16.12C Vancouver 16.12C VancouverJun 23, 2020 11:22 PM -
ਬੀ.ਸੀ. ਸਰਕਾਰ ਵੱਲੋਂ ਸਟ੍ਰਾਟਾ ਇਨਸ਼ੂਰੈਂਸ ਦੀਆਂ ਕੀਮਤਾਂ 'ਚ ਵਾਧੇ ਨਾਲ ਨਜਿੱਠਣ ਲਈ ਉਠਾਏ ਜਾਣ ਵਾਲੇ ਕਦਮਾਂ ਸੰਬੰਧੀ ਵੇਰਵੇ ਸਾਂਝੇ ਕੀਤੇ ਗਏ ਹਨ।
ਇਸ ਦੇ ਵਿੱਚ ਸਟ੍ਰਾਟਾ ਇਨਸ਼ੂਰੈਂਸ ਬਾਰੇ ਵਧੇਰੇ ਪਾਰਦਰਸ਼ਿਤਾ ਲਿਆਉਣ, ਡੈਪਰਿਸੀਏਸ਼ਨ ਰਿਪੋਰਟਸ ਨਾਲ ਜੁੜੀਆਂ ਕੁਝ ਦਿੱਕਤਾਂ ਨੂੰ ਦੂਰ ਕਰਨਾ, ਪ੍ਰਾਪਰਟੀ ਮੈਨੇਜਰਾਂ ਨੂੰ ਰੈਫਰਲ ਫੀਸ ਦੀ ਅਦਾਇਗੀ ਨੂੰ ਖਤਮ ਕਰਨਾ ਅਤੇ ਸਟ੍ਰਾਟਾ ਮਾਲਕਾਂ ਅਤੇ ਕਾਰਪੋਰੇਸ਼ਨਾਂ ਨੂੰ ਉਨ੍ਹਾਂ ਦੀ ਭੂਮਿਕਾ ਨਿਭਾਉਣ ਲਈ ਵਧੇਰੇ ਸਹੂਲਤ ਦੇਣ ਜਿਹੇ ਕਦਮ ਸ਼ਾਮਿਲ ਹਨ।
ਵਿੱਤ ਮੰਤਰੀ ਕੈਰਲ ਜੇਮਜ਼ ਨੇ ਕਿਹਾ, ਸਟ੍ਰਾਟਾ ਇਨਸ਼ੂਰੈਂਸ ਦੀਆਂ ਵੱਧਦੀਆਂ ਕੀਮਤਾਂ ਹਜ਼ਾਰਾਂ ਬੀ.ਸੀ. ਵਾਸੀਆਂ ਲਈ, ਵਧੇਰੇ ਵਿੱਤੀ ਦਬਾਅ ਬਣਾਉਂਦੀਆਂ ਹਨ।
ਉਨ੍ਹਾਂ ਕਿਹਾ ਕਿ ਪ੍ਰਾਈਵੇਟ ਇਨਸ਼ੂਰੈਂਸ ਇੰਡਸਟਰੀ ਨਾਲ ਜੁੜਿਆ, ਇਹ ਇੱਕ ਉਲਝਿਆ ਹੋਇਆ ਮਸਲਾ ਹੈ, ਪਰ ਇਸ ਦਾ ਇਹ ਮਤਲਬ ਨਹੀਂ ਹੈ ਕਿ ਸਰਕਾਰ ਸਥਿਤੀ ਨੂੰ ਬਿਹਤਰ ਕਰਨ ਦੀ ਵਚਨਬੱਧਤਾ ਤੋਂ ਪਿੱਛੇ ਹਟ ਜਾਵੇਗੀ।
ਉਨ੍ਹਾਂ ਕਿਹਾ ਕਿ ਬਾਜ਼ਾਰ 'ਚ ਬੈਲੈਂਸ ਬਣਾ ਕੇ ਰੱਖਣਾ ਸਰਕਾਰ ਦੀ ਜ਼ਿੰਮੇਵਾਰੀ ਹੈ, ਅਤੇ ਅੱਜ ਸਰਕਾਰ ਇਸ ਸੰਬੰਧੀ ਪਹਿਲਾ ਕਦਮ ਉਠਾ ਰਹੀ ਹੈ, ਜਦਕਿ ਲੋੜ ਅਨੁਸਾਰ ਅੱਗੇ ਦਾ ਐਕਸ਼ਨ ਲਿਆ ਜਾਵੇਗਾ।
