ਸਰੀ ਵਿਚ ਮਾਰਕ ਕਾਰਨੀ ਵਲੋਂ ਕੀਤੀ ਜਾਵੇਗੀ ਚੋਣ ਰੈਲੀ

ਸਰੀ ਵਿਚ ਬੁੱਧਵਾਰ ਸ਼ਾਮ ਨੂੰ ਲਿਬਰਲ ਲੀਡਰ ਮਾਰਕ ਕਾਰਨੀ ਵਲੋਂ ਚੋਣ ਰੈਲੀ ਕੀਤੀ ਜਾਵੇਗੀ। ਇਸ ਰੈਲੀ ਨੂੰ ਪਾਰਟੀ ਨੇ "ਕੈਨੇਡਾ ਸਟਰੌਂਗ" ਨਾਮ ਦਿੱਤਾ ਹੈ। ਇਸ ਰੈਲੀ ਵਿਚ ਸ਼ਾਮਲ ਹੋਣ ਲਈ ਰਜਿਸਟ੍ਰੇਸ਼ਨ ਅਤੇ ਵੈਲਿਡ ਐਂਟਰੀ ਆਈ.ਡੀ. ਹੋਣਾ ਜ਼ਰੂਰੀ ਹੋਵੇਗਾ। ਲਿਬਰਲ ਪਾਰਟੀ ਵਲੋਂ ਇਸ ਦੀ ਲੋਕੇਸ਼ਨ ਬਾਰੇ ਜਾਣਕਾਰੀ ਜਲਦ ਜਾਰੀ ਕੀਤੀ ਜਾਵੇਗੀ। ਇਹ ਰੈਲੀ ਸ਼ਾਮ 7.30 ਵਜੇ ਦੇ ਕਰੀਬ ਸ਼ੁਰੂ ਹੋਵੇਗੀ ਅਤੇ ਲੋਕਾਂ ਨੂੰ 6 ਵਜੇ ਤੋਂ ਐਂਟਰੀ ਮਿਲੇਗੀ।

ਕਾਰਨੀ ਵਲੋਂ ਇਸ ਰੈਲੀ ਵਿਚ ਟਰੰਪ ਦੇ ਟੈਰਿਫ ਖਿਲਾਫ ਉਨ੍ਹਾਂ ਦੇ ਸਟੈਂਡ ਅਤੇ ਜੀ-7 ਵਿਚ ਕੈਨੇਡਾ ਨੂੰ ਸਭ ਤੋਂ ਤੇਜ਼ੀ ਨਾਲ ਵਧਦੀ ਅਰਥਵਿਵਸਥਾ ਬਣਾਉਣ ਵਰਗੇ ਮੁੱਦਿਆਂ 'ਤੇ ਚਾਨਣਾ ਪਾਏ ਜਾਣ ਦੀ ਉਮੀਦ ਹੈ। ਲੋਅਰ ਮੇਨਲੈਂਡ ਵਿਚ ਇਹ ਉਨ੍ਹਾਂ ਦੀ ਦੂਜੀ ਰੈਲੀ ਹੈ, ਪਹਿਲੀ ਰੈਲੀ ਉਨ੍ਹਾਂ 7 ਅਪ੍ਰੈਲ ਨੂੰ ਰਿਚਮੰਡ ਵਿਚ ਕੀਤੀ ਸੀ।