13.84C Vancouver 13.84C VancouverOct 7, 2021 8:36 PM -
ਬੀ.ਸੀ. ਅਤੇ ਕੈਨੇਡਾ 'ਚ ਕੋਵਿਡ-19 ਪੈਂਡੈਮਿਕ ਦੀ ਦਿਸ਼ਾ ਦਾ ਵਿਸ਼ਲੇਸ਼ਣ ਕਰਨ ਵਾਲੇ ਇੱਕ ਸੁਤੰਤਰ ਗਰੁੱਪ ਨੇ ਇੱਕ ਮਾਡਲਿੰਗ ਡਾਟਾ ਜਾਰੀ ਕੀਤਾ ਹੈ।
ਇਸ 'ਚ ਬੱਚਿਆਂ 'ਚ ਕੋਵਿਡ-19 ਦੇ ਫੈਲਾਅ ਸੰਬੰਧੀ ਕੁਝ ਚਿੰਤਾ ਜਾਹਿਰ ਕੀਤੀ ਗਈ ਹੈ।
12 ਐਪੀਡਿਮੀਔਲੋਜਿਸਟਸ, ਮੈਥੇਮੈਟੀਸ਼ੀਅਨਸ ਅਤੇ ਐਨਲਿਸਟਸ ਦੀ ਇਸ ਰਿਪੋਰਟ 'ਚ 4 ਅਕਤੂਬਰ ਤਕ ਦਾ ਸਮਾਂ ਕਵਰ ਕੀਤਾ ਗਿਆ ਹੈ।
ਇਹ ਮਾਹਿਰ ਯੂਨੀਵਰਸਿਟੀ ਆਫ ਵਿਕਟੋਰੀਆ, ਯੂ.ਬੀ.ਸੀ. ਅਤੇ ਐਸ.ਐਫ.ਯੂ. ਤੋਂ ਵਾਸਤਾ ਰੱਖਦੇ ਹਨ।
ਇਸ 'ਚ ਦੱਸਿਆ ਗਿਆ ਕਿ ਬੀ.ਸੀ. ਦੇ ਇੰਟੈਂਸਿਵ ਕੇਅਰ ਯੂਨਿਟਸ ਵਿੱਚ ਦਬਾਅ ਪੀਕ ਲੈਵਲ ਦੇ ਕਰੀਬ ਦਾ ਬਣਿਆ ਹੋਇਆ ਹੈ।
ਹਾਲਾਂਕਿ ਇਸ 'ਚ ਦੱਸਿਆ ਗਿਆ ਕਿ ਸਿਤੰਬਰ ਦੌਰਾਨ ਮਾਸਕਿੰਗ, ਵੈਕਸੀਨੇਸ਼ਨ ਅਤੇ ਹੋਰ ਪਬਲਿਕ ਹੈਲਥ ਕਦਮਾਂ ਕਾਰਨ ਕੋਵਿਡ-19 ਮਾਮਲੇ ਵਧਣ ਤੋਂ ਬਚਾਅ ਰਿਹਾ।
ਹਾਲਾਂਕਿ ਇਸੇ ਸਮੇਂ ਦੌਰਾਨ ਫਰੇਜ਼ਰ ਹੈਲਥ, ਇੰਟੀਰੀਅਰ ਹੈਲਥ ਅਤੇ ਵੈਨਕੂਵਰ ਆਈਲੈਂਡ ਹੈਲਥ 'ਚ ਯੁਵਾ ਵਰਗ 'ਚ ਕੋਵਿਡ-19 ਮਾਮਲੇ ਵਧੇ ਹਨ।
ਇਸ 'ਚ ਦੱਸਿਆ ਗਿਆ ਕਿ ਬੱਚੇ ਸੂਬੇ ਦੇ ਕਰੀਬ 50% ਅਨਵੈਕਸੀਨੇਟਿਡ ਲੋਕਾਂ ਦਾ ਸਮੂਹ ਦਰਸ਼ਾਉਂਦੇ ਹਨ।
ਸਟਡੀ 'ਚ ਦੱਸਿਆ ਗਿਆ ਕਿ ਜੇਕਰ 5 ਤੋਂ 11 ਸਾਲ ਦੇ ਬੱਚਿਆਂ ਲਈ ਵੈਕਸੀਨ ਮਨਜੂਰ ਹੋ ਜਾਂਦੀ ਹੈ ਤਾਂ ਵਾਇਰਸ ਦੇ ਫੈਲਾਅ ਨੂੰ ਰੋਕਣ 'ਚ ਮਦਦ ਮਿਲੇਗੀ।
