17.54C Vancouver 17.54C VancouverJan 8, 2021 12:40 AM -
ਦੱਖਣਪੂਰਬੀ ਬੀ.ਸੀ. 'ਚ ਇੱਕ ਛੋਟੀ ਕਮਿਊਨਿਟੀ 'ਚ ਇੱਕ ਵਿਅਕਤੀ ਦਾ ਮ੍ਰਿਤ ਸ਼ਰੀਰ ਮਿਲਿਆ ਹੈ।
ਆਰ.ਸੀ.ਐਮ.ਪੀ. ਜਾਂਚ ਵਿੱਚ ਜੁਟੀ ਹੈ ਕਿ ਪਤਾ ਲਗਾਇਆ ਜਾ ਸਕੇ ਕਿ ਇਸ ਮੌਤ ਦਾ ਬੀ.ਸੀ. ਦੇ ਇਸੇ ਇਲਾਕੇ 'ਚ ਹੋਏ ਦੋਹਰੇ ਕਤਲ ਨਾਲ ਤਾਂ ਸੰਬੰਧ ਨਹੀਂ ਹੈ।
ਆਰ.ਸੀ.ਐਮ.ਪੀ. ਦੇ ਇੱਕ ਬਿਆਨ 'ਚ ਦੱਸਿਆ ਗਿਆ ਕਿ ਮ੍ਰਿਤ ਵਿਅਕਤੀ ਦੀ ਭਾਲ ਸੈਲਮੋ ਦੇ ਇਲਾਕੇ 'ਚ ਹੋਈ ਹੈ।
ਇਸੇ ਇਲਾਕੇ 'ਚ ਇੱਕ ਅਜਿਹਾ ਵਾਹਨ ਮਿਲਿਆ ਸੀ ਜਿਸ ਦਾ ਸੰਬੰਧ ਸੂਬੇ ਦੇ ਕਰੈਸਟਨ ਇਲਾਕੇ 'ਚ ਹੋਏ ਦੋਹਰੇ ਕਤਲ ਨਾਲ ਦੱਸਿਆ ਗਿਆ ਹੈ।
ਬੀ.ਸੀ. ਦੇ ਕਰੈਸਟਨ ਇਲਾਕੇ ਕੋਲ ਇੱਕ ਔਰਤ ਅਤੇ ਇੱਕ ਆਦਮੀ ਦਾ ਕਤਲ ਕਰ ਦਿੱਤਾ ਗਿਆ ਹੈ।
ਦੋਨਾਂ ਪੀੜਤਾਂ ਬਾਰੇ ਬੁੱਧਵਾਰ ਸ਼ਾਮ ਕਰੀਬ 7 ਵਜੇ ਪਤਾ ਲੱਗਿਆ।
ਮ੍ਰਿਤਕ ਆਦਮੀ ਦੀ ਉਮਰ 40 ਸਾਲ ਸੀ ਅਤੇ ਉਸ ਨੂੰ ਕੈਲਗਰੀ ਦਾ ਨਿਵਾਸੀ ਦੱਸਿਆ ਗਿਆ ਜਦਕਿ ਮ੍ਰਿਤਕ ਔਰਤ ਦੀ ਪਛਾਣ ਵੈਸਟ ਕੂਟਨੀ ਦੀ ਇੱਕ 25 ਸਾਲਾ ਔਰਤ ਵਜੋਂ ਹੋਈ ਹੈ।
ਸ਼ੱਕੀ ਦੋਨਾਂ ਮ੍ਰਿਤ ਲੋਕਾਂ ਵਿੱਚੋਂ ਇੱਕ ਦਾ ਵਾਹਨ ਲੈ ਕੇ ਫਰਾਰ ਹੋ ਗਿਆ ਸੀ ਅਤੇ ਇਹ ਵਾਹਨ ਘਟਨਾ ਸਥਾਨ ਤੋਂ ਕਰੀਬ 80km ਦੀ ਦੂਰੀ 'ਤੇ ਮਿਲਿਆ।
ਪੁਲਿਸ ਅਧਿਕਾਰੀ ਦਾ ਕਹਿਣਾ ਸੀ ਕਿ ਮੰਨਿਆ ਜਾ ਰਿਹਾ ਹੈ ਕਿ ਹਮਲਾਵਰ ਅਤੇ ਪੀੜਤ ਲੋਕ ਇੱਕ ਦੂਜੇ ਨੂੰ ਜਾਣਦੇ ਸਨ।
ਪੁਲਿਸ ਨੇ ਦੱਸਿਆ ਕਿ ਬੀ.ਸੀ. ਕੋਰੋਨਰ ਸਰਵਿਸ ਨੂੰ ਸੱਦਿਆ ਗਿਆ ਹੈ ਅਤੇ ਇਸ ਵਿਅਕਤੀ ਦੀ ਮੌਤ ਸੰਬੰਧੀ ਜਾਂਚ ਕੀਤੀ ਜਾ ਰਹੀ ਹੈ।
