17.71C Vancouver 17.71C VancouverApr 8, 2021 7:29 PM -
ਅਮਰੀਕਾ 'ਚ ਜਾਰਜ ਫਲਾਇਡ ਦੀ ਮੌਤ ਦੇ ਮਾਮਲੇ 'ਚ ਇੱਕ ਮੈਡਿਕਲ ਮਾਹਿਰ ਦਾ ਕਹਿਣਾ ਹੈ ਕਿ ਫਲਾਇਡ ਦੀ ਮੌਤ, ਆਕਸੀਜਨ ਦੀ ਘਾਟ ਕਾਰਨ ਹੋਈ ਸੀ, ਜਿਸ ਦੌਰਾਨ ਉਸ ਦੇ ਦਿਮਾਗ ਨੇ ਕੰਮ ਕਰਨਾ ਬੰਦ ਕਰ ਦਿੱਤਾ ਸੀ ਅਤੇ ਉਸ ਦੇ ਦਿਲ ਦੀ ਧੜਕਨ ਰੁਕ ਗਈ ਸੀ।
ਸ਼ਿਕਾਗੋ ਤੋਂ ਫੇਫੜਿਆਂ ਅਤੇ ਕ੍ਰਿਟਿਕਲ ਕੇਅਰ ਦੇ ਮਾਹਿਰ, ਡਾ. ਮਾਰਟਿਨ ਟੋਬਿਨ ਨੇ ਮਾਮਲੇ 'ਚ ਗਵਾਹੀ ਦਿੱਤੀ ਹੈ।
ਸਾਬਕਾ ਅਫ਼ਸਰ ਡੈਰਿਕ ਚੌਵਿਨ 'ਤੇ ਜਾਰੀ ਟ੍ਰਾਇਲ ਦੌਰਾਨ ਇਹ ਗਵਾਹੀ ਦਿੱਤੀ ਗਈ ਹੈ।
ਉਨ੍ਹਾਂ ਕਿਹਾ ਕਿ ਜਮੀਨ 'ਤੇ ਮੁੱਦੇ ਪਏ ਫਲਾਇਡ ਦੀ ਧੌਣ 'ਤੇ ਸਾਢੇ 9 ਮਿੰਟ ਤਕ ਗੋਡੇ ਨਾਲ ਦਬਾਅ ਬਣਾਇਆ ਗਿਆ ਸੀ, ਜਿਸ ਦੌਰਾਨ ਉਸ ਨੂੰ ਜ਼ਰੂਰੀ ਆਕਸੀਜਨ ਹਾਸਿਲ ਨਹੀਂ ਹੋ ਸਕਿਆ।
ਇਹ ਬਿਆਨ ਉਸ ਵੇਲੇ ਦਿੱਤੇ ਗਏ ਹਨ ਜਦ ਇੱਕ ਦਿਨ ਪਹਿਲਾਂ 'ਯੂਜ਼ ਆਫ ਫੋਰਸ' ਐਕਸਪਰਟ ਨੇ ਦੱਸਿਆ ਸੀ ਕਿ ਚੌਵਿਨ ਨੇ ਮੁੱਦੇ ਪਏ ਫਲਾਇਡ ਦੀ ਧੌਣ 'ਤੇ ਲਗਾਤਾਰ ਦਬਾਅ ਬਣਾ ਕੇ ਰੱਖਿਆ ਸੀ।
