਬੋਰਡ ਦੀ ਜਿੰਮੇਵਾਰੀ ਹੈ।
ਉਨ੍ਹਾਂ ਕਿਹਾ ਕਿ ਵੈਕਸੀਨ ਮੈਂਡੇਟ ਆਖਰੀ ਵਿਕਲਪ ਹੈ ਅਤੇ ਚੁਣੇ ਹੋਏ ਬੋਰਡ ਟਰਸਟੀਸ ਨੂੰ ਇਸ 'ਤੇ ਫੈਸਲਾ ਲੈਣਾ ਚਾਹੀਦਾ ਹੈ।
ਮਾਪਿਆਂ ਦੇ ਗਰੁੱਪਸ ਅਤੇ ਬੀ.ਸੀ. ਟੀਚਰਸ ਫੈਡਰੇਸ਼ਨ ਨੇ ਸਾਰੇ ਸਕੂਲ ਡਿਸਟ੍ਰਿਕਟਸ ਨੂੰ ਕੋਵਿਡ-19 ਵੈਕਸੀਨ ਮੈਂਡੇਟ ਲਾਗੂ ਕਰਨ ਲਈ ਕਿਹਾ ਹੈ।
ਨਿਊ ਵੈਸਟਮਿਨਸਟਰ ਬੋਰਡ ਨੇ ਸ਼ਾਟਸ ਨੂੰ ਮੈਂਡੇਟੋਰੀ ਬਣਾਉਣ ਸੰਬੰਧੀ ਲੀਗਲ ਸਲਾਹ ਮੰਗੀ ਹੈ।
ਹੌਰਗਨ ਨੇ ਕਿਹਾ ਕਿ ਉਹ ਵੈਕਸੀਨ ਮੈਂਡੇਟ ਸੰਬੰਧੀ ਮਾਪਿਆਂ ਦੀ ਪ੍ਰੇਸ਼ਾਨੀ ਸਮਝਦੇ ਹਨ।
ਉਨ੍ਹਾਂ ਕਿਹਾ ਕਿ ਬੱਚਿਆਂ ਨੂੰ ਸਕੂਲਾਂ 'ਚ ਸੁਰੱਖਿਅਤ ਰੱਖਣ ਲਈ ਜਰੂਰੀ ਕਦਮ ਚੁੱਕੇ ਜਾ ਰਹੇ ਹਨ।
ਇਸ ਦੌਰਾਨ ਪ੍ਰੀਮਿਅਰ ਹੌਰਗਨ ਨੂੰ ਪੁੱਛਿਆ ਗਿਆ ਕਿ ਕਈ ਲੋਕਾਂ ਨੂੰ ਵੈਕਸੀਨ ਕਾਰਡ ਨਾਲ ਸੰਬੰਧਤ ਤਕਨੀਕੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ ਹੈ ਅਤੇ ਇਸ ਦੇ ਕਾਰਗਰ ਹੋਣ ਸੰਬੰਧੀ ਵੀ ਸਵਾਲ ਉੱਠੇ ਹਨ।
ਜਵਾਬ ਦਿੰਦੇ ਹੋਈਏ ਹੌਰਗਨ ਨੇ ਕਿਹਾ ਕਿ ਸੂਬੇ 'ਚ ਮਿਲੀਅਨਸ ਦੀ ਗਿਣਤੀ 'ਚ ਵੈਕਸੀਨੇਸ਼ਨ ਕਾਰਡ ਡਾਊਨਲੋਡ਼ ਕੀਤੇ ਗਏ ਹਨ ਅਤੇ ਜੇਕਰ ਕਿਸੇ ਨੂੰ ਇਸ ਸੰਬੰਧੀ ਕੋਈ ਤਕਨੀਕੀ ਮੁਸ਼ਕਿਲ ਪੇਸ਼ ਆਉਂਦੀ ਹੈ ਤਾਂ ਆਪਣੇ ਇਲਾਕੇ ਦੇ ਐਮ.ਐਲ.ਏ. ਨਾਲ ਸੰਪਰਕ ਕੀਤਾ ਜਾ ਸਕਦਾ ਹੈ ਅਤੇ ਸ਼ਿਕਾਇਤ ਕੀਤੀ ਜਾ ਸਕਦੀ ਹੈ।
ਉਨ੍ਹਾਂ ਇਸ ਮੌਕੇ ਇਹ ਵੀ ਕਿਹਾ ਕਿ ਬੀ.ਸੀ. ਫੈਰੀਸ ਫੈਡਰਲੀ ਰੈਗੂਲੇਟਿਡ ਏਜੈਂਸੀ ਹੈ ਅਤੇ ਉਨ੍ਹਾਂ ਦੇ ਕਰਮਚਾਰੀਆਂ ਲਈ ਵੈਕਸੀਨ ਹਾਸਿਲ ਕਰਨਾ ਜਰੂਰੀ ਹੈ।
ਉਨ੍ਹਾਂ ਇਸ ਮੌਕੇ ਕਿਹਾ ਕਿ ਫੈਰੀ ਯਾਤਰਾ ਮੌਕੇ ਮਾਸਕ ਪਹਿਨਣਾ ਵੀ ਜਰੂਰੀ ਹੈ ਅਤੇ ਜੇਕਰ ਕੋਈ ਅਜਿਹਾ ਨਹੀਂ ਕਰਦਾ ਤਾਂ ਉਨ੍ਹਾਂ ਨੂੰ ਨਤੀਜੇ ਭੁਗਤਣੇ ਪੈਣਗੇ।
ਉਨ੍ਹਾਂ ਇਸ ਸੰਬੰਧੀ ਮਾਸਕ ਪਹਿਨਣ ਤੋਂ ਇਨਕਾਰ ਕਰਨ ਵਾਲੇ ਲੋਕਾਂ ਸੰਬੰਧਤ ਇੱਕ ਘਟਨਾ ਦੀ ਉਦਾਹਰਣ ਦਿੱਤੀ ਜਿੰਨਾ ਦੀ ਗ੍ਰਿਫਤਾਰੀ ਹੋਈ ਸੀ।
