15.83C Vancouver 15.83C VancouverDec 20, 2023 4:38 PM - The Canadian Press
ਮਾਂਟਰੀਅਲ ਦੀ ਮੈਕਗਿਲ ਯੂਨੀਵਰਸਿਟੀ ਨੇ ਸੂਬਾ ਸਰਕਾਰ ਵਲੋਂ ਵਧਾਈ ਗਈ ਟਿਊਸ਼ਨ ਫੀਸ ਵਿਚਕਾਰ ਬਾਹਰਲੇ ਸਟੂਡੈਂਟਸ ਨੂੰ ਸਪੋਰਟ ਦੇਣ ਦਾ ਫੈਸਲਾ ਕੀਤਾ ਹੈ।
ਯੂਨੀਵਰਸਿਟੀ ਨੇ ਕਿਹਾ ਕਿ ਉਹ ਨਵੇਂ ਅੰਡਰਗ੍ਰੈਜੂਏਟ ਸਟੂਡੈਂਟਸ ਲਈ ਸਾਲਾਨਾ $3,000 ਦਾ ਸਕਾਲਰਸ਼ਿਪ ਐਵਾਰਡ ਆਫ਼ਰ ਕਰਨ ਜਾ ਰਹੀ ਹੈ। ਇਹ 4 ਸਾਲ ਤੱਕ ਦੀ ਸਟੱਡੀ ਲਈ ਗਾਰੰਟੀਡ ਹੋਵੇਗਾ। ਨਵੇਂ ਸਟੂਡੈਂਟਸ ਨੂੰ ਇਹ ਸਕਾਲਰਸ਼ਿਪ ਐਵਾਰਡ 2024-2025 ਦੇ ਸਕੂਲ ਸਾਲ ਤੋਂ ਮਿਲਣਾ ਸ਼ੁਰੂ ਹੋਵੇਗਾ, ਜਦੋਂ ਸੂਬਾ ਸਰਕਾਰ ਵਲੋਂ ਵਧਾਈ ਗਈ ਟਿਊਸ਼ਨ ਫੀਸ ਲਾਗੂ ਹੋ ਰਹੀ ਹੈ।
ਐੱਮ. ਸੀ. ਗਿੱਲ ਯੂਨੀਵਰਸਿਟੀ ਨੇ ਕਿਹਾ ਕਿ ਕਿਊਬੈਕ ਸਰਕਾਰ ਵਲੋਂ ਸੂਬੇ ਤੋਂ ਬਾਹਰਲੇ ਕੈਨੇਡੀਅਨ ਸਟੂਡੈਂਟਸ ਲਈ ਟਿਊਸ਼ਨ ਫੀਸ $9,000 ਤੋਂ ਵਧਾ ਕੇ $12,000 ਕੀਤੀ ਗਈ ਹੈ, ਜਿਸ ਨੂੰ ਮੌਜੂਦਾ ਪੱਧਰ ’ਤੇ ਬਣਾਈ ਰੱਖਣ ਲਈ ਉਸ ਨੇ $3,000 ਦੀ ਸਕਾਲਰਸ਼ਿਪ ਦੇਣ ਦਾ ਫੈਸਲਾ ਕੀਤਾ ਹੈ, ਲਗਭਗ 1,200 ਵਿਦਿਆਰਥੀ ਇਸ ਲਈ ਯੋਗ ਹੋਣਗੇ।
ਐੱਮ.ਸੀ. ਗਿੱਲ ਦੇ ਡਿਪਟੀ ਪ੍ਰੋਵੋਸਟ ਫੈਬਰਿਕ ਲੈਬਿਊ ਨੇ ਕਿਹਾ ਕਿ ਯੂਨੀਵਰਸਿਟੀ ਪਹਿਲਾਂ ਹੀ ਵਿੱਤੀ ਸੰਕਟ ਦਾ ਸਾਹਮਣਾ ਕਰ ਰਹੀ ਹੈ ਪਰ ਸਟੂਡੈਂਟਸ ਨੂੰ ਬਣਾਈ ਰੱਖਣ ਲਈ ਇਹ ਖ਼ਰਚ ਕਰਨਾ ਸਾਡੀ ਪਹਿਲ ਹੈ। ਇਹ ਸਕਾਲਰਸ਼ਿਪ-ਆਰਟ, ਖੇਤੀਬਾੜੀ ਵਾਤਾਵਰਣ ਸਾਇੰਸ, ਨਰਸਿੰਗ ਅਤੇ ਸਾਇੰਸ ਪ੍ਰੋਗਰਾਮ ਨਾਲ ਜੁੜੇ ਸਟੂਡੈਂਟਸ ਨੂੰ ਮਿਲੇਗੀ।
