15.81C Vancouver 15.81C VancouverOct 1, 2024 12:23 PM - Connect Newsroom, with files from The Canadian Press
ਕੈਨੇਡਾ ਦੇ ਚਾਰ ਸੂਬਿਆਂ ਵਿਚ ਅੱਜ ਤੋਂ ਘੱਟੋ-ਘੱਟ ਮਜ਼ਦੂਰੀ ਵਿਚ ਵਾਧਾ ਹੋ ਗਿਆ ਹੈ। ਓਨਟਾਰੀਓ ਵਿਚ ਇਹ ਦਰ 65 ਸੈਂਟ ਵੱਧ ਕੇ $17.20 ਪ੍ਰਤੀ ਡਾਲਰ ਹੋ ਗਈ ਹੈ। ਉਥੇ ਹੀ, ਸਸਕੈਚਵਨ ਵਲੋਂ ਘੱਟੋ-ਘੱਟ ਮਜ਼ਦੂਰੀ ਇੱਕ ਡਾਲਰ ਵਧਾ ਕੇ $15 ਕੀਤੀ ਗਈ ਹੈ ਪਰ ਇਹ ਅਲਬਰਟਾ ਦੇ ਨਾਲ-ਨਾਲ ਕੈਨੇਡਾ ਵਿਚ ਅਜੇ ਵੀ ਸਭ ਤੋਂ ਘੱਟ ਮਜ਼ਦੂਰੀ ਬਣੀ ਹੋਈ ਹੈ।
ਮੈਨੀਟੋਬਾ ਵਿਚ ਇਹ ਦਰ 50 ਸੈਂਟ ਵੱਧ ਕੇ $15.80 ਪ੍ਰਤੀ ਘੰਟਾ ਹੋ ਗਈ ਹੈ। ਉਥੇ ਹੀ ਪ੍ਰਿੰਸ ਐਡਵਰਡ ਆਈਲੈਂਡ ਵਿਚ ਹੁਣ ਘੱਟੋ-ਘੱਟ ਮਜ਼ਦੂਰੀ $16 ਪ੍ਰਤੀ ਘੰਟਾ ਮਿਲੇਗੀ, ਸੂਬਾ ਸਰਕਾਰ ਨੇ ਇਸ ਵਿਚ 60 ਸੈਂਟ ਦਾ ਵਾਧਾ ਕੀਤਾ ਹੈ, ਸਾਲ ਦੇ ਸ਼ੁਰੂ ਵਿਚ ਵੀ ਪ੍ਰਿੰਸ ਐਡਵਰ ਨੇ ਘੱਟੋ-ਘੱਟ ਮਜ਼ਦੂਰੀ ਵਿਚ 40-ਸੈਂਟ ਦਾ ਵਾਧਾ ਕੀਤਾ ਸੀ।
ਬ੍ਰਿਟਿਸ਼ ਕੋਲੰਬੀਆ ਵਿਚ ਘੱਟੋ-ਘੱਟ ਮਜ਼ਦੂਰੀ ਸਾਰੇ ਸੂਬਿਆਂ ਵਿਚੋਂ ਸਭ ਤੋਂ ਵੱਧ $17.40 ਹੈ, ਜਦੋਂ ਕਿ ਨੁਨਾਵਤ ਦੀ $19 ਪ੍ਰਤੀ ਘੰਟਾ ਮਜ਼ਦੂਰੀ ਕੈਨੇਡਾ ਵਿਚ ਸਭ ਤੋਂ ਜ਼ਿਆਦਾ ਹੈ। ਉਥੇ ਹੀ, ਸੰਘੀ ਨਿਯੰਤ੍ਰਿਤ ਪ੍ਰਾਈਵੇਟ ਸੈਕਟਰ ਲਈ ਘੱਟੋ-ਘੱਟ ਉਜਰਤ $17.30 ਪ੍ਰਤੀ ਘੰਟਾ ਹੈ।
