ਮਾਇਆਵਤੀ ਵਲੋਂ ਸ੍ਰੀ ਅਨੰਦਪੁਰ ਸਾਹਿਬ ਸੀਟ ਤੋਂ ਜਸਵੀਰ ਸਿੰਘ ਗੜ੍ਹੀ ਲਈ ਕੀਤੀ ਜਾਵੇਗੀ ਚੋਣ ਰੈਲੀ

ਪੰਜਾਬ ਦੇ ਨਵਾਂ ਸ਼ਹਿਰ ਵਿਚ ਭਲਕੇ ਬਸਪਾ ਸੁਪਰੀਮੋ ਕੁਮਾਰੀ ਮਾਇਆਵਤੀ ਵਲੋਂ ਸ੍ਰੀ ਅਨੰਦਪੁਰ ਸਾਹਿਬ ਸੀਟ ਤੋਂ ਬਸਪਾ ਦੇ ਉਮੀਦਵਾਰ ਅਤੇ ਪਾਰਟੀ ਦੇ ਸੂਬਾ ਪ੍ਰਧਾਨ ਜਸਵੀਰ ਸਿੰਘ ਗੜ੍ਹੀ ਲਈ ਚੋਣ ਰੈਲੀ ਕੀਤੀ ਜਾਵੇਗੀ। ਇਹ ਉਨ੍ਹਾਂ ਦਾ ਨਵਾਂ ਸ਼ਹਿਰ ਵਿਚ 6ਵਾਂ ਦੌਰਾ ਹੋਵੇਗਾ। ਇਸ ਤੋਂ ਪਹਿਲਾਂ ਉਹ 2014 ਤੇ 2019 ਦੀਆਂ ਲੋਕ ਸਭਾ ਚੋਣਾਂ ਅਤੇ 2012, 2016, 2022 ਦੀਆਂ ਵਿਧਾਨ ਸਭਾ ਚੋਣਾਂ ਵਿਚ ਨਵਾਂ ਸ਼ਹਿਰ ਆਏ ਸਨ।

ਮਾਇਆਵਤੀ ਵਲੋਂ ਹਰ ਵਾਰ ਨਵਾਂ ਸ਼ਹਿਰ ਨੂੰ ਪਹਿਲ ਦੇਣ ਪਿੱਛੇ ਕਈ ਕਾਰਨ ਮੰਨੇ ਜਾਂਦੇ ਹਨ, ਜਿਨ੍ਹਾਂ ਵਿਚ ਦੁਆਬੇ ’ਚ ਪਾਰਟੀ ਦਾ ਜਨ ਆਧਾਰ ਵੱਧ ਹੋਣਾ ਸ਼ਾਮਲ ਹੈ ਅਤੇ ਇੱਕ ਕਾਰਨ ਇਹ ਵੀ ਹੈ ਇਸ ਵੇਲੇ ਪੰਜਾਬ ਵਿਚ ਬਸਪਾ ਦਾ ਇਕਲੌਤਾ ਵਿਧਾਇਕ ਨਵਾਂ ਸ਼ਹਿਰ ਤੋਂ ਹੈ।