12.58C Vancouver 12.58C VancouverJun 16, 2025 1:19 PM - The Canadian Press
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਅੱਜ ਸਵੇਰ ਐਲਬਰਟਾ ਵਿਚ ਜੀ 7 ਬੈਠਕ ਤੋਂ ਪਹਿਲਾਂ ਰਾਸ਼ਟਰਪਤੀ ਡੋਨਲਡ ਟਰੰਪ ਨਾਲ ਮੁਲਾਕਾਤ ਕਰਨਗੇ।
ਕੈਨੇਡਾ ਨੂੰ 51ਵਾਂ ਸੂਬਾ ਬਣਾਉਣ ਦੀਆਂ ਧਮਕੀਆਂ ਵਿਚਕਾਰ ਇਹ ਉਹਨਾਂ ਦਾ ਪਹਿਲਾ ਦੌਰਾ ਹੈ। ਇਸ ਤੋਂ ਪਹਿਲਾਂ 2018 ਵਿਚ ਜਦੋਂ ਟਰੰਪ ਕੈਨੇਡਾ ਵਲੋਂ ਆਯੋਜਿਤ ਜੀ 7 ਲਈ ਆਏ ਸਨ ਤਾਂ ਉਹ ਬੈਠਕ ਵਿਚਕਾਰ ਛੱਡ ਕੇ ਚਲੇ ਗਏ ਸਨ। ਮੌਜੂਦਾ ਸਮੇਂ ਟਰੰਪ ਦਾ ਇਹ ਦੌਰਾ ਉਦੋਂ ਵੀ ਹੈ ਜਦੋਂ ਪ੍ਰਧਾਨ ਮੰਤਰੀ ਕਾਰਨੀ ਉਹਨਾਂ ਵਲੋਂ ਲਗਾਏ ਗਏ ਟੈਰਿਫਸ ਦੇ ਮਸਲੇ ਨੂੰ ਸੁਲਝਾਉਣ ਦਾ ਯਤਨ ਕਰ ਰਹੇ ਹਨ। ਦੋਵਾਂ ਲੀਡਰਸ ਵਿਚਕਾਰ ਕੈਨਨਾਸਕੀਜ਼ ਵਿਚ ਮੁਲਾਕਾਤ ਲੋਕਲ ਸਮੇਂ ਸਵੇਰੇ 9 ਵਜੇ ਹੋਵੇਗੀ।
ਵਿਦੇਸ਼ ਮੰਤਰੀ ਅਨੀਤਾ ਆਨੰਦ ਨੇ ਦੋਹਾਂ ਦੇਸ਼ਾਂ ਦੀ ਆਰਥਕਿਤਾ ਇੱਕ-ਦੂਜੇ ਨਾਲ ਜੁੜੇ ਹੋਣ ਕਾਰਨ ਇਸ ਵਾਰਤਾ ਨੂੰ ਸੰਵੇਦਨਸ਼ੀਲ ਦੱਸਿਆ ਹੈ। ਗੌਰਤਲਬ ਹੈ ਕਿ ਕੈਨੇਡਾ ਅਤੇ ਅਮਰੀਕਾ ਵਪਾਰ ਸਮਝੌਤੇ ਸਬੰਧੀ ਕੁਝ ਕਦਮ ਅੱਗੇ ਵਧਦੇ ਵੀ ਨਜ਼ਰ ਆ ਰਹੇ ਹਨ, ਹਾਲ ਹੀ ਵਿਚ ਔਟਵਾ ਅਤੇ ਵਾਸ਼ਿੰਗਟ ਨੇ ਸੰਭਾਵੀ ਡੀਲ ਸਬੰਧੀ ਦਸਤਾਵੇਜ਼ ਦਾ ਅਦਾਨ-ਪ੍ਰਦਾਨ ਕੀਤਾ ਹੈ। ਹਾਲਾਂਕਿ, ਸੂਤਰਾਂ ਦਾ ਕਹਿਣਾ ਸੀ ਕਿ ਫਾਈਨਲ ਡੀਲ ਲਈ ਅਜੇ ਵੀ ਬਹੁਤ ਕੁਝ ਕੀਤਾ ਜਾਣਾ ਬਾਕੀ ਹੈ।
