27.88C Vancouver 27.88C VancouverJan 6, 2021 4:32 PM -
ਟ੍ਰਾਂਸਪੋਰਟ ਮੰਤਰੀ ਮਾਰਕ ਗਾਰਨੋ ਤੋਂ ਉਮੀਦ ਕੀਤੀ ਜਾ ਰਹੀ ਹੈ ਕਿ ਉਹ ਅੱਜ ਕੈਨੇਡਾ ਵਾਪਸ ਪਰਤਣ ਵਾਲੇ ਯਾਤਰੀਆਂ ਲਈ ਕੋਵਿਡ -19 ਟੈਸਟਿੰਗ ਦੀਆਂ ਜ਼ਰੂਰਤਾਂ ਦੇ ਹੋਰ ਵੇਰਵੇ ਸਾਂਝੇ ਕਰਨਗੇ।
ਗਾਰਨੋ ਨੇ ਪਿਛਲੇ ਹਫਤੇ ਐਲਾਨ ਕੀਤਾ ਸੀ ਕਿ ਵਿਦੇਸ਼ਾਂ ਤੋਂ ਆਉਣ ਵਾਲੇ ਹਵਾਈ ਯਾਤਰੀਆਂ ਨੂੰ ਨੈਗੇਟਿਵ ਟੈਸਟ ਦੇ ਨਤੀਜਿਆਂ ਦਾ ਸਬੂਤ ਦੇਣਾ ਪਵੇਗਾ, ਇਹ ਨਿਯਮ ਵੀਰਵਾਰ ਸਵੇਰ 12:01 ਵਜੇ ਸ਼ੁਰੂ ਹੋਵੇਗਾ।
ਉਨ੍ਹਾਂ ਮੁਤਾਬਕ ਪੀ.ਸੀ.ਆਰ. ਟੈਸਟ ਇੱਕ ਰੈਪਿਡ ਟੈਸਟ ਤੋਂ ਵੱਖਰਾ ਹੈ ਅਤੇ ਪ੍ਰਕਿਰਿਆ ਵਿੱਚ ਕਈ ਦਿਨ ਲੱਗਦੇ ਹਨ।
ਇਸ ਨੂੰ ਮੁਸਾਫ਼ਰਾਂ ਨੂੰ ਹਵਾਈ ਸਫ਼ਰ ਸ਼ੁਰੂ ਹੋਣ ਤੋਂ 72 ਘੰਟੇ ਤੋਂ ਪਹਿਲਾਂ ਕਰਵਾਉਣਾ ਪਵੇਗਾ।
ਏਅਰਲਾਈਨਜ਼ ਅਤੇ ਯਾਤਰੀਆਂ ਦਾ ਕਹਿਣਾ ਹੈ ਕਿ ਇਸ ਯੋਜਨਾ ਦੇ ਨਾਲ ਸੰਬੰਧਤ ਬਹੁਤ ਸਾਰੇ ਸਵਾਲਾਂ ਦੇ ਜਵਾਬ ਸਪਸ਼ਟ ਨਹੀਂ ਹਨ ਅਤੇ ਇਸ ਨਾਲ ਯਾਤਰੀਆਂ ਦੇ ਵਿਦੇਸ਼ਾਂ ਵਿੱਚ ਫਸਣ ਦਾ ਖ਼ਤਰਾ ਹੈ।
ਏਅਰਲਾਈਨਜ਼ ਮੁਤਾਬਕ ਜਿਥੇ ਇਹ ਨਵੇਂ ਟੈਸਟਿੰਗ ਨਿਯਮ ਉਨ੍ਹਾਂ ਨੂੰ ਦੁਨੀਆਂ ਭਰ ਵਿੱਚ ਚੈੱਕ-ਇਨ ਕਾਉਂਟਰਾਂ ’ਤੇ ਲਾਗੂ ਕਰਨੇ ਪੈਣਗੇ, ਓਥੇ ਹੀ ਇਸ ਦੇ ਬਾਵਜੂਦ, ਉਨ੍ਹਾਂ ਨਾਲ ਇਸ ਸੰਬੰਧ ਵਿੱਚ ਸਰਕਾਰ ਨੇ ਕੋਈ ਸਲਾਹ ਮਸ਼ਵਰਾ ਨਹੀਂ ਕੀਤਾ।
ਗਾਰਨੋ ਮੁਤਾਬਕ ਜਿਹੜੇ ਮੁਸਾਫ਼ਰ ਅਜਿਹੇ ਮੁਲਕਾਂ ਤੋਂ ਆ ਰਹੇ ਹਨ ਜਿੱਥੇ ਇਹ ਟੈਸਟਿੰਗ ਉਪਲੱਬਧ ਨਹੀਂ ਹੈ, ਉਨ੍ਹਾਂ ਨੂੰ ਕੈਨੇਡਾ ਪਹੁੰਚਣ ’ਤੇ ਇੱਕ ‘ਫੈਡਰਲ ਫਸਿਲਿਟੀ’ ਵਿੱਚ ਦੋ ਹਫ਼ਤੇ ਲਈ ਕੁਆਰਨਟਿਨ ਕਰਨਾ ਪਵੇਗਾ ਅਤੇ ਜਿਹੜੇ ਯਾਤਰੀਆਂ ਕੋਲ ਟੈਸਟ ਦੇ ਨਤੀਜੇ ਹਨ, ਉਨ੍ਹਾਂ ਨੂੰ ਆਪਣੇ ਘਰ ਵਿੱਚ ਦੋ ਹਫ਼ਤੇ ਲਈ ਕੁਆਰਨਟਿਨ ਕਰਨਾ ਪਵੇਗਾ।
