Mark Carney, made the commitment of tax cuts for the middle class

ਲਿਬਰਲ ਲੀਡਰਸ਼ਿਪ ਦੌੜ 'ਚ ਸ਼ਾਮਲ ਮਾਰਕ ਕਾਰਨੀ ਨੇ ਮਿਡਲ ਕਲਾਸ ਲਈ ਟੈਕਸ ਕਟੌਤੀ ਦਾ ਕੀਤਾ ਐਲਾਨ

Share On

mark-carney-made-the-commitment-of-tax-cuts-for-the-middle-class

Carney says he would reach Canada's NATO defence spending target by the end of the decade — two years ahead of Prime Minister Justin Trudeau's schedule. (Photo: The Canadian Press)

ਕੈਨੇਡਾ ਦੇ ਅਗਲੇ ਪ੍ਰਧਾਨ ਮੰਤਰੀ ਬਣਨ ਲਈ ਲਿਬਰਲ ਪਾਰਟੀ ਦੀ ਲੀਡਰਸ਼ਿਪ ਦੌੜ ਵਿਚ ਸ਼ਾਮਲ ਸਾਬਕਾ ਸੈਂਟਰਲ ਬੈਂਕਰ ਮਾਰਕ ਕਾਰਨੀ ਨੇ ਐਲਾਨ ਕੀਤਾ ਹੈ ਕਿ ਜੇ ਉਹ ਪੀ. ਐੱਮ. ਬਣੇ ਤਾਂ ਮਿਡਲ ਕਲਾਸ ਲਈ ਟੈਕਸ ਵਿਚ ਕਟੌਤੀ ਕਰਨਗੇ।

ਕਾਰਨੀ ਨੇ ਕਿਹਾ ਕਿ ਕੈਨੇਡੀਅਨਜ਼ ਨੂੰ ਅਜਿਹੀ ਸਰਕਾਰ ਦੀ ਜ਼ਰੂਰਤ ਹੈ ਜੋ ਖ਼ਰਚਿਆਂ 'ਤੇ ਕੰਟਰੋਲ ਕਰੇ ਅਤੇ ਇਨਵੈਸਟਮੈਂਟ 'ਤੇ ਵਧੇਰੇ ਫੋਕਸ ਰੱਖੇ। ਉਨ੍ਹਾਂ ਕਿਹਾ ਕਿ ਆਉਣ ਵਾਲੇ ਹਫ਼ਤਿਆਂ ਵਿਚ ਉਹ ਬਜਟ ਲਈ ਇੱਕ ਨਵੀਂ ਪਹੁੰਚ ਅਪਣਾਉਣ ਜਾ ਰਹੇ ਹਨ।

ਗੌਰਤਲਬ ਹੈ ਕਿ ਲਿਬਰਲ ਲੀਡਰਸ਼ਿਪ ਦੇ ਉਮੀਦਵਾਰ ਮਾਰਕ ਕਾਰਨੀ ਅੱਜ ਓਨਟਾਰੀਓ ਦੇ ਵਿੰਡਸਰ ਵਿਚ ਸਨ, ਜਿੱਥੇ ਉਨ੍ਹਾਂ ਆਪਣੀ ਨੀਤੀ ਬਾਰੇ ਖੁਲਾਸਾ ਕੀਤਾ। ਮੰਨਿਆ ਜਾ ਰਿਹਾ ਹੈ ਕਿ ਟਰੂਡੋ ਨੂੰ ਰਿਪਲੇਸ ਕਰਨ ਦੀ ਦੌੜ ਵਿਚ ਸ਼ਾਮਲ ਲਿਬਰਲ ਉਮੀਦਵਾਰਾਂ ਦੀ ਗਿਣਤੀ ਸ਼ੁੱਕਰਵਾਰ ਨੂੰ ਹੋਰ ਘੱਟ ਹੋ ਸਕਦੀ ਕਿਉਂਕਿ ਉਮੀਦਵਾਰਾਂ ਨੂੰ ਦੌੜ ਵਿਚ ਬਣੇ ਰਹਿਣ ਲਈ $125,000 ਦੀ ਨੌਨ ਰੇਫੰਡੇਬਲ ਪੇਮੈਂਟ ਕਰਨੀ ਪਵੇਗੀ। ਇਸ ਸਮੇਂ ਕਾਰਨੀ, ਫ੍ਰੀਲੈਂਡ ਅਤੇ ਰੂਬੀ ਡੈਲਾ ਸਮੇਤ 6 ਉਮੀਦਵਾਰ ਮੁਕਾਬਲੇ ਵਿਚ ਹਨ।

ਕੈਨੇਡਾ ਵੱਲੋਂ ਇਸ ਸਾਲ ਇੰਡੋ-ਪੈਸੀਫਿਕ ਖੇਤਰ ਵਿਚ ਦੋ ਵਾਰ ਆਪਣੇ ਜੰਗੀ ਬੇੜੇ ਭੇਜਣ ਦੀ ਯੋਜਨਾ ਬਣਾਈ ਗਈ ਹੈ। ਰੱਖਿਆ ਮੰਤਰੀ ਡੇਵਿਡ ਮੈਕਗਿੰਟੀ ਨੇ ਬੁੱਧਵਾਰ ਨੂੰ ਟੋਕੀਓ ਵਿਚ ਦਿੱਤੇ ਇੱਕ ਇੰਟਰਵਿਊ ਦੌਰਾਨ ਇਸ ਗੱਲ ਦੀ ਪੁਸ਼ਟੀ ਕੀਤੀ। ਔਟਵਾ ਵਲੋਂ ਚੁੱਕਿਆ ਜਾ ਰਿਹਾ ਇਹ ਕਦਮ ਇੰਡੋ-ਪੈਸੀਫਿਕ ਦੇ ਖੇਤਰੀ ਸਹਿਯੋਗੀਆਂ ਨਾਲ ਫੌਜੀ ਸਬੰਧਾਂ ਨੂੰ ਮਜ਼ਬੂਤ ਕਰਨ ਦੀ ਰਣਨੀਤੀ ਦਾ ਹਿੱਸਾ ਹੈ, ਭਾਵੇਂ ਕਿ ਦੂਜੇ ਪਾਸੇ ਕੈਨੇਡਾ ਵੱਲੋਂ ਚੀਨ ਨਾਲ ਵਪਾਰਕ ਸਬੰਧ ਬਣਾਏ ਰੱਖਣ ਦੀਆਂ ਕੋਸ਼ਿਸ਼ਾਂ ਵੀ ਜਾਰੀ ਹਨ।