17.41C Vancouver 17.41C VancouverJan 30, 2021 1:01 AM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਦੱਸਿਆ ਹੈ ਕਿ ਕੈਨੇਡਾ ਦੇ ਇੱਕ ਹੋਰ ਵੈਕਸੀਨ ਸਪਲਾਇਰ ਵੱਲੋਂ ਆਪਣੀਆਂ ਡਿਲਿਵਰੀਆਂ 'ਚ ਕੁਝ ਕਟੌਤੀ ਕੀਤੀ ਜਾ ਰਹੀ ਹੈ।
ਮੌਡਰਨਾ ਵੈਕਸੀਨ ਦੀਆਂ ਅਗਲੇ ਹਫ਼ਤੇ ਹੋਣ ਵਾਲੀਆਂ ਡਿਲਿਵਰੀਆਂ ਦਾ ਕਰੀਬ 25% ਹਿੱਸਾ ਸਪਲਾਈ ਨਹੀਂ ਹੋਵੇਗਾ।
ਕੈਨੇਡਾ ਦੀ ਅਗਲੀ ਸ਼ਿਪਮੈਂਟ 'ਚ ਕਰੀਬ 50,000 ਡੋਜ਼ ਦੀ ਕਟੌਤੀ ਹੋਵੇਗੀ।
ਅਜਿਹੀਆਂ ਕਟੌਤੀਆਂ ਯੂਰੋਪ, ਇਟਲੀ, ਫਰਾਂਸ ਅਤੇ ਸਵਿਟਜ਼ਰਲੈਂਡ ਦੇ ਇਲਾਕਿਆਂ ਲਈ ਵੀ ਕੀਤੀਆਂ ਗਈਆਂ ਹਨ।
ਕੈਨੇਡਾ ਲਈ ਇਹ ਵਧੇਰੇ ਮੁਸ਼ਕਿਲ ਮੰਨੀ ਜਾ ਰਹੀ ਹੈ ਕਿਉਂਕਿ ਫਾਈਜ਼ਰ ਵੈਕਸੀਨ ਦੀਆਂ ਖੁਰਾਕਾਂ 'ਚ ਪਹਿਲਾਂ ਦੀ ਵਿਘਨ ਪੈ ਗਿਆ ਸੀ।
ਹਾਲਾਂਕਿ ਟਰੂਡੋ ਨੇ ਵਿਚਵਾਸ ਦਵਾਇਆ ਕਿ ਇਹ ਸਭ ਟੈਂਪਰੇਰੀ ਵਿਘਨ ਹਨ ਅਤੇ ਇਸ ਦਾ ਵੈਕਸੀਨੇਸ਼ਨ ਪ੍ਰੀਕਿਰਿਆ 'ਤੇ ਬਹੁਤ ਪ੍ਰਭਾਵ ਨਹੀਂ ਪਵੇਗਾ।
ਟਰੂਡੋ ਦਾ ਕਹਿਣਾ ਹੈ ਕਿ ਯੂਰੋਪ ਵੱਲੋਂ ਲਗਾਈਆਂ ਗਈਆਂ ਐਕਸਪੋਰਟ ਦੀਆਂ ਪਬੰਦੀਆਂ ਦਾ ਕੈਨੇਡਾ ਕੋਲ ਪਹੁੰਚ ਰਹੀਆਂ ਵੈਕਸੀਨ ਦੀਆਂ ਖੁਰਾਕਾਂ 'ਤੇ ਅਸਰ ਨਹੀਂ ਪਵੇਗਾ ਅਤੇ ਉਨ੍ਹਾਂ ਫਾਈਜ਼ਰ ਤੇ ਮੌਡਰਨਾ ਵੱਲੋਂ ਜਲਦੀ ਹੀ ਘੱਟ ਹੋਈਆਂ ਡਿਲਿਵਰੀਆਂ ਪੂਰੀਆਂ ਕਰਨ ਦੀ ਆਸ ਜਤਾਈ।
