28.15C Vancouver 28.15C VancouverMar 10, 2021 9:26 PM -
ਮੈਨੀਟੋਬਾ ਦਾ ਇੱਕ ਵਿਅਕਤੀ, ਜਿਸ ਨੇ ਰਿਡੋ ਹਾਲ 'ਚ ਗੱਡੀ ਦਾਖਿਲ ਕਰ ਦਿੱਤੀ ਸੀ ਅਤੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੇ ਘਰ ਵੱਲ ਹਥਿਆਰ ਚੁੱਕ ਕੇ ਵਧਿਆ ਸੀ, ਉਸ ਨੂੰ 6 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ।
ਘਟਨਾ ਬੀਤੇ ਸਾਲ ਜੁਲਾਈ 'ਚ ਵਾਪਰੀ ਸੀ।
ਵਿਅਕਤੀ ਦੀ ਉਮਰ 46 ਸਾਲ ਅਤੇ ਉਸ ਦਾ ਨਾਮ ਕੋਰੀ ਹੁਰੇਨ ਹੈ।
ਉਸ 'ਤੇ ਹਥਿਆਰਾਂ ਸੰਬੰਧੀ 21 ਦੋਸ਼ ਅਤੇ ਪ੍ਰਧਾਨ ਮੰਤਰੀ ਨੂੰ ਧਮਕਾਉਣ ਦਾ ਦੋਸ਼ ਲੱਗਿਆ ਸੀ।
ਹਾਲਾਂਕਿ ਇਸ ਵਿਅਕਤੀ ਨੇ ਹਥਿਆਰਾਂ ਨਾਲ ਸੰਬੰਧਤ 7 ਦੋਸ਼ ਕਬੂਲ ਕੀਤੇ ਸਨ।
ਉਸ ਨੇ 1,00,000 ਡਾਲਰ ਤੋਂ ਵੱਧ ਦਾ ਨੁਕਸਾਨ ਕਰਨ ਵਾਲੀ ਸ਼ਰਾਰਤ ਦੇ ਦੋਸ਼ ਵੀ ਕਬੂਲੇ ਸਨ।
ਔਂਟੈਰੀਓ ਕੋਰਟ ਜਸਟਿਸ ਰੌਬਰਟ ਵੈਡਨ (Ontario Court Justice Robert Wadden) ਨੇ ਕਿਹਾ ਕਿ ਦੋਸ਼ੀ ਨੂੰ ਜੇਲ੍ਹ 'ਚ ਬਿਤਾਏ ਇੱਕ ਸਾਲ ਦੇ ਸਮੇਂ ਦਾ ਕਰੈਡਿਟ ਦਿੱਤਾ ਜਾਵੇਗਾ।
ਯਾਨੀ ਕਿ ਹੁਣ ਦੋਸ਼ੀ ਨੂੰ ਜੇਲ੍ਹ 'ਚ 5 ਸਾਲ ਹੋਰ ਬਿਤਾਉਣੇ ਪੈਣਗੇ।
ਕਰਾਊਨ ਪ੍ਰਾਸੀਕਿਊਟਰ 6 ਸਾਲ ਦੀ ਕੈਦ ਦੀ ਮੰਗ ਕਰ ਰਹੇ ਸਨ ਜਦਕਿ ਬਚਾਅ ਪੱਖ ਨੇ 3 ਸਾਲ ਤਕ ਸਜ਼ਾ ਨੂੰ ਸੀਮਤ ਰੱਖਣ ਦੀ ਮੰਗ ਕੀਤੀ ਸੀ।
