15.32C Vancouver 15.32C VancouverJun 7, 2024 7:19 PM - The Canadian Press
ਮਾਂਟਰੀਅਲ ਪੁਲਿਸ ਨੇ ਮੈਕਗਿਲ ਯੂਨੀਵਰਸਿਟੀ ਵਿਚ ਪ੍ਰਦਰਸ਼ਨਕਾਰੀਆਂ ਨੂੰ ਹਟਾਉਣ ਲਈ ਕਾਰਵਾਈ ਕੀਤੀ ਹੈ ਅਤੇ 15 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਫਲਸਤੀਨ ਦੇ ਪੱਖ ਵਿਚ ਪ੍ਰਦਰਸ਼ਨ ਕਰ ਰਹੇ ਸਟੂਡੈਂਟਸ ਇੱਕ ਮਹੀਨੇ ਤੋਂ ਜ਼ਿਆਦਾ ਸਮੇਂ ਤੋਂ ਕੈਂਪਸ ਵਿਚ ਡੇਰੇ ਜਮਾਏ ਹੋਏ ਸਨ।
ਯੂਨੀਵਰਸਿਟੀ ਨੇ ਕਿਹਾ ਕਿ ਪ੍ਰਦਰਸ਼ਨਕਾਰੀਆਂ ਨੇ ਮੁੱਖ ਪ੍ਰਸ਼ਾਸਨ ਦੀ ਇਮਾਰਤ ’ਤੇ ਕਬਜ਼ਾ ਕਰ ਲਿਆ ਸੀ ਅਤੇ ਕਈ ਦਰਵਾਜ਼ੇ ਬੰਦ ਕਰ ਦਿੱਤੇ ਸਨ, ਫਰਨੀਚਰ ਨੂੰ ਵੀ ਨੁਕਸਾਨ ਪਹੁੰਚਾਇਆ ਅਤੇ ਧਮਕੀਆਂ ਦਿੱਤੀਆਂ, ਜਿਸ ਨੇ ਕੁਝ ਸਟਾਫ ਨੂੰ ਸੇਫ ਜਗ੍ਹਾ ਵਿਚ ਅੰਦਰ ਰਹਿਣ ਲਈ ਮਜਬੂਰ ਕੀਤਾ।
ਮੈਕਗਿਲ ਯੂਨੀਵਰਸਿਟੀ ਪ੍ਰਸ਼ਾਸਨ ਨੇ ਕਿਹਾ ਕਿ ਕਾਨੂੰਨੀ ਦਾਇਰੇ ਵਿਚ ਪ੍ਰਗਟਾਵੇ ਦੀ ਆਜ਼ਾਦੀ ਦਾ ਅਧਿਕਾਰ ਸਭ ਨੂੰ ਹੈ ਪਰ ਜਿਸ ਤਰ੍ਹਾਂ ਪ੍ਰਦਰਸ਼ਨਾਕਰੀਆਂ ਨੇ ਕੱਲ੍ਹ ਡਰਾਉਣ-ਧਮਕਾਉਣ ਤੇ ਗੈਰ-ਕਾਨੂੰਨੀ ਗਤੀਵਧੀਆਂ ਕੀਤੀਆਂ, ਉਹ ਨਿੰਦਾ ਕਰਨ ਦੇ ਯੋਗ ਹਨ।
ਪੁਲਿਸ ਨੇ ਕਿਹਾ ਕਿ 13 ਲੋਕਾਂ ਨੂੰ ਜ਼ੋਰ-ਜ਼ਬਰਦਸਤੀ ਬਿਲਡਿੰਗ ਉੱਤੇ ਪ੍ਰਦਰਸ਼ਨ ਦੇ ਮਸਕਦ ਨਾਲ ਕਬਜ਼ਾ ਕਰਨ ਅਤੇ ਦੋ ਲੋਕ ਪੁਲਿਸ ਦੀ ਕਾਰਵਾਈ ਵਿਚ ਅੜਿੱਕਾ ਪਾਉਣ ਦੇ ਮਾਮਲੇ ਵਿਚ ਗ੍ਰਿਫਤਾਰ ਕੀਤੇ ਗਏ। ਪੁਲਿਸ ਨੇ ਭੀੜ ਨੂੰ ਤਿਤਰ-ਬਿਤਰ ਕਰਨ ਲਈ ਰਸਾਇਣਕ ਜਲਣ ਦੀ ਵਰਤੋਂ ਵੀ ਕੀਤੀ।
