19.42C Vancouver 19.42C VancouverJun 18, 2024 5:28 PM - The Canadian Press
ਮਾਂਟਰੀਅਲ ਦੀ ਮੈਕਗਿਲ ਯੂਨੀਵਰਸਿਟੀ ਨੇ ਫਲਸਤੀਨੀ ਸਮਰਥਕ ਪ੍ਰਦਰਸ਼ਨਕਾਰੀਆਂ ਨਾਲ ਗੱਲਬਾਤ ਬੰਦ ਕਰਨ ਦਾ ਫੈਸਲਾ ਕੀਤਾ ਹੈ ਅਤੇ ਅਨੁਸ਼ਾਸਨੀ ਕਾਰਵਾਈ ਦੀ ਚਿਤਾਵਨੀ ਦਿੱਤੀ ਹੈ।
ਯੂਨੀਵਰਸਿਟੀ ਨੇ ਅੱਜ ਇੱਕ ਬਿਆਨ ਵਿਚ ਕਿਹਾ ਕਿ ਅਪ੍ਰੈਲ ਦੇ ਅਖੀਰ ਵਿਚ ਫਲਸਤੀਨੀ ਦੇ ਸਮਰਥਨ ਵਿਚ ਸ਼ੁਰੂ ਹੋਏ ਕੈਂਪ ਵਿਚ ਹਿੱਸਾ ਲੈਣ ਵਾਲੇ ਸਟੂਡੈਂਟਸ ਵਿਰੁੱਧ ਅਨੁਸ਼ਾਸਨੀ ਕਾਰਵਾਈ ਕੀਤੀ ਜਾਵੇਗੀ।
ਮੈਕਗਿਲ ਦੇ ਪ੍ਰਧਾਨ ਦੀਪ ਸੈਣੀ ਨੇ ਕਿਹਾ ਕਿ ਪ੍ਰਦਰਸ਼ਨਕਾਰੀਆਂ ਨਾਲ ਗੱਲਬਾਤ ਖ਼ਤਮ ਕਰ ਦਿੱਤੀ ਗਈ ਹੈ, ਜੋ ਯੂਨੀਵਰਸਿਟੀ ਦੇ ਡਾਊਨਟਾਊਨ ਮਾਂਟਰੀਅਲ ਕੈਂਪਸ ਵਿਚ ਧੱਕੇ ਨਾਲ ਕੈਂਪ ਲਗਾ ਕੇ ਬੈਠੇ ਹਨ।
ਯੂਨੀਵਰਸਿਟੀ ਮੁਤਾਬਕ, ਇਨ੍ਹਾਂ ਕੈਂਪਾਂ ਤੋਂ ਵਿਦਿਆਰਥੀਆਂ ਅਤੇ ਫੈਕਲਿਟੀ ਨੂੰ ਪ੍ਰੇਸ਼ਾਨ ਕਰਨ ਦੇ ਨਾਲ-ਨਾਲ ਉਨ੍ਹਾਂ ਨੂੰ ਧਮਕਾਇਆ ਜਾ ਰਿਹਾ ਹੈ ਜੋ ਬਰਦਾਸ਼ਤ ਨਹੀਂ ਕੀਤਾ ਜਾ ਸਕਦਾ। ਯੂਨੀਵਰਸਿਟੀ ਵਲੋਂ ਇਨ੍ਹਾਂ ਨੂੰ ਹਟਾਉਣ ਲਈ ਪੁਲਿਸ ਵਲੋਂ ਮਦਦ ਮੰਗੀ ਗਈ ਹੈ।
ਹਾਲਾਂਕਿ, ਮਾਂਟਰੀਅਲ ਪੁਲਿਸ ਨੇ ਪਿਛਲੇ ਦਿਨ ਇਹ ਕਿਹਾ ਸੀ ਕਿ ਕੈਂਪ ਇੱਕ ਸਿਵਲ ਵਿਵਾਦ ਹੈ ਅਤੇ ਉਸ ਕੋਲ ਇਸ ਵਿਚ ਦਖ਼ਲ ਦੇਣ ਲਈ ਅਜੇ ਕੋਈ ਕਾਨੂੰਨੀ ਆਧਾਰ ਨਹੀਂ ਹੈ।
ਉਥੇ ਹੀ, ਪ੍ਰਦਰਸ਼ਨਕਾਰੀ ਵੀ ਅੜੇ ਹੋਏ ਹਨ, ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਹ ਉਦੋਂ ਤੱਕ ਇੱਥੋਂ ਨਹੀਂ ਹਿਲਣਗੇ ਜਦੋਂ ਤੱਕ ਯੂਨੀਵਰਸਿਟੀ ਇਜ਼ਰਾਈਲ ਦੀ ਫੌਜ ਨਾਲ ਜੁੜੇ ਆਪਣੇ ਨਿਵੇਸ਼ ਨੂੰ ਬੰਦ ਨਹੀਂ ਕਰਦੀ ਅਤੇ ਇਜ਼ਰਾਈਲੀ ਸੰਸਥਾਵਾਂ ਨਾਲ ਸਬੰਧ ਨਹੀਂ ਤੋੜੇ ਜਾਂਦੇ।
