12.29C Vancouver 12.29C VancouverJun 3, 2020 5:44 PM -
ਕਨੇਡੀਅਨ ਆਰਮਡ ਫੋਰਸਜ਼ ਵੱਲੋਂ ਗ੍ਰੀਸ ਦੇ ਨਜ਼ਦੀਕ ਅਪਰੈਲ ਵਿੱਚ ਹਾਦਸਾਗ੍ਰਸਤ ਹੋਏ ਸਾਈਕਲੋਨ ਹੈਲੀਕਾਪਟਰ ਦੇ ਮਲਬੇ ਨੂੰ ਲੱਭਣ ਦਾ ਮਿਸ਼ਨ ਖਤਮ ਕਰ ਦਿੱਤਾ ਗਿਆ ਹੈ।
ਮੈਰਿਟਾਈਮ ਕੰਪੋਨੈਂਟ ਕਮਾਂਡਰ ਰੀਅਰ-ਐਡਮਿਰਲ ਕ੍ਰੇਗ ਬੇਨਜ਼ ਮੁਤਾਬਕ ਹਾਦਸੇ ਦੌਰਾਨ ਹੈਲੀਕਾਪਟਰ ਤੇ ਸਵਾਰ ਕੁਝ ਸਰਵਿਸ ਮੈਂਬਰਾਂ ਦੀਆਂ ਮ੍ਰਿਤਕ ਦੇਹਾਂ ਦੇ ਹਿੱਸੇ ਬਰਾਮਦ ਕਰ ਲਏ ਗਏ ਹਨ।
ਉਨ੍ਹਾਂ ਨੂੰ ਪਛਾਣ ਲਈ ਇਸ ਵੀਕੈਂਡ ਤੇ ਕੈਨੇਡਾ ਵਾਪਸ ਭੇਜਿਆ ਜਾਵੇਗਾ।
ਬੇਨਜ਼ ਮੁਤਾਬਕ ਹੈਲੀਕਾਪਟਰ ਦਾ ਮਲਬਾ ਵੀ ਲੱਭ ਲਿਆ ਗਿਆ ਹੈ ਅਤੇ ਫਲਾਈਟ ਸੁਰੱਖਿਆ ਜਾਂਚਕਰਤਾਵਾਂ ਦਾ ਮੰਨਣਾ ਹੈ ਕਿ ਇਸ ਰਾਹੀਂ ਹਾਦਸੇ ਦੇ ਕਾਰਨਾਂ ਬਾਰੇ ਪਤਾ ਲਾਇਆ ਜਾ ਸਕੇਗਾ।
ਬੇਨਜ਼ ਮੁਤਾਬਕ ਸਾਈਕਲੋਨ ਹੈਲੀਕਾਪਟਰ ਦੇ ਕੁਝ ਵੱਡੇ ਹਿੱਸੇ ਮਿਲਟਰੀ ਵੱਲੋਂ ਬਰਾਮਦ ਨਹੀਂ ਕੀਤੇ ਗਏ ਕਿਉਂਕਿ ਉਹ ਜਾਂਚ ਲਈ ਮਹੱਤਵਪੂਰਨ ਨਹੀਂ ਸਨ ਅਤੇ ਯੂ.ਐੱਸ. ਨੇਵੀ ਡਰੋਨ ਨੂੰ ਨੁਕਸਾਨ ਪਹੁੰਚ ਸਕਦਾ ਸੀ।
29 ਅਪ੍ਰੈਲ ਨੂੰ ਸਾਈਕਲੋਨ ਹੈਲੀਕਾਪਟਰ ਨੇਟੋ ਟ੍ਰੇਨਿੰਗ ਮਿਸ਼ਨ ਦੇ ਆਖਰੀ ਪੜਾਅ ਤੇ ਸੀ ਅਤੇ ਹੈਲੀਫੈਕਸ-ਕਲਾਸ ਫ੍ਰਿਗੇਟ ਐੱਚ.ਐੱਮ.ਸੀ.ਐੱਸ. ਫਰੈਡਰਿਕਟਨ ਤੇ ਵਾਪਸ ਆਉਣ ਤੋਂ ਕੁਝ ਪਲ ਪਹਿਲਾਂ ਹਾਦਸਾਗ੍ਰਸਤ ਹੋ ਗਿਆ।
