23.39C Vancouver 23.39C VancouverApr 14, 2021 7:31 PM -
ਅਮਰੀਕਾ ਦੇ ਮੀਨੇਸੋਟਾ 'ਚ ਪ੍ਰਸਿਕਿਊਟਰ ਦਾ ਕਹਿਣਾ ਹੈ ਕਿ ਸਾਬਕਾ ਮੀਨੀਆਪੌਲਿਸ ਪੁਲਿਸ ਅਫ਼ਸਰ ਨੂੰ ਡੌਂਟੇ ਰਾਈਟ ਦੀ ਮੌਤ ਦੇ ਮਾਮਲੇ 'ਚ ਸੈਕਿੰਡ ਡਿਗਰੀ ਕਤਲ ਦੇ ਦੋਸ਼ਾਂ ਦਾ ਸਾਹਮਣਾ ਕਰਨਾ ਪਵੇਗਾ।
ਸਾਬਕਾ ਅਫ਼ਸਰ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।
ਵਾਸ਼ਿੰਗਟਨ ਕਾਉਂਟੀ ਅਟੌਰਨੀ ਪੀਟ ਔਰਪੁਟ (Washington County Attorney Pete Orput) ਨੇ ਬੁੱਧਵਾਰ ਨੂੰ ਕਿਹਾ ਕਿ ਸਾਬਕਾ ਅਫ਼ਸਰ, ਕਿਮ ਪੌਟਰ 'ਤੇ ਦੋਸ਼ ਲਗਾਏ ਜਾ ਰਹੇ ਹਨ।
20 ਸਾਲਾ ਸਿਆਹ ਰੰਗ ਦੇ ਵਿਅਕਤੀ, ਡੌਂਟੇ ਰਾਈਟ ਦੀ ਪੁਲਿਸ ਦੀ ਗੋਲੀ ਕਾਰਨ ਮੌਤ ਹੋ ਗਈ ਸੀ।
ਹਾਲਾਂਕਿ ਘਟਨਾ ਤੋਂ ਬਾਅਦ ਮੀਨੀਆਪੌਲਿਸ 'ਚ ਪੁਲਿਸ ਚੀਫ਼ ਦਾ ਕਹਿਣਾ ਸੀ ਕਿ ਪੁਲਿਸ ਅਫ਼ਸਰ ਟੇਜ਼ਰ ਦਾ ਇਸਤੇਮਾਲ ਕਰਨਾ ਚਾਹੁੰਦਾ ਸੀ।
ਪੁਲਿਸ ਚੀਫ਼ ਟਿਮ ਗੈਨਨ (Police Chief Tim Gannon) ਨੇ ਇਸ ਘਟਨਾ ਨੂੰ ਇੱਕ ਹਾਦਸਾ ਦੱਸਿਆ ਸੀ।
ਹਾਲਾਂਕਿ ਬਾਅਦ 'ਚ ਪੁਲਿਸ ਚੀਫ਼ ਨੇ ਵੀ ਅਸਤੀਫ਼ਾ ਦੇ ਦਿੱਤਾ ਸੀ।
ਇਸ ਵਿਅਕਤੀ ਦੀ ਐਤਵਾਰ ਨੂੰ ਬਰੂਕਲਿਨ ਸੈਂਟਰ 'ਚ ਮੌਤ ਹੋ ਗਈ ਸੀ।
ਇਹ ਇਲਾਕਾ ਮੀਨੀਆਪੌਲਿਸ ਦੇ ਉੱਤਰਪੱਛਮੀ ਬਾਰਡਰ ਕੋਲ ਸਥਿਤ ਹੈ।
ਇਸ ਵਿਅਕਤੀ ਦੀ ਮੌਤ ਤੋਂ ਬਾਅਦ ਇਲਾਕੇ 'ਚ ਹਿੰਸਕ ਪ੍ਰਦਰਸ਼ਨ ਹੋਏ ਹਨ।
ਯਾਦ ਰਹੇ ਇਸ ਇਲਾਕੇ 'ਚ ਪਹਿਲਾਂ ਹੀ ਜੌਰਜ ਫਲਾਇਡ ਦੀ ਮੌਤ ਦੇ ਮਾਮਲੇ 'ਚ ਇੱਕ ਅਫ਼ਸਰ ਦੇ ਟਰਾਇਲ ਦੌਰਾਨ ਤਣਾਅ ਦਾ ਮਾਹੌਲ ਬਣਿਆ ਹੋਇਆ ਹੈ।
