9.24C Vancouver 9.24C VancouverMay 12, 2022 1:35 AM - The Canadian Press
ਬੀ.ਸੀ. ਦੇ ਲੈਜਿਸਲੇਚਰ 'ਚ ਆਮ ਤੌਰ 'ਤੇ ਲੋਕਾਂ ਦੇ ਨੁਮਾਇੰਦੇ ਬਹੁਤ ਸਾਰੇ ਸਵਾਲ ਪੁੱਛਦੇ ਹਨ।
ਪਰ ਇੱਕ ਨਿਊ ਡੈਮੋਕ੍ਰੈਟ ਮੈਂਬਰ ਨੇ ਵਿਧਾਨ ਸਭਾ 'ਚ ਕੁਝ ਅਜਿਹਾ ਕੀਤਾ ਹੈ ਕਿ ਹੁਣ ਹਰ ਪਾਸੇ ਉਨ੍ਹਾਂ ਦਾ ਚਰਚਾ ਹੋ ਰਿਹਾ ਹੈ ਅਤੇ ਨਾਲ ਹੀ ਵਧਾਈਆਂ ਵੀ ਮਿਲ ਰਹੀਆਂ ਹਨ।
ਮਾਮਲਾ ਐਮ.ਐਲ.ਏ. ਰਿਕ ਗਲੁਮੈਕ ਨਾਲ ਸੰਬੰਧਤ ਹੈ।
ਪੋਰਟ ਮੂਡੀ-ਕੋਕਟਲਮ ਤੋਂ ਐਮ.ਐਲ.ਏ. ਗਲੁਮੈਕ ਨੇ ਅੱਜ ਲੈਜਿਸਲੇਚਰ ਦੇ ਵਿੱਚ ਸਾਰੇ ਹੀ ਪਾਰਟਨਰਸ ਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਪਾਰਟਨਰ ਹੋਣਾ ਆਪਣੇ-ਆਪ 'ਚ ਬਹੁਤ ਮੁਸ਼ਕਿਲ ਕੰਮ ਹੈ।
ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੀ ਪਾਰਟਨਰ ਹੈਵਨ ਲੁਰਬੈਕੀ ਵੀ ਅੱਜ ਲੈਜਿਸਲੇਚਰ ਦੀ ਗੈਲਰੀ 'ਚ ਹੈ ਅਤੇ ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੇ ਜੀਵਨ ਨੂੰ ਬਿਹਤਰ ਬਣਾਉਣ 'ਚ ਉਨ੍ਹਾਂ ਦੀ ਪਾਰਟਨਰ ਦਾ ਖਾਸ ਯੋਗਦਾਨ ਸੀ।
ਇਸੇ ਦੌਰਾਨ ਐਮ.ਐਲ.ਏ. ਨੇ ਆਪਣੀ ਪਾਰਟਨਰ ਨੂੰ ਵਿਆਹ ਦਾ ਪ੍ਰਪੋਜ਼ਲ ਕਰ ਦਿੱਤਾ।
ਉਸ ਸਮੇਂ ਲੁਰਬੈਕੀ ਕੈਮਰਾ 'ਤੇ ਨਹੀਂ ਸਨ ਪਰ ਗਲੁਮੈਕ ਨੇ ਕਿਹਾ ਕਿ ਉਨ੍ਹਾਂ ਨੂੰ ਲਗਦਾ ਹੈ ਕਿ ਉਨ੍ਹਾਂ ਦੀ ਪਾਰਟਨਰ ਨੇ ਹਾਂ ਕਰ ਦਿੱਤੀ ਹੈ।
ਇਸ ਤੋਂ ਬਾਅਦ ਗਲੁਮੈਕ ਨੇ ਇੱਕ ਰਿੰਗ ਬੌਕਸ ਦੇ ਨਾਲ ਗੈਲਰੀ 'ਚ ਬੈਠੀ ਆਪਣੀ ਪਾਰਟਨਰ ਤਕ ਪਹੁੰਚ ਕੀਤੀ ਅਤੇ ਸਭ ਦੇ ਸਾਹਮਣੇ ਵਿਆਹ ਲਈ ਪ੍ਰਪੋਜ਼ ਕਰ ਦਿੱਤਾ।
ਸਪੀਕਰ ਰਾਜ ਚੌਹਾਨ ਨੇ ਬਾਅਦ 'ਚ ਖੁਸ਼ ਜੋੜੇ ਦੀ ਇੱਕ ਤਸਵੀਰ ਵੀ ਟਵੀਟ ਕੀਤੀ।
