19.81C Vancouver 19.81C VancouverOct 28, 2020 11:25 PM -
ਵੁਆਵੇ ਦੀ ਨੁਮਾਇੰਦਗੀ ਕਰਨ ਵਾਲੇ ਇੱਕ ਵਕੀਲ ਨੇ ਆਰ.ਸੀ.ਐਮ.ਪੀ. 'ਤੇ ਇਲਜ਼ਾਮ ਲਗਾਏ ਹਨ ਕਿ ਉਨ੍ਹਾਂ ਮੰਗ ਵੰਜੋ ਦੀ ਕਰੀਬ ਦੋ ਸਾਲ ਪਹਿਲਾਂ ਵੈਨਕੂਵਰ ਹਵਾਈ ਅੱਡੇ 'ਤੇ ਹੋਈ ਗ੍ਰਿਫਤਾਰੀ ਬਾਰੇ ਝੂਠ ਬੋਲਿਆ ਹੈ।
ਮੰਗ ਵੰਜੋ ਦੀ ਅਮਰੀਕਾ ਨੂੰ ਸਪੁਰਦਗੀ ਦੇ ਮਾਮਲੇ 'ਚ ਬੀ.ਸੀ. ਸੁਪ੍ਰੀਮ ਕੋਰਟ 'ਚ ਸੁਣਵਾਈ ਜਾਰੀ ਹੈ, ਅਤੇ ਇਸੇ ਦੌਰਾਨ ਰਿਚਰਡ ਪੈੱਕ ਨੇ ਇਹ ਇਲਜ਼ਾਮ ਲਗਾਏ ਹਨ।
ਪੈੱਕ ਨੇ ਕਿਹਾ ਕਿ ਉਹ ਨਹੀਂ ਮੰਨਦੇ ਕਿ ਕਾਂਸਟੇਬਲ ਵਿੰਸਟਨ ਯੈਪ, ਇਮਾਨਦਾਰੀ ਨਾਲ ਜਵਾਬ ਦੇ ਰਹੇ ਹਨ।
ਕਾਂਸਟੇਬਲ ਤੋਂ ਪੁੱਛਿਆ ਗਿਆ ਸੀ ਕਿ ਮੰਗ ਵੰਜੋ ਨੂੰ ਸਿੱਧਾ ਗ੍ਰਿਫਤਾਰ ਕਿਉਂ ਨਹੀਂ ਕੀਤਾ ਗਿਆ ਅਤੇ ਬਾਰਡਰ ਸਰਵਿਸ ਅਧਿਕਾਰੀਆਂ ਵੱਲੋਂ 3 ਘੰਟੇ ਤੱਕ ਪੁੱਛਗਿੱਛ ਕਿਉਂ ਹੋਈ ਸੀ।
ਮੰਗ ਵੰਜੋ ਨੂੰ ਉਮੀਦ ਹੈ ਕਿ ਇਸ ਕੇਸ ਨੂੰ ਬੰਦ ਕੀਤਾ ਜਾਵੇ ਅਤੇ ਉਨ੍ਹਾਂ ਤਰਕ ਦਿੱਤਾ ਹੈ ਕਿ ਉਹ ਪ੍ਰੀਕਿਰਿਆ ਦੇ ਸ਼ੋਸ਼ਣ ਦੀ ਪੀੜਤ ਹੋਈ ਸਨ, ਜਦ ਉਨ੍ਹਾਂ ਨੂੰ ਅਮਰੀਕੀ ਅਧਿਕਾਰੀਆਂ ਦੀ ਮੰਗ 'ਤੇ ਕਨੇਡੀਅਨ ਅਧਿਕਾਰੀਆਂ ਨੇ ਗ੍ਰਿਫਤਾਰ ਕੀਤਾ ਸੀ।
