20.77C Vancouver 20.77C VancouverJul 28, 2022 9:24 PM - The Canadian Press
ਬੀ.ਸੀ. 'ਚ ਟਰਾਂਸਪੋਰਟੇਸ਼ਨ ਮੰਤਰਾਲੇ ਵੱਲੋਂ ਬੀ.ਸੀ. ਡੇਅ ਲੌਂਗ ਵੀਕਐਂਡ ਲਈ ਯਾਤਰਾ ਦੀ ਪਲੈਨਿੰਗ ਕਰ ਰਹੇ ਲੋਕਾਂ ਨੂੰ ਟਰੈਫਿਕ ਸੰਬੰਧੀ ਸਾਵਧਾਨ ਕੀਤਾ ਗਿਆ ਹੈ।
ਟਰਾਂਸਪੋਰਟੇਸ਼ਨ ਮੰਤਰਾਲੇ ਦਾ ਕਹਿਣਾ ਹੈ ਕਿ ਯਾਤਰਾ ਦਾ ਪਲੈਨ ਬਣਾ ਰਹੇ ਲੋਕ ਸਮੇਂ ਸਿਰ ਸਾਵਧਾਨੀ ਵਰਤਣ ਅਤੇ ਰਸਤੇ 'ਚ ਟਰੈਫਿਕ ਸੰਬੰਧੀ ਅੜਿੱਕਿਆਂ ਲਈ ਤਿਆਰ ਰਹਿਣ।
ਮੰਤਰਾਲੇ ਅਨੁਸਾਰ ਹਾਈਵੇਅ 5 ਯਾਨੀ ਕਿ ਕੋਕਿਹਾਲਾ ਹਾਈਵੇਅ 'ਤੇ ਅੜਿੱਕਿਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਇਸ ਹਾਈਵੇਅ 'ਤੇ ਬੀਤੇ ਸਾਲ ਪਤਝੜ ਦੇ ਦੌਰਾਨ ਹੜ੍ਹਾਂ ਅਤੇ ਲੈਂਡਸਲਾਈਡਸ ਕਾਰਨ ਹੋਏ ਨੁਕਸਾਨ ਸੰਬੰਧੀ ਮਰੱਮਤ ਦੇ ਕੰਮ ਹੁਣ ਤਕ ਜਾਰੀ ਹਨ।
ਇਸ ਦੇ ਨਾਲ ਹੀ ਮੰਤਰਾਲੇ ਵੱਲੋਂ ਸੂਬੇ 'ਚ ਗਰਮੀ ਦੇ ਹਾਲਾਤਾਂ ਪ੍ਰਤੀ ਵੀ ਯਾਤਰੀਆਂ ਨੂੰ ਸਾਵਧਾਨ ਰਹਿਣ ਦੀ ਅਪੀਲ ਕੀਤੀ ਗਈ ਹੈ।
ਮੰਤਰਾਲੇ ਅਨੁਸਾਰ ਗਰਮੀ ਦੇ ਇਹ ਹਾਲਾਤ ਸੋਮਵਾਰ ਤਕ ਜਾਰੀ ਰਹਿ ਸਕਦੇ ਹਨ ਅਤੇ ਵਾਹਨਾਂ ਦੀ ਸਵਾਰੀ ਕਰਨ ਵਾਲਿਆਂ ਲਈ ਸਾਵਧਾਨ ਰਹਿਣਾ ਜਰੂਰੀ ਹੈ।
ਵਾਹਨ ਚਾਲਕਾਂ ਨੂੰ ਵਾਹਨ 'ਚ ਸਵਾਰ ਲੋਕਾਂ ਅਤੇ ਪਾਲਤੂ ਜਾਨਵਰਾਂ ਲਈ ਚੰਗੀ ਮਾਤਰਾ 'ਚ ਪਾਣੀ ਰੱਖਣ ਦੀ ਅਪੀਲ ਕੀਤੀ ਗਈ ਹੈ।
ਇਸ ਦੇ ਨਾਲ ਹੀ ਸਾਵਧਾਨ ਕੀਤਾ ਗਿਆ ਹੈ ਕਿ ਵਾਹਨ ਜਾਂਚ ਲਏ ਜਾਣ ਕਿ ਉਹ ਇੰਨੀ ਗਰਮੀ ਝੱਲਣ ਲਾਇਕ ਹੋਣ।
