16.37C Vancouver 16.37C VancouverApr 21, 2021 1:50 AM -
ਅੱਜ ਬੀ.ਸੀ. 'ਚ ਪ੍ਰੋਵਿੰਸ਼ੀਅਲ ਬਜਟ ਪੇਸ਼ ਕੀਤਾ ਗਿਆ ਹੈ।
ਵਿੱਤ ਮੰਤਰੀ ਸਿਲੀਨਾ ਰੌਬਿਨਸਨ ਨੇ ਅੱਜ ਦੁਪਹਿਰ ਬਜਟ ਪੇਸ਼ ਕੀਤਾ।
ਇਸ ਦੌਰਾਨ ਪਰਿਵਾਰਾਂ ਅਤੇ ਵਪਾਰਾਂ ਦੇ ਸਹਿਯੋਗ ਲਈ ਕਈ ਬਿਲੀਅਨ ਡਾਲਰ ਦੇ ਨਵੇਂ ਖਰਚਿਆਂ ਦਾ ਐਲਾਨ ਕੀਤਾ ਗਿਆ ਹੈ।
ਬੀ.ਸੀ. 'ਚ ਬੀਤੇ ਸਾਲ ਯਾਨੀ ਕਿ 2020-2021 ਦਾ ਵਿੱਤੀ ਘਾਟਾ 8.1 ਬਿਲੀਅਨ ਡਾਲਰ ਰਹਿਣ ਦਾ ਅਨੁਮਾਨ ਦੱਸਿਆ ਗਿਆ ਹੈ।
ਬੀ.ਸੀ. 'ਚ ਇਸ ਸਾਲ ਦਾ ਪ੍ਰੋਵਿੰਸ਼ੀਅਲ ਡੈਫੀਸਿਟ $9.7 ਬਿਲੀਅਨ ਰਹਿਣ ਦਾ ਅਨੁਮਾਨ ਪੇਸ਼ ਕੀਤਾ ਗਿਆ ਹੈ।
ਇਹ ਵੀ ਦੱਸਿਆ ਗਿਆ ਹੈ ਕਿ ਸਥਿਤੀ ਨੂੰ ਸਮਾਨ ਕਰਨ 'ਚ 7 ਤੋਂ 9 ਸਾਲ ਦਾ ਸਮਾਂ ਲੱਗ ਸਕਦਾ ਹੈ।
ਵਿੱਤ ਮੰਤਰੀ ਨੇ ਕਿਹਾ ਕਿ ਸੂਬੇ ਵੱਲੋਂ 8.7 ਬਿਲੀਅਨ ਡਾਲਰ ਦੀ ਇਨਫਰਾਸਟਰਕਚਰ ਸਪੈਂਡਿੰਗ ਕੀਤੀ ਜਾਵੇਗੀ।
ਅਗਲੇ 3 ਸਾਲ 'ਚ ਖਰਚੀ ਜਾਣ ਵਾਲੀ ਇਸ ਰਕਮ ਨਾਲ 85,000 ਨੌਕਰੀਆਂ ਉਤਪੰਨ ਹੋਣਗੀਆਂ।
ਇਸ ਤੋਂ ਇਲਾਵਾ ਪਾਵਰਟੀ ਰਿਡਕ੍ਸ਼ਨ ਲਈ 1.6 ਬਿਲੀਅਨ ਡਾਲਰ ਦਾ ਵਾਅਦਾ ਕੀਤਾ ਗਿਆ ਹੈ।
ਹੈਲਥ ਕੇਅਰ ਅਤੇ ਮੈਂਟਲ ਹੈਲਥ ਸਿਸਟਮ 'ਚ 3.1 ਬਿਲੀਅਨ ਡਾਲਰ ਖਰਚੇ ਜਾਣਗੇ।
ਵਪਾਰਾਂ ਅਤੇ ਲੇਬਰ ਗਰੁੱਪਸ ਵੱਲੋਂ ਸਿਲੀਨਾ ਰੌਬਿਨਸਨ ਦੇ ਬਜਟ ਨੂੰ ਮਿਲੀ-ਜੂਲੀ ਪ੍ਰਤੀਕਿਰਿਆ ਦਿੱਤੀ ਜਾ ਰਹੀ ਹੈ।
ਬੀ.ਸੀ. ਫੈਡਰੇਸ਼ਨ ਆਫ ਲੇਬਰ ਨੇ ਹੈਲਥ ਕੇਅਰ, ਚਾਈਲਡ-ਕੇਅਰ, ਅਫੋਰਡੇਬਲ ਹਾਊਸਿੰਗ ਅਤੇ ਇਨਫਰਾਸਟਰਕਚਰ 'ਚ ਹੋ ਰਹੇ ਨਿਵੇਸ਼ ਦੀ ਪ੍ਰਸ਼ੰਸਾ ਕੀਤੀ ਗਈ ਹੈ।
ਹਾਲਾਂਕਿ ਫੈਡਰੇਸ਼ਨ ਦਾ ਕਹਿਣਾ ਹੈ ਕਿ ਬਜਟ 'ਚ ਵਰਕਰਾਂ ਦੇ ਸਹਿਯੋਗ ਲਈ 'ਪੇਡ ਸਿੱਕ ਲੀਵ' ਦੇ ਚੰਗੇ ਪ੍ਰਬੰਧ ਨਹੀਂ ਕੀਤੇ ਗਏ ਹਨ।
ਗ੍ਰੇਟਰ ਵੈਨਕੂਵਰ ਬੋਰਡ ਆਫ ਟਰੇਡ ਨੇ ਇਸ ਬਜਟ ਨੂੰ ਬੀ-ਮਾਈਨਸ ਦਾ ਗ੍ਰੇਡ ਦਿੱਤਾ ਹੈ।
