16.85C Vancouver 16.85C VancouverFeb 25, 2021 4:35 PM -
ਕੈਨੇਡਾ ਦੇ ਨਵੇਂ ਚੋਟੀ ਦੇ ਮਿਲਟਰੀ ਕਮਾਂਡਰ ਐਡਮਿਰਲ ਆਰਟ ਮੈਕਡੌਨਲਡ ਨੇ ਆਪਣਾ ਅਹੁਦਾ ਛੱਡਣ ਦਾ ਐਲਾਨ ਕੀਤਾ ਹੈ।
ਇਹ ਕਦਮ ਉਨ੍ਹਾਂ ਉੱਤੇ ਲੱਗੇ ਕੁਝ ਦੋਸ਼ਾਂ ਸੰਬੰਧੀ ‘ਕਨੇਡੀਅਨ ਫੋਰਸਿਜ਼ ਨੈਸ਼ਨਲ ਇਨਵੈਸਟੀਗੇਸ਼ਨ ਸਰਵਿਸ’ ਵੱਲੋਂ ਕੀਤੀ ਜਾ ਰਹੀ ਜਾਂਚ ਦੇ ਚੱਲਦਿਆਂ ਚੁੱਕਿਆ ਗਿਆ ਹੈ।
ਇਨ੍ਹਾਂ ਦੋਸ਼ਾਂ ਦੇ ਵੇਰਵੇ ਸਾਂਝੇ ਨਹੀਂ ਕੀਤੇ ਗਏ ਹਨ।
ਜ਼ਿਕਰਯੋਗ ਹੈ ਕਿ ਮੈਕਡੋਨਲਡ ਨੇ ਕੁਝ ਸਮਾਂ ਪਹਿਲਾਂ ਹੀ ਡਿਫੈਂਸ ਸਟਾਫ਼ ਦੇ ਚੀਫ ਵਜੋਂ ਜਨਰਲ ਜੌਨਾਥਨ ਵੈਂਸ ਦੀ ਜਗ੍ਹਾ ਤੇ ਅਹੁਦਾ ਸੰਭਾਲਿਆ ਸੀ।
ਵੈਂਸ ਉੱਤੇ ਜਿਨਸੀ ਬਦਸਲੂਕੀ ਦੇ ਦੋਸ਼ਾਂ ਬਾਰੇ ਜਾਂਚ ਕੀਤੀ ਜਾ ਰਹੀ ਹੈ।
ਵੈਂਸ ਨੇ ਇਨ੍ਹਾਂ ਦੋਸ਼ਾਂ ਤੋਂ ਇਨਕਾਰ ਕੀਤਾ ਹੈ।
ਡਿਫੈਂਸ ਮਨਿਸਟਰ ਹਰਜੀਤ ਸੱਜਣ ਨੇ ਕੱਲ੍ਹ ਰਾਤ ਇਸ ਸਿਲਸਿਲੇ ਵਿੱਚ ਕਿਹਾ ਕਿ ਉਹ ਸਥਿਤੀ ਨਾਲ ਵਾਕਫ਼ ਹਨ ਅਤੇ ਦੁਰਵਿਵਹਾਰ ਦੇ ਦੋਸ਼ਾਂ ਨੂੰ ਗੰਭੀਰਤਾ ਨਾਲ ਲੈਂਦੇ ਹਨ।
ਸੱਜਣ ਮੁਤਾਬਕ ਕੋਈ ਵੀ ਰੈਂਕ ਅਤੇ ਅਹੁਦਾ ਕਿਉਂ ਨਾ ਹੋਵੇ ਉਹ ਅਜਿਹੇ ਦੋਸ਼ਾਂ ਤੇ ਸਖ਼ਤ ਕਾਰਵਾਈ ਕਰਨਾ ਜਾਰੀ ਰੱਖਣਗੇ।
ਸਾਬਕਾ ਨੇਵਲ ਰਿਜ਼ਰਵਿਸਟ ਮੈਰੀ-ਕਲੌਡ ਗੈਗਨੌਂ, ਜਿਨ੍ਹਾਂ ਨੇ ਫੌਜੀ ਜਿਨਸੀ ਦੁਰਾਚਾਰ ਤੋਂ ਬਚਣ ਵਾਲਿਆਂ ਲਈ ਇੱਕ ਸਮੂਹ ਦੀ ਸਥਾਪਨਾ ਕੀਤੀ ਸੀ, ਦਾ ਕਹਿਣਾ ਹੈ ਕਿ ਮੈਕਡੌਨਲਡ ਅਤੇ ਵੈਂਸ ਖਿਲਾਫ ਲੱਗੇ ਦੋਸ਼, ਫੌਜ ਦੀ ਬਾਹਰੀ ਨਿਗਰਾਨੀ ਦੀ ਜ਼ਰੂਰਤ ਉੱਤੇ ਜ਼ੋਰ ਦਿੰਦੇ ਹਨ।
