17.05C Vancouver 17.05C VancouverDec 5, 2022 9:41 PM - The Canadian Press
ਕੈਨੇਡਾ ਦੇ ਕੋਵਿਡ-19 ਟਾਸਕ ਫੋਰਸ ਦੇ ਸਾਬਕਾ ਮੁਖੀ ਮੇਜਰ ਜਨਰਲ ਡੈਨੀ ਫੌਰਟੈਂ ਨੂੰ ਸੈਕਸ਼ੂਅਲ ਅਸਾਲਟ ਦੇ ਦੋਸ਼ਾਂ 'ਚ 'ਨੌਟ ਗਿਲਟੀ' ਕਰਾਰ ਦਿੱਤਾ ਗਿਆ ਹੈ।
ਮਾਮਲਾ ਸਾਲ 1988 ਦਾ ਦੱਸਿਆ ਗਿਆ ਸੀ ਜਦ ਕਥਿਤ ਤੌਰ 'ਤੇ ਜਿਨਸੀ ਹਮਲਾ ਵਾਪਰਿਆ ਸੀ।
ਉਸ ਸਮੇਂ ਸ਼ਕਾਇਤਕਰਤਾ ਅਤੇ ਫੌਰਟੈਂ ਕਿਊਬੈਕ 'ਚ ਇੱਕ ਮਿਲਟਰੀ ਕਾਲਿਜ ਅਟੈਂਡ ਕਰ ਰਹੇ ਸਨ।
ਸ਼ਿਕਾਇਤਕਰਤਾ ਔਰਤ ਨੇ ਕੋਰਟ ਨੂੰ ਦੱਸਿਆ ਸੀ ਕਿ ਉਸ ਨੂੰ ਵਿਸ਼ਵਾਸ ਹੈ ਕਿ ਜਿਨਸੀ ਹਮਲਾ ਕਰਨ ਵਾਲਾ ਵਿਅਕਤੀ ਡੈਨੀ ਫੌਰਟੈਂ ਸੀ।
ਹਾਲਾਂਕਿ ਫੌਰਟੈਂ ਦੇ ਵਕੀਲ ਨੇ ਸ਼ਿਕਾਇਤਕਰਤਾ ਦੇ ਬਿਆਨਾਂ 'ਚ ਬਦਲਾਅ ਦਾ ਹਵਾਲਾ ਦਿੱਤਾ ਅਤੇ ਉਸ ਦੇ ਬੀਤੇ ਸਾਲ ਦੇ ਜਾਂਚ ਅਧਿਕਾਰੀਆਂ ਕੋਲ ਦਿੱਤੇ ਬਿਆਨਾਂ 'ਤੇ ਸਵਾਲ ਚੁੱਕੇ।
ਫੈਸਲੇ ਤੋਂ ਬਾਅਦ ਮੇਜਰ ਜਨਰਲ ਡੈਨੀ ਫੌਰਟੈਂ ਨੇ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਅੱਜ ਉਹ ਬੇਹੱਦ ਭਾਵੁਕ ਹਨ ਅਤੇ ਉਨ੍ਹਾਂ ਦੇ ਪਰਿਵਾਰ ਦੇ ਮੋਢਿਆਂ ਤੋਂ ਇੱਕ ਵੱਡਾ ਭਾਰ ਉੱਤਰ ਗਿਆ ਹੈ।
ਉਨ੍ਹਾਂ ਕਿਹਾ ਕਿ ਉਹ ਕੁਝ ਸਮਾਂ ਲੈਣਗੇ ਕਿ ਅੱਜ ਦੇ ਫੈਸਲੇ ਨੂੰ ਪੂਰੀ ਤਰ੍ਹਾਂ ਪੜ੍ਹਿਆ ਜਾਵੇ ਅਤੇ ਫਿਰ ਉਨ੍ਹਾਂ ਦੇ ਵਕੀਲ ਕੋਈ ਫੈਸਲੇ ਲੈ ਸਕਦੇ ਹਨ।
ਉਨ੍ਹਾਂ ਕਿਹਾ ਕਿ ਇਸ ਮਾਮਲੇ 'ਚ ਸ਼ੁਰੂਆਤ ਤੋਂ ਹੀ ਮਿਲਟਰੀ ਦੇ ਸੀਨੀਅਰ ਲੀਡਰਾਂ ਅਤੇ ਰਾਜਨੀਤਕ ਫੈਸਲੇ ਲੈਣ ਵਾਲੇ ਲੀਡਰਾਂ ਨੇ ਉਨ੍ਹਾਂ ਨੂੰ ਇੱਕ ਮੁਜਰਿਮ ਵਾਂਗ ਟਰੀਟ ਕੀਤਾ।
ਉਨ੍ਹਾਂ ਕਿਹਾ ਕਿ ਇਸ ਨਾਲ ਸਿਰਫ ਉਨ੍ਹਾਂ ਦਾ ਰੁਤਬਾ ਹੀ ਨਹੀਂ ਬਲਕਿ ਪਰਿਵਾਰਿਕ ਜੀਵਨ ਵੀ ਪ੍ਰਭਾਵਿਤ ਹੋਇਆ।
