15.14C Vancouver 15.14C VancouverJan 29, 2025 6:45 PM - Connect Newsroom
ਸਰੀ ਦੀ ਮੇਅਰ ਬ੍ਰੈਂਡਾ ਲੌਕ ਨੇ ਟੈਰਿਫ ਨਾਲ ਸ਼ਹਿਰ ਨੂੰ ਵੱਡਾ ਝਟਕਾ ਲੱਗਣ ਦੀ ਸੰਭਾਵਨਾ ਜਤਾਈ ਹੈ। ਮੇਅਰ ਮੁਤਾਬਕ, ਸਰੀ ਦੇ 20 ਫੀਸਦੀ ਤੋਂ ਵੱਧ ਕਾਰੋਬਾਰਾਂ ਦਾ ਅਮਰੀਕਾ ਨਾਲ ਸਿੱਧੇ ਵਪਾਰ ਸਬੰਧ ਹੈ, ਜੋ ਸਾਲਾਨਾ ਕੋਈ 2.8 ਬਿਲੀਅਨ ਡਾਲਰ ਦਾ ਹੈ।
ਉਨ੍ਹਾਂ ਕਿਹਾ ਕਿ ਜੇ ਰਾਸ਼ਟਰਪਤੀ ਡੋਨਲਡ ਟਰੰਪ ਕੈਨੇਡਾ ’ਤੇ 25 ਫੀਸਦੀ ਟੈਰਿਫ ਲਗਾਉਣ ’ਤੇ ਅਮਲ ਕਰਦੇ ਹਨ ਤਾਂ ਸੈਂਕੜੇ ਸਥਾਨਕ ਨੌਕਰੀਆਂ ਖਤਰੇ ਵਿਚ ਪੈ ਸਕਦੀਆਂ ਹਨ, ਖਾਸ ਕਰਕੇ ਨਿਰਮਾਣ ਅਤੇ ਮੁੱਲ-ਵਰਧਿਤ ਸੈਕਟਰ ਵਿਚ ਰੁਜ਼ਗਾਰ ਪ੍ਰਭਾਵਿਤ ਹੋਣਗੇ, ਨਾਲ ਹੀ ਨਿਰਯਾਤ ਕੇਂਦਰਿਤ ਕਾਰੋਬਾਰ ਨੂੰ ਵੀ ਗੰਭੀਰ ਝੱਟਕਾ ਲੱਗੇਗਾ।
ਮੇਅਰ ਬ੍ਰੈਂਡਾ ਲੌਕ ਨੇ ਉਹ ਚਿੰਤਤ ਹਨ ਕਿ ਸਾਡੇ ਟਰੱਕ ਡਰਾਈਵਰਾਂ ਨੂੰ ਯਕੀਨਨ ਤੌਰ ’ਤੇ ਇਸ ਦਾ ਅਸਰ ਮਹਿਸੂਸ ਹੋਵੇਗਾ ਅਤੇ ਇਹ ਕੋਈ ਦਿਨਾਂ ਜਾਂ ਹਫ਼ਤਿਆਂ ਵਿਚ ਨਹੀਂ ਸਗੋਂ ਤੁਰੰਤ ਹੋਵੇਗਾ।
ਬ੍ਰੈਂਡਾ ਨੇ ਕਿਹਾ ਕਿ ਉਹ ਸਰੀ ਦੇ ਆਰਥਿਕ ਹਿੱਤਾਂ ਅਤੇ ਸਥਾਨਕ ਕਾਰੋਬਾਰਾਂ ’ਤੇ ਟੈਰਿਫ ਦੇ ਪੈਣ ਵਾਲੇ ਪ੍ਰਭਾਵਾਂ ਨਾਲ ਨਜਿੱਠਣ ਲਈ ਫੈਡਰਲ ਅਤੇ ਸੂਬਾ ਸਰਕਾਰ ਦੇ ਨਾਲ-ਨਾਲ ਆਪਣੇ ਸਾਥੀ ਮੇਅਰ ਨਾਲ ਸੰਪਰਕ ਵਿਚ ਹਨ।
