ਸਰੀ ਵਿਚ 10 ਸਾਲਾ ਲੜਕਾ ਲਾਪਤਾ, ਪੁਲਿਸ ਨੇ ਉਸ ਨੂੰ ਲੱਭਣ ਵਿੱਚ ਲੋਕਾਂ ਨੂੰ ਕੀਤੀ ਮਦਦ ਦੀ ਅਪੀਲ

ਸਰੀ ਵਿਚ ਇੱਕ 10 ਸਾਲਾ ਲੜਕਾ ਲਾਪਤਾ ਹੋ ਗਿਆ ਹੈ, ਪੁਲਿਸ ਨੇ ਉਸ ਨੂੰ ਲੱਭਣ ਵਿਚ ਲੋਕਾਂ ਤੋਂ ਮਦਦ ਦੀ ਅਪੀਲ ਕੀਤੀ ਹੈ। ਸਰੀ ਪੁਲਿਸ ਸਰਵਿਸ ਮੁਤਾਬਕ, ਐਡਰਿਸ ਅਜ਼ੀਜ਼ੀ ਅੱਜ ਸਵੇਰੇ 8:15 ਵਜੇ 103ਏ ਸਟ੍ਰੀਟ ਦੇ 13100 ਬਲਾਕ ਵਿਚ ਆਪਣੇ ਘਰ ਤੋਂ ਨਿਕਲਿਆ ਅਤੇ ਨੇੜੇ ਹੀ ਸਥਿਤ ਸਕੂਲ ਨਹੀਂ ਪਹੁੰਚਿਆ।

ਪੁਲਿਸ ਨੇ ਕਿਹਾ ਕਿ ਐਡਰਿਸ ਅਜ਼ੀਜ਼ੀ ਦਾ ਕੱਦ 4 ਫੁੱਟ 8 ਇੰਚ, ਸਰੀਰ ਪਤਲਾ, ਵਾਲ ਕਾਲੇ ਹਨ। ਉਹ ਬਲੈਕ ਟੀ-ਸ਼ਰਟ ਅਤੇ ਬਲੈਕ ਕਾਰਗੋ ਪੈਂਟ ਵਿਚ ਸੀ, ਨਾਲ ਹੀ ਉਸ ਕੋਲ ਕਲਰਫੁਲ ਬੈਕਪੈਕ ਸੀ। ਸਰੀ ਪੁਲਿਸ ਨੇ ਸੰਭਾਵਨਾ ਜਤਾਈ ਹੈ ਕਿ ਐਡਰਿਸ- ਇਲੈਕਟ੍ਰਿਕ ਸਕੂਟਰ ਚਲਾ ਰਿਹਾ ਹੋ ਸਕਦਾ ਹੈ।

ਐਡਰਿਸ ਇਸ ਸਮੇਂ ਕਿੱਥੇ ਹੈ ਇਸ ਬਾਰੇ ਜਾਣਕਾਰੀ ਰੱਖਣ ਵਾਲੇ ਕਿਸੇ ਵੀ ਵਿਅਕਤੀ ਨੂੰ SPS ਨਾਲ 604-599-0502 'ਤੇ ਸੰਪਰਕ ਕਰਨ ਲਈ ਕਿਹਾ ਗਿਆ ਹੈ।