9.82C Vancouver 9.82C VancouverNov 30, 2023 8:02 PM - The Canadian Press
ਕੈਨੇਡਾ ਵਿੱਚ ਹੋਮ ਹੀਟਿੰਗ ਨੂੰ ਲੈ ਕੇ ਚੱਲ ਰਹੇ ਵਿਵਾਦ ਵਿਚਕਾਰ ਸਸਕੈਚਵਨ ਪ੍ਰੀਮੀਅਰ ਸਕਾਟ ਮੋ ਨੇ ਐਲਾਨ ਕੀਤਾ ਹੈ ਕਿ ਸੂਬਾ 1 ਜਨਵਰੀ ਤੋਂ ਇਲੈਕਟ੍ਰਿਕ ਹੀਟ 'ਤੇ ਕਾਰਬਨ ਲੈਵੀ ਇਕੱਠਾ ਕਰਨਾ ਬੰਦ ਕਰਨ ਜਾ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਉੱਤਰੀ ਸਸਕੈਚਵਨ ਵਿੱਚ ਬਹੁਤ ਸਾਰੇ ਲੋਕ ਆਪਣੇ ਘਰਾਂ ਨੂੰ ਹੀਟ ਕਰਨ ਲਈ ਬਿਜਲੀ ਦਾ ਇਸਤੇਮਾਲ ਕਰਦੇ ਹਨ ਅਤੇ ਉਹਨਾਂ ਨੂੰ ਕਾਰਬਨ ਦੀ ਕੀਮਤ ਅਦਾ ਕਰਨ ਤੋਂ ਛੋਟ ਮਿਲਣੀ ਚਾਹੀਦੀ ਹੈ। ਪ੍ਰੀਮੀਅਰ ਨੇ ਕਿਹਾ ਕਿ ਸੂਬਾ ਪਹਿਲਾਂ ਇਹ ਪਤਾ ਲਗਾਏ ਕਿ ਕਿਹੜੇ ਘਰ ਹੀਟਿੰਗ ਲਈ ਬਿਜਲੀ ਦਾ ਇਸਤੇਮਾਲ ਕਰਦੇ ਹਨ ਅਤੇ ਫਿਰ ਹਿਸਾਬ ਲਗਾਇਆ ਜਾਵੇਗਾ ਕਿ ਉਨ੍ਹਾਂ ਦੇ ਬਿੱਲਾਂ ਨੂੰ ਕਾਰਬਨ ਦੀ ਕੀਮਤ ਤੋਂ ਛੋਟ ਕਿਵੇਂ ਦੇਣੀ ਹੈ।
ਗੌਰਤਲਬ ਹੈ ਕਿ ਪੀ. ਐੱਮ. ਜਸਟਿਨ ਟਰੂਡੋ ਵੱਲੋਂ ਸਿਰਫ਼ ਹੋਮ ਹੀਟਿੰਗ ਆਇਲ ਨੂੰ ਕਾਰਬਨ ਟੈਕਸ ਤੋਂ ਛੋਟ ਦਿੱਤੇ ਜਾਣ ਤੋਂ ਬਾਅਦ ਸਸਕੈਚਵਨ ਪ੍ਰੀਮੀਅਰ ਨੇ ਇਸ ਨੂੰ ਬੇਇਨਸਾਫ਼ੀ ਕਰਾਰ ਦਿੰਦੇ ਹੋਏ ਅਕਤੂਬਰ ਦੇ ਅਖੀਰ ਵਿਚ ਕਿਹਾ ਸੀ ਕਿ ਸੂਬਾ ਨੈਚੂਰਲ ਗੈਸ 'ਤੇ ਕਾਰਬਨ ਲੈਵੀ ਚਾਰਜ ਕਰਨਾ ਬੰਦ ਕਰ ਦੇਵੇਗਾ। ਉਨ੍ਹਾਂ ਦਾ ਕਹਿਣਾ ਸੀ ਕਿ ਫੈਡਰਲ ਸਰਕਾਰ ਦਾ ਇਹ ਕਦਮ ਮੁੱਖ ਤੌਰ 'ਤੇ ਸਿਰਫ ਐਟਲਾਂਟਿਕ ਕੈਨੇਡਾ ਨੂੰ ਹੀ ਫਾਇਦਾ ਪਹੁੰਚਾਉਣ ਵਾਲਾ ਹੈ।
ਅਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਵੀ ਨੈਚੂਰਲ ਗੈਸ ਨੂੰ ਕਾਰਬਨ ਟੈਕਸ ਤੋਂ ਛੋਟ ਦੇਣ ਦੀ ਮੰਗ ਕਰ ਚੁੱਕੇ ਹਨ।
