13.54C Vancouver 13.54C VancouverMar 23, 2021 1:35 AM -
ਵੁਆਵੇ ਐਗਜ਼ੀਕਿਊਟਿਵ ਮੰਗ ਵੰਜੋ ਦੇ ਇੱਕ ਵਕੀਲ ਨੇ ਕਿਹਾ ਹੈ ਕਿ ਇੱਕ ਰਿਟਾਇਰਡ ਪੁਲਿਸ ਅਧਿਕਾਰੀ ਦਾ ਐਕਸਟ੍ਰਾਡਿਸ਼ਨ ਕੇਸ 'ਚ ਬਿਆਨ ਦਰਜ ਕਰਾਉਣ ਤੋਂ ਇਨਕਾਰ ਕਰਨਾ ਇਸ ਤਰਕ ਨੂੰ ਮਜ਼ਬੂਤੀ ਪ੍ਰਦਾਨ ਕਰਦਾ ਹੈ ਕਿ ਅਫ਼ਸਰ ਨੇ ਉਸ ਦੀਆਂ ਡਿਵਾਇਸਾਂ ਦੀ ਜਾਣਕਾਰੀ ਅਮਰੀਕੀ ਜਾਂਚ ਅਧਿਕਾਰੀਆਂ ਤਕ ਪਹੁੰਚਾਈ ਸੀ।
ਸਕੌਟ ਫੈਂਟਨ ਨੇ ਕਿਹਾ ਕਿ ਸਾਬਕਾ ਸਟਾਫ਼ ਸਾਰਜੈਂਟ, ਬੈਨ ਚੈਂਗ, ਇਸ ਮਾਮਲੇ 'ਚ ਬੇਹੱਦ ਅਹਿਮ ਗਵਾਹ ਹੈ ਜੋ ਕਿ ਦੱਸ ਸਕਦਾ ਹੈ ਕਿ ਮੰਗ ਵੰਜੋ ਨਾਲ ਸੰਬੰਧਤ ਇਲੈਕਟਰੌਨਿਕ ਸੀਰੀਅਲ ਨੰਬਰ (electronic serial numbers) ਨੂੰ ਗਲਤ ਤਰੀਕੇ ਨਾਲ ਐਫ.ਬੀ.ਆਈ. (Federal Bureau of Investigation) ਤਕ ਪਹੁੰਚਾਇਆ ਗਿਆ ਸੀ ਜਾਂ ਨਹੀਂ।
ਫੈਂਟਨ ਨੇ ਕਿਹਾ ਕਿ ਮੰਗ ਵੰਜੋ ਦੀ ਗ੍ਰਿਫਤਾਰੀ ਤੋਂ 6 ਮਹੀਨੇ ਬਾਅਦ ਚੈਂਗ ਰਿਟਾਇਰ ਹੋ ਗਿਆ ਸੀ ਅਤੇ ਮਕਾਉ ਚਲਾ ਗਿਆ ਸੀ ਅਤੇ ਹੁਣ ਗਵਾਹੀ ਲਈ ਤਿਆਰ ਨਹੀਂ ਹੈ।
ਹਾਲਾਂਕਿ ਇਸ ਅਫ਼ਸਰ ਨੇ ਇੱਕ ਐਫੀਡੈਵਿਟ ਦਿੱਤਾ ਸੀ ਕਿ ਉਸ ਨੇ ਅਮਰੀਕਾ ਨਾਲ ਕੋਈ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਸੀ।
ਬੀ.ਸੀ. ਸੁਪ੍ਰੀਮ ਕੋਰਟ 'ਚ ਇਹ ਦਲੀਲਾਂ ਉਸ ਵੇਲੇ ਦਿੱਤੀਆਂ ਜਾ ਰਹੀਆਂ ਹਨ ਜਦ ਸਾਬਿਤ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਕਿ ਮੰਗ ਵੰਜੋ 'ਪ੍ਰੀਕਿਰਿਆ ਦੇ ਸ਼ੋਸ਼ਣ' ਦੀ ਸ਼ਿਕਾਰ ਬਣੀ ਸੀ।
