12.16C Vancouver 12.16C VancouverMar 13, 2025 6:45 PM - The Canadian Press
ਬੀ. ਸੀ. ਦੀ ਇੱਕ 35 ਸਾਲਾ ਔਰਤ ਨੂੰ ਅਮਰੀਕੀ ਸਰਹੱਦ 'ਤੇ ਹਿਰਾਸਤ ਵਿਚ ਲਏ ਜਾਣ ਅਤੇ ਜ਼ੰਜੀਰਾਂ ਵਿਚ ਬੰਨ੍ਹ ਕੇ ਐਰੀਜ਼ੋਨਾ ਹਿਰਾਸਤ ਸੈਂਟਰ ਵਿਚ ਭੇਜੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਐਬਟਸਫੋਰਡ ਦੀ ਰਹਿਣ ਵਾਲੀ ਜੈਸਮੀਨ ਮੂਨੀ ਦੀ ਮਾਂ ਅਲੈਕਸਿਸ ਈਗਲਜ਼ ਮੁਤਾਬਕ, ਉਨ੍ਹਾਂ ਦੀ ਬੇਟੀ ਨੇ 3 ਮਾਰਚ ਨੂੰ ਮੈਕਸੀਕੋ ਅਤੇ ਸੈਨ ਡਿਏਗੋ ਵਿਚਕਾਰ ਯਸੀਦਰੋ ਸਰਹੱਦ ਪਾਰ ਰਾਹੀਂ ਅਮਰੀਕਾ ਵਿਚ ਪ੍ਰਵੇਸ਼ ਕੀਤਾ ਸੀ ਪਰ ਵੀਜ਼ੇ ਨਾਲ ਜੁੜੇ ਮਾਮਲੇ ਕਾਰਨ ਆਈ.ਸੀ.ਈ. ਨੇ ਉਸ ਨੂੰ ਹਿਰਾਸਤ ਵਿਚ ਲੈ ਲਿਆ, ਜਿੱਥੇ ਉਸ ਨੂੰ ਹਿਰਾਸਤ ਸੈਂਟਰ ਵਿਚ ਤਿੰਨ ਰਾਤਾਂ ਰੱਖਿਆ ਗਿਆ।
ਇਸ ਤੋਂ ਬਾਅਦ ਉਸ ਨੂੰ ਕੈਲੀਫੋਰਨੀਆ ਅਤੇ ਫਿਰ ਐਰੀਜ਼ੋਨਾ ਸਮੇਤ ਹੋਰ ਹਿਰਾਸਤ ਕੇਂਦਰਾਂ ਵਿਚ ਭੇਜਿਆ ਗਿਆ ਅਤੇ ਹਰ ਵਾਰ ਉਸ ਨੂੰ ਹੱਥਕੜੀ ਅਤੇ ਬੇੜੀਆਂ ਨਾਲ ਬੰਨਿਆ ਗਿਆ। ਈਗਲਜ਼ ਨੇ ਆਪਣੀ ਧੀ ਨਾਲ ਹੋਏ ਅਣਮਨੁੱਖੀ ਸਲੂਕ ਨੂੰ ਲੈ ਕੇ ਚਿੰਤਾ ਜਤਾਈ ਅਤੇ ਉਸ ਨੂੰ ਕੈਨੇਡਾ ਵਾਪਸ ਲਿਆਉਣ ਦੀ ਮੰਗ ਕੀਤੀ। ਗਲੋਬਲ ਅਫੇਅਰਜ਼ ਕੈਨੇਡਾ ਮੁਤਾਬਕ, ਕੌਂਸਲਰ ਅਧਿਕਾਰੀ ਸਥਾਨਕ ਅਧਿਕਾਰੀਆਂ ਨਾਲ ਸੰਪਰਕ ਵਿਚ ਹਨ।
