25.78C Vancouver 25.78C VancouverJun 7, 2021 3:40 PM -
ਮੋਡਰਨਾ ਵਲੋਂ ਹੈਲਥ ਕੈਨੇਡਾ ਤੋਂ ਅੱਜ ਆਪਣੀ ਕੋਵਿਡ -19 ਵੈਕਸੀਨ ਨੂੰ ਟੀਨੇਜਰਜ਼ ’ਤੇ ਵਰਤਣ ਲਈ ਮਨਜ਼ੂਰੀ ਦੀ ਦਰਖ਼ਾਸਤ ਕੀਤੀ ਜਾ ਰਹੀ ਹੈ।
ਮੈਸੇਚਿਉਸੇਟਸ ਅਧਾਰਤ ਕੰਪਨੀ ਦਾ ਕਹਿਣਾ ਹੈ ਕਿ ਅਮਰੀਕਾ ਵਿੱਚ 12 ਤੋਂ 17 ਸਾਲ ਦੀ ਉਮਰ ਦੇ 2500 ਨੌਜਵਾਨਾਂ ’ਤੇ ਕੀਤੇ ਟ੍ਰਾਇਲ ਤੋਂ ਬਾਅਦ ਇਹ ਸੰਕੇਤ ਮਿਲਿਆ ਹੈ ਕਿ ਕੋਵਿਡ -19 ਦੇ ਬਚਾਅ ਵਿੱਚ ਇਹ ਟੀਕਾ 93 ਤੋਂ 100 ਪ੍ਰਤੀਸ਼ਤ ਪ੍ਰਭਾਵਸ਼ਾਲੀ ਹੈ।
ਮੋਡਰਨਾ ਦੂਜੀ ਅਜਿਹੀ ਕੰਪਨੀ ਹੈ ਜਿਸ ਨੇ ਨੌਜਵਾਨਾਂ ਲਈ ਪ੍ਰਵਾਨਗੀ ਲਈ ਅਰਜ਼ੀ ਦਿੱਤੀ ਹੈ; ਫਾਈਜ਼ਰ-ਬਾਇਓਨਟੈਕ ਦੇ ਟੀਕੇ ਨੂੰ ਦਸੰਬਰ ਤੋਂ 16 ਸਾਲ ਤੱਕ ਦੇ ਛੋਟੇ ਬੱਚਿਆਂ ਲਈ ਅਤੇ ਮਈ ਵਿੱਚ 12 ਤੋਂ 15 ਸਾਲ ਦੀ ਉਮਰ ਦੇ ਬੱਚਿਆਂ ਲਈ ਮਨਜ਼ੂਰੀ ਦਿੱਤੀ ਗਈ ਸੀ।
ਦੋਵਾਂ ਕੰਪਨੀਆਂ ਨੂੰ ਪੱਤਝੱੜ ਤੱਕ ਮਨਜ਼ੂਰੀ ਮਿਲਣ ਦੀ ਆਸ ਵਿੱਚ 6 ਮਹੀਨੇ ਤੱਕ ਦੇ ਛੋਟੇ ਬੱਚਿਆਂ ’ਤੇ ਵੈਕਸੀਨ ਦੇ ਟੈਸਟ ਕੀਤੇ ਜਾ ਰਹੇ ਹਨ।
ਮੋਡਰਨਾ ਨੇ ਅਮਰੀਕਾ ਅਤੇ ਕੈਨੇਡਾ ਵਿੱਚ ਐਮਰਜੈਂਸੀ ਵਰਤੋਂ ਦੇ ਨਿਯਮਾਂ ਤਹਿਤ ਆਪਣੀ ਟੀਕੇ ਦੀ ਵਰਤੋਂ ਲਈ ਮਨਜ਼ੂਰੀ ਦੀ ਅਰਜ਼ੀ ਵੀ ਦਾਇਰ ਕੀਤੀ ਹੋਈ ਹੈ।
