13.23C Vancouver 13.23C VancouverDec 13, 2023 7:08 PM - The Canadian Press
ਮਾਂਟਰੀਅਲ ਦੇ ਓਲੰਪਿਕ ਸਟੇਡੀਅਮ ਦੀ ਛੱਤ ਦੀ ਹਾਲਤ ਖ਼ਰਾਬ ਹੋ ਚੁੱਕੀ ਹੈ ਜਿਸਨੂੰ ਬਦਲਣ ਦੀ ਲੋੜ੍ਹ ਹੈ। ਜਿਸ ਦੇ ਚਲਦੇ ਕਿਊਬੈਕ ਦੇ ਸੈਰ-ਸਪਾਟਾ ਮੰਤਰੀ Caroline Proulx ਦਾ ਕਹਿਣਾ ਹੈ ਕਿ ਕੈਬਨਿਟ ਜਨਵਰੀ ਵਿੱਚ ਇਸ ਮੁੱਦੇ ਦਾ ਅਧਿਐਨ ਕਰੇਗੀ ਕਿ ਇਸਨੂੰ ਬਦਲਣ 'ਤੇ ਕਿੰਨਾ ਖਰਚਾ ਆਵੇਗਾ।
ਕਿਊਬੈਕ ਦੇ ਪ੍ਰੀਮੀਅਰ ਫ਼੍ਰੈਂਸੁਆ ਲਿਗੋਅ ਨੇ ਅਕਤੂਬਰ ਵਿੱਚ ਕਿਹਾ ਸੀ ਕਿ ਸਟੇਡੀਅਮ ਨੂੰ ਇੱਕ ਨਵੀਂ ਛੱਤ ਦੀ ਲੋੜ ਹੈ ਤੇ ਇਸ ਸਥਾਨ ਦੀ ਪੁਰਾਣੀ ਸ਼ਾਨ ਨੂੰ ਬਹਾਲ ਰੱਖਣ ਲਈ ਛੱਤ ਵਿੱਚ ਬਦਲਾਅ ਹੋਣਾ ਚਾਹੀਦਾ ਹੈ।
ਛੱਤ ਨੂੰ ਬਦਲਣ ਦੀ 2017 ਦੀ ਯੋਜਨਾ ਨੂੰ 2022 ਤੱਕ ਕੀਤਾ ਗਿਆ ਸੀ ਕਿ ਇਸ 'ਤੇ $200 ਮਿਲੀਅਨ ਤੋਂ $250 ਮਿਲੀਅਨ ਦੇ ਵਿਚਕਾਰ ਦੀ ਅਨੁਮਾਨਿਤ ਲਾਗਤ ਆਵੇਗੀ ਪਰ 2019 ਵਿੱਚ ਇਸਨੂੰ ਮੁਲਤਵੀ ਕਰ ਦਿੱਤਾ ਗਿਆ ਸੀ।
ਪਾਰਕ ਓਲੰਪਿਕ ਦਾ ਕਹਿਣਾ ਹੈ ਕਿ ਛੱਤ ਨੂੰ ਬਦਲਣ ਦੇ ਚੱਲਦੇ ਸਟੇਡੀਅਮ ਦੇ ਖੇਡ ਮੈਦਾਨ ਨੂੰ ਮਹੀਨਿਆਂ ਲਈ ਬੰਦ ਕਰਨ ਲਈ ਮਜਬੂਰ ਕੀਤਾ ਜਾਵੇਗਾ।
