16.45C Vancouver 16.45C VancouverJun 25, 2021 7:25 PM -
ਵੁਆਵੇ ਵੱਲੋਂ ਇੱਕ ਅਰਜ਼ੀ ਦਾਖਿਲ ਕੀਤੀ ਗਈ ਸੀ ਜਿਸ ਵਿੱਚ ਇੱਕ ਪਬਲੀਕੇਸ਼ਨ ਬੈਨ ਦੀ ਮੰਗ ਕੀਤੀ ਗਈ ਸੀ ਪਰ ਇਸ ਅਰਜ਼ੀ ਨੂੰ ਬੀ.ਸੀ. ਸੁਪ੍ਰੀਮ ਕੋਰਟ ਨੇ ਰੱਦ ਕਰ ਦਿੱਤਾ ਹੈ।
ਮੰਗ ਵੰਜੋ ਦੇ ਵਕੀਲਾਂ ਨੇ ਮੰਗ ਕੀਤੀ ਸੀ ਕਿ ਐਚ.ਐਸ.ਬੀ.ਸੀ. ਨਾਲ ਸੰਬੰਧਤ ਹੌਂਗ ਕੌਂਗ ਕੋਰਟ ਤੋਂ ਹਾਸਿਲ ਕੀਤੇ ਗਏ ਦਸਤਾਵੇਜ਼ ਗੁਪਤ ਰੱਖੇ ਜਾਣ।
ਇਸ 'ਤੇ ਇੱਕ ਮੀਡੀਆ ਕੌਂਸੋਰਟਿਅਮ ਨੇ ਬੈਨ ਦਾ ਵਿਰੋਧ ਕੀਤਾ ਸੀ।
ਕੈਨੇਡਾ ਦੇ ਅਟੌਰਨੀ ਜਨਰਲ ਨੇ ਵੀ ਇਸ ਅਰਜ਼ੀ ਦਾ ਵਿਰੋਧ ਕੀਤਾ ਸੀ।
ਵੀਰਵਾਰ ਨੂੰ ਜਾਣਕਾਰੀ ਦਿੱਤੀ ਗਈ ਕਿ ਵੁਆਵੇ ਦੀ ਇਸ ਮੰਗ ਨੂੰ ਨਾਮਨਜ਼ੂਰ ਕਰ ਦਿੱਤਾ ਗਿਆ ਹੈ।
ਅਗਸਤ 'ਚ ਮੰਗ ਵੰਜੋ ਦੀ ਅਮਰੀਕਾ ਨੂੰ ਸਪੁਰਦਗੀ ਦੇ ਮਾਮਲੇ 'ਚ ਫ਼ਾਈਨਲ ਸੁਣਵਾਈ ਸ਼ੁਰੂ ਹੋਣੀ ਹੈ।
ਯਾਦ ਰਹੇ ਕਰੀਬ 2 ਮਹੀਨੇ ਪਹਿਲਾਂ ਜਾਣਕਾਰੀ ਉਜਾਗਰ ਹੋਈ ਸੀ ਕਿ ਹੌਂਗ ਕੌਂਗ 'ਚ ਇੱਕ ਜੱਜ ਨੇ ਵੁਆਵੇ ਅਤੇ ਐਚ.ਐਸ.ਬੀ.ਸੀ. ਵਿਚਾਲੇ ਦੇ ਇੱਕ ਡਾਕਿਊਮੈਂਟ ਸ਼ੇਅਰਿੰਗ ਐਗਰੀਮੈਂਟ ਨੂੰ ਸਾਂਝਾ ਕੀਤੇ ਜਾਣ ਦੀ ਮਨਜ਼ੂਰੀ ਦੇ ਦਿੱਤੀ ਹੈ।
ਇਸ ਕਰਾਰ ਦਾ ਮੰਗ ਵੰਜੋ ਦੇ ਐਕਸਟ੍ਰਾਡਿਸ਼ਨ ਮਾਮਲੇ 'ਚ ਅਸਰ ਪੈ ਸਕਦਾ ਹੈ।
ਵੁਆਵੇ ਦੀ ਚੀਫ਼ ਫਾਈਨੈਂਸ਼ੀਅਲ ਅਫ਼ਸਰ, ਮੰਗ ਵੰਜੋ ਨੂੰ ਵੈਨਕੂਵਰ 'ਚ ਦਿਸੰਬਰ 2018 'ਚ ਹੋਈ ਗ੍ਰਿਫਤਾਰੀ ਤੋਂ ਬਾਅਦ ਜ਼ਮਾਨਤ ਮਿਲੀ ਹੋਈ ਹੈ ਅਤੇ ਉਨ੍ਹਾਂ ਨੂੰ ਆਸ ਹੈ ਕਿ ਇਹਨਾਂ ਦਸਤਾਵੇਜ਼ਾਂ ਨਾਲ ਉਸ ਦੀ ਅਮਰੀਕਾ ਨੂੰ ਸਪੁਰਦਗੀ ਰੋਕੀ ਜਾ ਸਕੇਗੀ।
ਇੱਕ ਬ੍ਰਿਟਿਸ਼ ਕੋਰਟ ਦੀ ਪਹਿਲਾਂ ਦੀ ਰੂਲਿੰਗ 'ਚ ਐਚ.ਐਸ.ਬੀ.ਸੀ. ਨੂੰ ਮੰਗ ਵੰਜੋ ਦੀ ਲੀਗਲ ਟੀਮ ਨਾਲ ਦਸਤਾਵੇਜ਼ ਸਾਂਝੇ ਕਰਨ ਤੋਂ ਰੋਕਿਆ ਗਿਆ ਸੀ ਪਰ ਵੁਆਵੇ ਨੇ ਦੱਸਿਆ ਸੀ ਕਿ ਹੌਂਗ ਕੌਂਗ ਕੋਰਟ ਨੇ ਦਸਤਾਵੇਜ਼ ਸਾਂਝੇ ਕਰਨ ਦੀ ਇਜਾਜ਼ਤ ਦੇ ਦਿੱਤੀ ਹੈ ਹਾਲਾਂਕਿ ਇਸ 'ਚ ਕੁਝ ਜਾਣਕਾਰੀ ਨੂੰ ਗੁਪਤ ਰੱਖਣ ਨੂੰ ਕਿਹਾ ਗਿਆ ਸੀ।
