ਮਿਲਰ ਨੇ ਫਲਸਤੀਨੀਆਂ ਲਈ ਕੈਨੇਡਾ ਵਿੱਚ ਰਿਸ਼ਤੇਦਾਰਾਂ ਵਿੱਚ ਸ਼ਾਮਲ ਹੋਣ ਲਈ ਅਰਜ਼ੀਆਂ ਵਧਾਈ ਸੀਮਾ

ਕੈਨੇਡਾ ਸਰਕਾਰ ਨੇ ਯੁੱਧ ਗ੍ਰਸਤ ਗਾਜ਼ਾ ਵਿਚ ਰਹਿ ਰਹੇ ਕੈਨੇਡੀਅਨਾਂ ਦੇ 5,000 ਰਿਸ਼ਤੇਦਾਰਾਂ ਲਈ ਵਿਸ਼ੇਸ਼ ਪ੍ਰੋਗਰਾਮ ਤਹਿਤ ਅਸਥਾਈ ਵੀਜ਼ੇ ਜਾਰੀ ਕਰਨ ਦੀ ਘੋਸ਼ਣਾ ਕੀਤੀ ਹੈ। ਸਰਕਾਰ ਦਾ ਕਹਿਣਾ ਹੈ ਕਿ ਭਵਿੱਖ ਵਿਚ ਉਹ ਜਦੋਂ ਵੀ ਗਾਜ਼ਾ ਵਿਚੋਂ ਨਿਕਲਣ ਲਈ ਯੋਗ ਹੋਣਗੇ ਤਾਂ ਉਹਨਾਂ ਲਈ ਕੈਨੇਡਾ ਵਿਚ ਦਾਖ਼ਲ ਹੋਣਾ ਆਸਾਨ ਹੋਵੇਗਾ।

ਇਮੀਗ੍ਰੇਸ਼ਨ ਮੰਤਰੀ ਮਾਰਕ ਮਿਲਰ ਨੇ ਕਿਹਾ ਕਿ ਹਾਲਾਂਕਿ ਗਾਜ਼ਾ ਤੋਂ ਬਾਹਰ ਆਉਣਾ ਫਿਲਹਾਲ ਸੰਭਵ ਨਹੀਂ ਹੈ ਪਰ ਸਥਿਤੀ ਕਿਸੇ ਵੀ ਸਮੇਂ ਬਦਲ ਸਕਦੀ ਹੈ। ਪਹਿਲਾਂ ਦਸੰਬਰ ਵਿਚ ਸਰਕਾਰ ਨੇ 1,000 ਅਸਥਾਈ ਨਿਵਾਸੀ ਵੀਜ਼ਾ ਅਲਾਟ ਕਰਨ ਦੀ ਘੋਸ਼ਣਾ ਕੀਤੀ ਸੀ, ਜਿਸ ਨੂੰ ਹੁਣ ਵਧਾ ਦਿੱਤਾ ਹੈ। ਮਿਲਰ ਨੇ ਕਿਹਾ ਕਿ ਕੈਨੇਡਾ ਗਾਜ਼ਾ ਨਿਵਾਸੀਆਂ ਦੇ ਨਾਮ ਉੱਥੇ ਦੇ ਲੋਕਲ ਅਧਿਕਾਰੀਆਂ ਨਾਲ ਸਾਂਝੇ ਕਰ ਰਿਹਾ ਹੈ ਅਤੇ ਉਨ੍ਹਾਂ ਨੇ ਗਾਜ਼ਾ ਵਿਚੋਂ ਬਾਹਰ ਨਿਕਲਣ ਲਈ ਮੁੱਢਲੀ ਸਕ੍ਰੀਨਿੰਗ ਪਾਸ ਕੀਤੀ ਹੈ। ਹਾਲਾਂਕਿ, ਹਾਲਾਤ ਅਜੇ ਸੁਖਾਵੇਂ ਨਹੀਂ।

ਮਿਨਿਸਰ ਨੇ ਕਿਹਾ ਕਿ ਕੈਨੇਡਾ ਦੇ ਪ੍ਰੋਗਰਾਮ ਨੂੰ ਸਫਲ ਬਣਾਉਣ ਲਈ ਇਜ਼ਰਾਈਲ ਅਤੇ ਮਿਸਰ ਦਾ ਸਹਿਯੋਗ ਜ਼ਰੂਰੀ ਹੈ। ਮਿਲਰ ਨੇ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਗਾਜ਼ਾ ਵਿਚ ਕੈਨੇਡੀਅਨਾਂ ਦੇ ਸਖੇ-ਸਬੰਧੀਆਂ ਨੂੰ ਕੱਢਣ ਵਿਚ ਮਦਦ ਕਰਨ ਲਈ ਹਰ ਸੰਭਵ ਕੋਸ਼ਿਸ਼ ਕਰ ਰਹੀ ਹੈ ਪਰ ਉਨ੍ਹਾਂ ਕਿਹਾ ਕਿ ਬਹੁਤ ਸਾਰੇ ਮੁੱਦੇ ਕੈਨੇਡਾ ਸਰਕਾਰ ਦੇ ਕੰਟਰੋਲ ਤੋਂ ਬਾਹਰ ਹਨ।